تر اوسه پورې روښانه شوې نه ده چې آیا دغه کس پخپله ځان وژلی دی او که د پولیسو په ډزو وژل شوی. سربیره پر دې تر اوسه پورې دا هم معلومه شوې نه ده چې د پولیسو په مقابل کې د دغه کس د سنګر نیولو انګیزه څه وه.
په برلین کې د روغتیا وزارت یوه ویاند ویلي دي چې په دې اړه د عدلي طب څیړنې روانې دي.
چارواکو دغه برید د ښې اړخي افراطیت او نژادپرستانه انګیزو په توګه طبقه بندي کړل. تر اوسه پورې په دې اړه شکونه موجود دي چې آیا دغه کس یوازې و یا نور پلویان او د جرم شریکان یي هم درلودل.
په هسن ایالت کې د پارلماني څېړونو کمېټه هم د دې جنایت په هکله تحقیق کوي. مېرمن فایزر د افراطیانو کرکجنو ویناو ته په اشارې سره وویل: «دغه کرکه خپرونکي پوهیږي چې څه کوي. موږ یي باید مخه ونیسو او باید ترې تحقیق وکړو.» نوموړۍ همدارنګه د «فرانکفورتر الګماینه» ورځپاڼه کې له قربانیانو او د دوی له کورنیو سره د لا زیاتې مهربانې غوښتنه وکړه.
انځور: Thomas Lohnes/Getty Images
د هیسن ایالت لومړي وزیر ولکر بوفیر هم خبرداری ورکړ چې قربانیان باید له یاده و نه ایستل شي. هغه وویل: «دوی ناپيژندل شوي قربانیان نه ول، بلکې داسې کسان ول چې له خپلو هیلو، اندېښنو او خوښیو سره یي خپل نومونه او خپلې کیسې درلودلې.»
انځور: Michael Kappeler/dpa/picture alliance
د آلمان صدارعظم همدارنګه زیاته کړه چې د دې جنایت سابقه تر اوسه پورې په بشپړه توګه روښانه شوې نه ده «هغه پوښتنې چې تر اوسه بې ځوابه پاتې دي چې باید ځواب شي. موږ د کرکې پر ځای درناوي او د بې اتفاقۍ پر ځای پر پیوستون تکیه کوو.»
انځور: Mesut Zeyrek/AA/picture alliance
د شنبې ورځې تر غرمې وروسته د ښار په مرکز کې د توکمپالنې پر ضد مظاهرې وشوې. د آلمان په نورو ښارونو لکه لایپڅیګ او مونشن کې هم د هاناو د قربانیانو یادون تازه شو. د دغو مظاهرو په څنډه کې د متقابلو تورونو سره مل د پولیس او مظاهره کوونکو ترمنځ اخ و ډب هم رامنځته شو.
انځور: Boris Roessler/dpa/picture alliance
انځورونه1 | 8
امنیتي ځواکونو په څو ساعتونو کې هڅه کړې وه چې له دغه کس سره تماس ونیسي، خو بریالي شوي نه وو. بالاخره یې پر دغې ودانۍ هجوم ور وړی وو.
د دېوسله وال کس سربیره په لومړیو کې یو ماشوم، مور یې او یو بل شکمن کس هم په دې کور کې موجود ول. دغه شکمن کس په داسې حال کې چې وسله ورسره وه، له کوره د وتلو پر وخت نیول شوی وو. ماشوم او مور یې هم په شپه کې بې له دې چې زیان ورته ورسیږي له کوره وتلي ول.
د المان خبري آژانس د شنبې په ورځ وویل چې د دې کور مخته د یوې چاودنې غږ واوریدل شو او یو زغروال موټر د دې کور پر لور د حرکت په حال کې وو. خو پولیسو په دې هکله نور جزویات نه دي ورکړي.
