د کولن ښار د ځايي ورځپاڼې د یوه راپور له مخې، یوه ۴۲ کلنه ایرانۍ ښځه او د یوه مسافرتي شرکت مدیره چې له تهران او کلن څخه یې فعالیت کاوه، د «غیر قانوني کړنو» په تور نیول شوې ده. هغه چې په انټرنېټ کې یې آلمان ته د مهاجرت «هر اړخیزه او پرته له ستونزو کڅوړه» اعلانوله، تورنه دی چې له مهاجرو څخه د زیاتو پیسو د ترلاسه کولو په بدل کې یې پاسپورټونه جعل کړي او د سفارت او هوايي ډګر کارکوونکو ته یې رشوت ورکړی دی.
په دې اړه اړوند مطلب: د جرمني عالي محکمې یونان ته د مهاجرو له استولو سره مخالفت وکړ
د عمومي څارنوالۍ په وینا د دغې ۴۲ کلنې ښځې غیر قانوني فعالیت د ۲۰۱۶ کال په مني کې پیل شو. نوموړې تورنه ده چې آلمان ته د غیر قانوني مهاجرو انتقالولو یوې ډلې غړې ده او د هغې لور او ورور هم له دغې ډلې سره همکاري کوله. څارنوالۍ دغه ښځه په ۱۵ غیر قانوني کړنو تورنه کړې ده. د کولن ځايي ورځپاڼې لیکلي چې د دې ښځې فعالیتونه د ۲۰۱۶ کال په نومبر کې هغه مهال پیل شول چې یوه ایرانۍ ښځه او د هغې څلور کلن زوی یې د سوداګرۍ په ویزه ایټالیا او له هغه ځایه جرمني ته راوړل. دغې مېرمنې په جرمني کې د پناه غوښتنه کړې او لامل یې د عیسویت منل او له دې کبله په ایران کې ځورونې په ښودلی وو.
اړوند مطلب: يوه کس څرنگه د آلمان له دولته په جعل کارۍ ميليونونه رايستلي؟
د مسافرتي شرکت مالکې د جعلي ویزې د ترلاسه کولو لپاره د ۴۲ زره یورو معادل پېسې ترلاسه کړي دي. ویل کیږي چې نوموړي په ایران کې د ایټالیا په سفارت کې یوه منځګړي ته د دې کار لپاره پیسې ورکړې دي. دې ډلې دې منځګړي ته د مراجعینو د انتظار ټکټ شمیره ورکړه ترڅو د اړونده شمیرې وار ورسېږي نو هغه به یې کارونه سرته ورسوي.
په آلمان کي د کومو هیوادونو مهاجرو ډیر جرمونه کړي دي؟
د جرمونو په برخه کي يوې څېړنيزي ادارې په آلمان کې د مهاجرو د جرمونو په اړه نوي ارقام خپاره کړي دي. د دغو مهاجرو ډيری د کومو هیوادونو دي؟
انځور: Getty Images/AFP/A. Messinisپه آلمان کي د مهاجرو نژدې ۳۵ سلنه برخه سوریایان دي، خو په مجموع کې په دغه هیواد کې د مهاجرو د جرمونو ۲۰ سلنه برخه په دوی پوري تړل شوې. په ۲۰۱۷ م کال کې ۳۳ زره سوریایې مهاجر جرمونه کړي دي.
تیرکال تر ۱۸۶۰۰ ډیرو افغان مهاجرو په مختلفو جرمونو کې لاس درلود. په آلمان کې د موجودو مهاجرو ۱۱ سلنه یې افغان مهاجرو کړي دي.
په داسې حال کې چې د عراق مهاجر په آلمان کې د مهاجرو د مجموعي شمیر ۷،۷ سلنه برخه ده، خو په جرایمو کې د هغو ونډه ۱۱،۸ سلنه وه. تیرکال نږدې ۱۳ زره عراقي مهاجرو په آلمان کې په جرمونو کې ونډه لرله.
په داسې حال کې چې د مراکش مهاجر په آلمان کې د مهاجرو ۱ سلنه برخه ده، خو په جرایمو کې د دوی ونډه شاوخوا ۴ سلنه وه. د آلمان د جرایمو د څیړنې ادارې په حواله د مراکش مهاجرو ډير وخت تر یوه وار زیات په مختلفو جرمونو کې لاس درلودلی دی.
د مراکش د ګاونډي هیواد الجزایر مهاجرو هم په جرایمو کې د پام وړ ونډه درلودلې ده. تیرکال تر ۶۰۰۰ ډیرو مراکشي مهاجرو په مختلفو جرمونو کې لاس درلودلی دی.
تیرکال په آلمان کې د مهاجرو د جرمونو ۳،۵ سلنه یې د ایراني مهاجرو وه. نږدې ۶ زره ایراني مهاجرو په مختلفو جرمونو کې لاس درلودلی وو.
د البانيا ۵۷۰۰ مهاجرو په مختلفو جرمونو کې لاس درلود، په داسې حال کې چې تر دې یو کال مخکې یعنې په ۲۰۱۶م کال کې دغه شمیر بیا نږدې ۱۰ زره وو.
تیرکال د سربستان ۵۱۵۸ مهاجرو په مختلفو جرایمو کې لاس درلود، په داسې حال کې چې تر دې یو کال مخکې د دا ډول سربیایې مهاجرو شمیر ۷۵۰۰ وو.
تیرکال په مجموع کې د مهاجرو له خوا په ترسره شویو جرمونو کې د اریتریایې مهاجرو ونډه ۳ سلنه وه. په ۲۰۱۷م کال کې ۵ زره اریتریایې مهاجرو په مختلفو جرمونو کې لاس درلودلی وو، البته په آلمان کې.
په دې برخه کې په لسم نمبر کې د سوماليا مهاجر راځي. تیرکال ۴۸۴۴ سومالیایې مهاجرو په آلمان کې په مختلفو جرمونو کې لاس درلودلی وو.
په یولسم نمبر هم د یوه بل افریقایې هیواد(نایجیریا) مهاجر دي. په ۲۰۱۷م کال کې ۴۷۵۵ نایجیریایې مهاجر په آلمان کې په مختلفو جرمونو کې ښکيل شوي ول.
د آلمان د جرایمو د څیړنې ادارې په حواله تیرکال ۳۸۰۰ پاکستاني مهاجرو په مختلفو جرمونو کې لاس درلود. دا په داسې حال کې ده چې په ۲۰۱۶ کال کې تر ۴۳۰۰ ډیرو پاکستاني مهاجرو په مختلفو جرمونو کې لاس درلود یا یې ترسره کړي دي. په داسې حال کې چې پاکستاني مهاجر په آلمان کې د مهاجرو د مجموعي شمیر ۲،۳ سلنه برخه ده، تیرکال د مهاجرو له خوا په ترسره شویو جرمونو کې هم د دوی ونډه ۲،۳ سلنه وه.
د دغه راپور له مخې، دې تورنې بېلابېل رسمي پاسپورټونه هم درلودل او خپلو پېرېدونکو ته یې سپارل. ویل کیږي چې نوموړي د ترکیې د هوايي ډګر کارکوونکو ته پیسې ورکړي چې د پاسپورټ عکس ته دې ډیر پام نه کوي. د فرانکفورت په هوايي ډګر کې، وروسته له هغه چې د درغلۍ یوه قضیه وموندل شوه، هغه سړی چې پخوا یې خپل پاسپورټ ټوټه ټوټه کړی و او په تشناب کې یې غورځولی وو، بیرته ایران ته واستول شو.
د بډایه پېرېدونکو لپاره بیلابیل خدمات
داسې ویل کیږي چې د هغو کسانو لپاره چې د «ټاکل شوي نرخ» څخه ډیرې پیسې ورکوي چې شاوخوا ۱۰ زره یورو دي، د تېښتې کیسه هم جوړیدله.
په راپور کې راغلي چې تورنې د پناه غوښتنې تر کار لاندې دوسيو له درکه ۲۴۷ زره یورو عاید لرلی دی. په داسې حال کې چې د هغې ملګري تر دې مخکې په بند محکوم شوي وو او دا ایرانۍ ښځه د څو کلونو لپاره پټه وه. دغه ښځه د تیر کال په اګست میاشت کې آلماني چارواکو ته تسلیم شوه او له هغه وخت راهیسې په توقیف کې ده او اوس تر محاکمې لاندې ده.
په آلمان کې کوم ډول جرمونه څومره کم شوي دي؟
په آلمان کې د جرمونو په اړه د تازه شمیرو له مخې په ۲۰۱۷م کال کې د ترسره شویو جرمونو کچه، تر هغه د یوه کال مخکې په پرتله نږدې لس سلنه کمه شوې ده.
انځور: Colourbox/Andrey Armyagov په ۲۰۱۷ ميلادي کال کې په آلمان کې په مجموعي ډول ۵،۷۶ لوی او کوچني جرمونه ثبت شوي دي. دا تر دې د یوه کال مخکې (۲۰۱۶م) کال په پرتله ۹،۶ سلنه کمښت ښيي.
په دې کې یو پر دریمه برخه یې په غلا او ورته جرمونو پورې اړوند دي. دا شمیر هم د ۲۰۱۶ م کال په پرتله ۱۲ سلنه کم دی.
په دوکانونو او مغازو کې د غلا دری نیم سوه پیښې ثبت شوي دي، په داسې حال کې چې د جیب وهنې(کیسه بري) ۱۲۷ زره پيښې ثبت شوي دي.
تیر کال په آلمان کې تر ۳۳ زرو ډیر موټر او ۳۳ سوه زره بائسیکلونه غلا شوي دي.
تر کال په آلمان کې د قتل ۷۸۵ پیښې ثبت شوي دي، په داسې حال کې چې دغه شمیر د ۲۰۱۶ م کال په پرتله ۳،۲ سلنه زیاتولوالی ښیې.
د نشه یې توکو اړوند جرایمو کې تر ۹ سلنه ډیر زیاتوالی راغلی دی. په ۲۰۱۷ م کال کې ۳۲۳ زره داسې جرمونه ثبت او راجستر شوي دي.
د ماشومانو د لوڅو فلمونو یا چائلډ پورن په پيښو کې ۱۴،۵ سلنه زیاتوالی رامنځته شوی دی. په دې اړوند شپږنیم زره پيښې ثبت شوي دي.
په ۷۳۶ زره پيښو کې بهرنیان ښکيل ول، چې دا د ۲۰۱۶ م کال په پرتله ۲۳ سلنه کمښت ښیې.
