د آلمان د بامبیرگ ښار اسقف لودویک شیک، د دوشنبې په ورځ په برلین کې وویل چي آلمان باید په نړیواله سطح د دې هڅه وکړي چي ټول دولتونه د دیني آزادۍ حق په رسمیت وپيژني.
انځور: DW/M. Pedziwol
اعلان
لودویک چي د آلماني اسقفانو د کنفرانس مشري هم پر غاړه لري، د تیرې دوشنبې په ورځ (د اکتوبر میاشتې ۲۸مه نیټه) وویل چي د « ادیانو آزادي» یو لوی امتیاز او حق دی چي انسانانو ته ورکول کیږي. لودویک زیاته کړه چي «په دیني مسایلو کي آزادي نه ورکول یوه ټولنه د ښې ودي او پرمختگ څخه راگرزوي.»
دغه خبري هغه د برلین د کونراد ادیناور بنسټ په یوه کنفرانس کې وکړې چي د «دیکتاتورو او لیبرالو د اساسي قانون لرونکو دولتونو کي د ادیانو» تر عنوان لاندي جوړ شوی وو.
اسقف لودویک پر دې باندي ټینگار وکړ، چي د ادیانو په آزادي کي دا هم شامله ده، چي «یو څوک د یوه دین او مذهب څخه وځي او یو بل مني». په خبره یې هغه کسان چی نور عیسوي کلیسا ته نه ورځي او ترې وځي، دا معنی نه لري چي هغوی د دین او مذهب څخه هم وتلي دي. هغه ټینګار وکړ چې باید په دې هکله سړی له ډیر احتیاط څخه کار واخلي.
انځور: DW/M. Pedziwol
هغه وویل: « زه پخپله ډیر داسي کسان پیژنم چي د کلیسا څخه په مختلفو دلایلو سره خارج سوي دي، د بیلګې په توګه ځینې کسان ځکه وځي چي نور نه غواړي د کلیسا مالیه ورکړې او له دې کبله وځي چي کلیسا ځینې خراب کارونه هم کړي دي. خو پر دې سربیره هم هغوی وایي چي عیسویان دي.»
لودویک زیاته کړه چي پر دې ټولو خبرو سربیره بیا هم کلیساو ته اړتیا شته څو «دین له کنتروله و نه وځي.»
په عین حال کې د ادغام آلمانۍ مؤسسې اداري مشره گونکا تورکیلي-دینیرت، وايي چي د ادیانو د بدلیدو حق باید ومنل سي. په خبره یې تر ټولو دمخه د آلمان مسلمانان ډیر وخت دې ته نه دي چمتو چي کسان یې دین تغیر کړي. هغه زیاتوي ،خو «کله چي په آلمان کي ځوان عیسویان اسلام ته اوړي نو د هغوی والدین هم د دې کار سره رضاییت نه لري او خوشحاله نه دي».
تورکیلي-دینیرت وویل چي په آلمان کي یوازې ۲۰ سلنه مسلمانان په یوې اسلامي اتحادیه کي شامل دي. «زه په خپله داسې فکر کوم چې هیڅ یوه ټولنه هم زما استازيتوب نه کوي.»
د هغې په اند دا چې په آلمان کې د ۸۰ سلنه مسلمانانو استازیتوب په هیڅ یوه سازمان کې هم نه کیږي، یوه ستونزه ده.
د عصري غلامۍ ۱۰ مخکښ هیوادونه
غلامي د نابرابرۍ تر ټولو بده څیره ده چې د سیاسي، اقتصادي، ټولنیزو، فرهنګي او مذهبي فشارونه له کبله رامنځ ته کیږي. اوس عصري غلامي ډیره پیچلې شوې او ډير عوامل لري.
انځور: DW/S. Tanha
۱. شمالي کوریا
د «ګلوبل سلیوري انډیکس» په تازه رپوټ کې شمالي کوریا په لومړي مقام کې ځای لري. په شمالي کوریا کې له هرو ۱۰۰۰ کسانو څخه ۱۰۴،۵ کسان په یو ډول غلامي کوي. د دې هیواد ټول نفوس ۲۵ میلیونه او ۲۴۴ زره ښوول شوی او د ټول نفوس ۲ میلیونه او ۶۴۰ زره کسان له دغې پدیدي اغیزمن انګیرل شوي.
انځور: Reuters
۲. ایریتیریا
په دوهم مقام کې ایریتریا ځای لري. په دې هیواد کې له هرو ۱۰۰۰ کسانو څخه ۹۳ کسان په یو ډول غلامي کوي. د دې هیواد ټول نفوس ۴ میلیونه او ۸۴۷ زره ښوول شوی او د ټول نفوس ۴۵۱ زره کسان یې د غلامۍ قربانیان دي.
انځور: picture-alliance/dpa/I. Yefimovich
۳. برونډي
په دریم مقام کې برونډي ځای لري. په دې هیواد کې له هرو ۱۰۰۰ کسانو څخه ۴۰ کسان په یو ډول غلامي کوي. د دې هیواد ټول نفوس ۱۰ میلیونه او ۱۹۹ زره ښوول شوی او د ټول نفوس ۴۰۸ زره کسان یې د غلامۍ قربانیان دي.
