دغه دوه سوریایي وګړي د هغو اقداماتو له امله چې خپله یې ادعا کړې، یوه لسیزه وړاندې په دمشق کې په یوې ترهګرې ډلې کې غړیتوب او جنګي جرمونو تورن شوي دي، چې اوسمهال په توقیف کې دي. داسې ګمان کیږي چې دوی دواړه به له اسلامي دولت ډلې سره یوځای شوي وي.
آلماني څارنوالانو دغه دوه سوريايي وګړي په "جنګي جرمونو" تورن کړي. دغه دوه کسان د سوریې په پلازمېنه دمشق کې د داعش وسله والې ډلې د یوې برخې په توګه د لسو کلونو له پاره په کار کولو تورن دي.
په آلمان کې ترهگریزو پیښو ته کتنه
تر اوسه پورې لا په برلین کې د رامنځ ته شوې پیښي په اړه معلومات نه سته چي ايا دا يو ترهگریز عمل دی که نه. خو له ډیرې مودې راهیسې آلمان د ترهگرو بریدونو تر هدف لاندي دی. په انځورونو کې په آلمان کې شوو پیښو ته کتنه شوې ده. انځور: picture-alliance/dpa/A. Gebert د ۲۰۱۶م کال اکتوبر میاشت، لايپڅیگ سوریایي جبار البکر وروسته له هغې پولیسو ونیو چې د خپل هیواد خلکو یې پولیسو ته خبر ورکړ. دغه ۲۲ کلن چاودیدونکي توکي چمتو کړي وو او د پولیسو د وینا له مخې غوښتل یې د برلین په هوایي ډگر برید وکړي. البکر، تر نیول کیدو لږ څه وروسته په لایپڅیگ کې په زندان کې خپل ځان وواژه.
انځور: Polizei Sachsen د ۲۰۱۶م کال د جولای ۲۴، انسبخ د موسیقۍ د یوه فیستوال دخلي دروازې تر څنگ د محمد د. په نوم یوه سوریایي مهاجر خپلو چاودیدونکو توکو ته انفجار ورکړ او ډیر شمیر کسان یې ټپیان کړل. دغه کس داعش ته اوښتی وو. ویل شوي دي چې دغه کس چې روحي ناروغه هم وو د چاودنې دمخه پورې یې د موبایل تلیفون له لارې سپارښتنې تر لاسه کولې. تندلارې ډلې «اسلامي دولت» یا داعش د دغه برید مسوولیت پر غاړه واخیست.
انځور: picture alliance/AP Photo/D. Karmann د ۲۰۱۶م کال د جولای ۱۸، وورڅبورگ یوه ۱۷ کلن افغان مهاجر په یوه اورگاډي کې د تبر او چړې په واسطه پر مسافرینو برید وکړ. په برید کې یو شمیر کسان ټپیان شول چې د ځینو روغتیايي وضعیت مرگونی وو. برید کوونکی د تیښتې پر مهال د پولیسو له لوري ووژل شو. د دغه برید انگیزه هم تندلارتوب ته رسیده او برید کوونکي په دې اړه یوه ویدیویي پیغام کې څرگندونې کړې وې. داعش د دغه برید مسوولیت ومانه. څیړونکي پر دې آند دي ښایي دغه کس پخپله تندلاری شوی وي.
انځور: picture-alliance/dpa/K. J. Hildenbrand د ۲۰۱۶م کال د می میاشت، دوسلدورف د تندلارې ډلې «اسلامي دولت» یا داعش درې شکمن غړي، په نارد راین ویستفالن، برانبورگ او بادن ووتمبېرگ کې ونیول شول. چارواکو اټکل کاوه چې دغو درو کسانو په پاریس کې د بندي څلورم تندلاري سره د آلمان د دوسلدورف په مشهور زاړه ښار کې د برید پلان لاره.
انځور: picture-alliance/dpa/M. Hitij د ۲۰۱۶م کال اپریل میاشت، ایسن د المان په ایسن ښار کې د سیکهانو د عبادت ځای په یوه دخلي دروازه کې د چاودیدونکو موادو د چاودنې په ترڅ کې درې تنه ټپیان شول. یو کس سخت ټپي شوی وو. نیول شوي شکمن عاملین تنکي ځوانان ول، چې له سلفیانو سره یې اړیکي درلودې.
انځور: picture-alliance/dpa/M. Kusch د ۲۰۱۶م کال د فبرورۍ میاشت، هانوور ۱۵ کلنې مراکش الاصله آلمانۍ صفیه س. د هانوور د ریل گاډو په عمومي تمځای کې پر پولیس باندې د چړې برید وکړ. دغه پولیس سخت ټپي شو چې بیا وروسته یې جراحي عملیات تر سره کړل. د پولیسو د معلوماتو له مخې دغې ۱۵ کلنې غوښتل چې په سوریه کې د تندلارې ډلې «اسلامي دولت» یا داعش سره یو ځای شي.
انځور: Polizei د ۲۰۱۶م کال د فبروري میاشت، برلین پولیسو د یوې شکمنې تروریستي شبکې په هکله معلومات تر لاسه کړل او په یوه وخت کې يې په برلین، نارد راین ویستفالن او نیدرزاکس کې چاپې ووهلي. زیاته شوې وه چې څلورو شکمنو الجیریايي اتباعو په برلین کې یو برید پلان کړی وو. چې د معلوماتو له مخې دغه پلان په لومړنیو مراحلو کې شنډ کړی شو.
انځور: Reuters/F. Bensch د ۲۰۱۵م کال د اپریل میاشت، اوبر اورزل د هیسن پولیسو په اوبر اورزل کې یوه شکمن ښځه او خاوند چې سلفیستي شالید یې لاره ونیول چې په یوه برید د پلانولو شک پرې شوی وو. د برید هدف احتمالا د بایسکل ځغلونې یوه سیالي وه چې پولیس د هغه د لغوه کولو اعلان وکړ. د دغې جوړې د کور په تهکاوۍ کې تحقیق کوونکو داسې مواد موندلي وو چې بمب جوړولو کې ترې کار اخیستل کیده.
انځور: picture-alliance/dpa/A. Dedert
د آلمان د خصوصي حریم د قوانینو سره سم، د فدرالي څارنوالۍ دفتر د جمعې په ورځ پر خپله ویب پاڼه په یوه بیان کې دغعه دوه کسان د محمد ا. او اسماعیل ک. په توګه معرفي کړي او د دوی د بشپړ نوم له خپرولو یې ډډه کړې ده.
چارواکو وویل چې دواړه تورن کسان په یوه بهرني ترهګریز سازمان کې د غړیتوب او د یرغمل کولو په تور چې نتیجه یې مرګ وو، نیول شوې.
د شکمنو کسانو په اړه څه پوهیږو؟
د آلماني چارواکو په وینا دغه دوه کسان د ۲۰۱۳ کال په شاوخوا کې له داعش سره یوځای شوي وه.
اسماعیل ک. د هغو کسانو په وژلو تورن وو چې د نړیوال بشردوستانه قانون تر ساتنې لاندې وو. ویل کیږي چې هغه د ۱۲ بندیانو ساتنه کړې او لږترلږه یو یې په ډزو وژلی وو.
محمد ا. په دمشق کې د یوې وسله والې ډلې په جوړولو تورن وو چې د راپورونو له مخې په حکومتي دفترونو کې یې بمونه ایښودل. نوموړی له داعش سره د یوځای کېدو او د شاوخوا ۲۰۰ جنګیالیو په قومانده هم تورن دی.
دغه دوه کسان اوس په آلمان کې په توقیف کې دي. د دوسلدورف په لویدیځ ښار کې یوه محکمه به پریکړه وکړي چې آیا دوی به محاکمه شي او که نه.
په تیره لسیزه کې آلمان لسګونه زره سوریایي کډوال منلي چې د سوریې له کورنۍ جګړې څخه تښتیدلي وو، هغه جګړه چې له ۲۰۱۱ کال راهیسې لاهم روانه ده.
په دې وروستیو کې یو شمېر دغه سوریايي وګړي په خپل هېواد کې د ترسره شویو جرمونو په تور نیول شوي او آن محاکمه شوي هم دي.
