د نیدرزاکسن ایالت پولیسو د چهارشنبې په ماښام (د جولای میاشتې۲۷) د «هیلدس هایم آلماني ژبو څانگي» پورې اړوند یو مسجد او د دغې ډلې د مشرتابه هیئت د ۸ غړو کورونه پلټلي دي.
د نیدر زاکسن ایالت د کورنیو چارو وزیر بورس پیستوریوس، په خبره د پولیسو د دغو عملیاتو هدف د سلفي اسلامي ډلې د تجمع مرکز بررسي او پلټل وو.
نوموړي زیاته کړه: «د پلټنې د عملیاتو له پاره وروسته د میاشتو میاشتو امادگۍ څخه اوس د دغې ډلې د منع کیدو له پاره مهم گام واخیستل شو. »
جهاد ته د مسلمانانو هڅونه
آلماني رسنیو رپوټ ورکړی دی چې د آلمان امنیتي ادارې او سازمانونه داسې اطلاعات په اختیار کې لري چې ښایې د «هیلدس هایم د آلماني ژبې څانگي» ډلې غړي په خپلو سیمینارونو او غونډو کې مسلمانان د افراطي فعالیتونو ترسره کولو ته هڅول.
پیستوریوس، ټینگار وکړ چې د دغې ډلې غړو په خپلو ویناو کې گډون کونکي مسلمانان له «کفارو سره کرکې» کرکې او نفرت ته رابلل او دوی به یې په هغو سیمو کې چې جگړه روانه ده جهاد کولو ته هڅول.
تیره اونۍ آلمان د څو خونړیو بریدونو شاهده وه. آلماني چارواکي په دغه هیواد کې د اسلامي افراطیت انگیزه لرونکي تاوریخوالي د زیاتیدو ویره لري.
انځورونه: د آلمان په مونيخ یا مونشن ښار کي وسله وال بريد
په مونشن کي د احتمالي ۳ وسله والو په ډزو کي لږ تر لږه ۷ انسانان وژل سوي دي. د جمعې په ورځ په ماښام د اولمپیا مارکېټ ته نژدې او بيا د هغه دننه ډزو مرګ ژوبله رامنځ ته کړه. د دغه بريد په تړاو انځوريز راپور دلته کتلای سئ:
انځور: picture-alliance/dpa/M. Balkد آلمان د صدراعظمې انګېلا مېرکل په دفتر کي د مونشن د بريد په تړاو بېړنۍ غونډه راوبلل سوه.
د پوليسو وياند مارکوس دا گلوریا مارتینز د مونشن د بريد په تړاو خبريالانو ته معلومات ورکول.
د خبرونو له مخي لومړۍ ډزي د مونيخ يا مونشن ښار په منځ کي واورېدل سوې..
د دغه بريد په تړاو په لومړي سر کي د ۶ او وروسته د ۸ انسانانو د وژل کېدو خبرونه ورکول سول.
پوليسو په لوړ شمېر سره د اولمپيا سر پټي مارکېټ شاوخوا سيمه محاصره کړه.
د پوليسو د ملاتړ له پاره د بريد په سيمه کي څرخي الوتکي هم ګرځېدلې.
بريدګر د ډزو وروسته و اولمپيا کارکېټ دننه ته په تښتېدلو بريالي سول.
پوليسو د تښتېدلو بريدګرو د موندلو له پاره و سيمي ته ورتلونکي ټولي لاري بندي کړې.
د مونشن د مرکزي برخي فضا د امبولانسونو، پوليسو د موټرو او څرخي الوتکو شور نيولې وه.
پوليس د اورګاډو د لويو تمځايونو تر څنګ د ښار نورو حساسو ځايونو ته د امنيت نيونې په مقصد ورسېدل.
پوليسو د بريد له سيمي څخه د خلکو په خوندي ځايونو ته انتقالولو کي مرسته وکړه.
د بريد شاهدانو په لومړي سر کي وويل چي درې وسله وال يې وليدل.
پوليسو په لومړي سر کي دغه بريد يو «وسله وال بريد» وباله. خو وروسته يې وويل چي کيدلای سي چي دغه يو «ترهګر بريد» وي.
د جمعې په ورځ د ماښام د شپږو بجو څخه مخکي د مونيخ په مرکز کي ډزي واورېدل سوې.
پوليسو د مونشن له اوسېدونکو وغوښتل چي په خپلو کورونو کي دننه پاته سي.
د مونيخ دننه د هر ډول عمومي ترانسپورت تګ راتګ بند کړل سو.
پوليسو له مځکي او هوا څخه وضعه څارله.
پوليسو په مونيخ کي له انسانانو وغوښتل چي و بازارونو او ښار نورو برخو ته له تګ څخه دي صرف نظر وکړي.
