آلمانۍ اونيزې«وېلټ ام زونټاګ» د دغه هيواد د کورنيو چارو وزارت د آمارو له مخې خبر ورکړی چې د آلمان پوليسو د ۲۰۱۶ کال د نوامبر مياشتې تر پايه پورې، ۹۰۶ تنه د انسانانو د قاچاق په تور نيولي دي. دا په داسې حال کې ده چې په ۲۰۱۵ کال کې په دې تور ۳۳۷۰ تنه نيول شوي وو.
دغه رپوټ چې د يکشنبې په روځ خپور شوی، د انسانانو د قاچاق په تور د نيول شويو کسانو په شميره کې د کموالي د راتک دلیل، د مهاجرو پر مخ د بالکان هيوادونو د پولو تړل بولي. د «بالکان مسير» په ۲۰۱۵ کال کې آلمان او لويديځې اروپا ته د تلونکو مهاجرو د پاره، د اوښتو په يوه اصلي لاره بدله شوې وه.
د فرانټکس (اروپايي اتحاديې د بهرنيو سرحداتو څخه د ساتنې د همغږۍ آژانس) د رپوپ په حواله، په ۲۰۱۶ کال کې ۷۶۴ زره او ۳۸ تنه مهاجر په غيرقانوني توګه د بالکان له مسير څخه تير شوي ول، په داسې حال کې چې د غيرقانوني مهاجرو دغه رقم د ۲۰۱۵ کال د جنورۍ او نوامبر مياشتو ترمنځ موده کې ۱۲۲ زره او ۵۵۷ تنو ته رسيده.
د مهاجرو په شميره کې کموالی
د هنګري، سلوانيا، کرواسيا، صربستان او مقدونيې هيوادونو د پولو تړل هم مرسته کړې چې آلمان کې د مهاجرو په شميره کې کموالی رامنځ ته شي. د دې سربيره، د تيرکال په اپريل مياشت کې د اروپايي ټولنې او ترکيې تر منځ د مهاجرت تړون هم عملي شو. د دغه تړون له مخې ترکيه ژمنه شوه چې ټول هغه مهاجر چې يونان ته رسيږي او هلته يې د پناه غوښتنې درخواستونه رد کيږي، بيرته به يې اخلي او په بدل کې به يې له اروپايي ټولنې څخه مالي مرستې ترلاسه کوي. د ترکيې له لوري يو بل شرط دا وو چې اتباعو ته يې د اروپايي اتحادېې د سفر ازادې ويزې ورکړل شي.
اتريش، د قاچاق تر ټولو مشهوره لاره
د آلمان پوليسو لخوا د انسانانو د قاچاق په تور نيول شويو کسانو کې تر ټولو زيات يې سوري اتباع دي. د نيول شويو له ډلې څخه ۷۲ تنه سوريايي، ۷۰ تنه پولندي، ۵۷ تنه د آلمان او عراق او ۵۳ تنه نور يې له روسيې څخه دي.
د آلمان په سويل کې له اتریش سره ګډه پوله، د انساني قاچابرانو اصلي لاره ده. د انسانانو د قاچاق په تور نيول شويو کسانو له ډلې څخه ۴۸۱ تنه يې له همدې لارې څخه نيول شوي دي. ۱۵۵ تنه د پولند پر پوله او ۱۰۶ تنه نور بيا له چک سره پر ګډه پوله نيول شوي دي.
د «ولت ام زونتګ» اونيزې په رپوټ کې راغلي دي چې د بلجيم او آلمان تر منځ ګډه پوله هم د انساني قاچاقبرانو پر مسير اوښتې ده. پر دغې لاره په ټوليزه توګه ۴۵ تنه د انسانانو د قاچاق په تور نيول شوي دي. د آلمان او فرانسې تر منځ په ګډه پوله بيا د دغې شميرې دوه برابره کسان نيول شوي دي.
دغه راز د آلمان په هوايي ډګرونو کې هم ۳۲ تنه د انسان د قاچاق په تور نيول شوي دي. تر اوسه تائيد شوې نده چې له دغو نيول شويو کسانو له ډلې څخه په څه شمير کې یې د انسان په قاچاق محکوم شوي دي.
پر ورته موضوع یو انځوريز البوم زموږ له آرشيف څخه (22.03.2016):
انساني قاچاق وړونکي، افريقايي انجوني او بدلمني
د دویچه ویله دوو خبریالانو جان فلپ شولز او آدریان کریش، په نایجیریا کې د انساني قاچاقبرانو په هکله پلټنې کړي. د قاچاقبرانو د تعقیبولو ترڅ کې د دوی سر تر ایټالیا پورې ورسید، خو د خاموشۍ له یو دیوال سره مخامخ شول.
انځور: DW/A. Kriesch/J.-P. Scholzد دویچه ویله دوو تنو خبریالانو د انساني قاچابرانو پسې د لټون لړۍ له نایجیریا د ایدو ایالت څخه پیل کړ. دوی چې له هر چا سره لیدل د هغه یو نه یو خپلوان به ضرور په اروپا کې وو. په ایټالیا کې د بدلمنه ښځو دری پر څلورمه برخه د دغې سیمې نجوني دي. بې روزگارې له دغې سیمې څخه د مهاجرت اصلي لامل گڼل کیږي.
انځور: DW/A. Kriesch/J.-P. Scholzنن بیبینا ایمناها، د څو کلونو راهیسې په ځانگړي توگه ځوانو نجونو ته خبردارې ورکوي چې اروپا ته له سفر کولو څخه ډډه وکړي. ایمناها وایې: «ډیرې نجونې د درواغو ژمنو په جال کې بند پاتې کیږي. دوی ته ویل کیږي چې په کورونو کې به د خدمې یا ورته کارونه کوې، خو کله چې اروپا ته ورسیږي بیا نو دوی درواغ معلوم شي. له همدې امله ډیرې نجوني د مجرمو ډلو لاسو ته ولیږي.»
انځور: DW/A. Kriesch/J.-P. Scholzتر ډیرو هڅو وروسته یو قاچاقبر له دویچه ویله سره خبرو ته راضي شو. هغه وویل چې تر سلو ډیر خلک یې له نایجیریا څخه لیبیا ته رسولي دي. د هغه په خبره د «د ایدو خلک ډیر حریص دي او د ښې راتلونکي له پاره هر څه کولو ته تیار دي.»
انځور: DW/A. Kriesch/J.-P. Scholzدغه قاچاقبر چې ځان اسټیو معرفي کوي وایې چې له نایجیریا څخه تر لیبیا پورې له هر کس څخه ۶۰۰ ایرو اخلي. ډیرې پوهیږي چې له دښتې او صحرا له لارې لیبیا ته رسیدل څومره خطرناک دی. په دې ترڅ کې ډیر شمیر خلک خپل ژوند له لاسه ورکوي.
انځور: DW/A. Kriesch/J.-P. Scholzد «اگادیز» دښته د دویچه ویله د خبریالانو راتلونکې منزل وو. د دوی په خبره دا ډیره خطرناکه سیمه ده. په دې دښته کې دغه خبریالان یوازې د وسله والو محافظینو سره سفر وکولې شو.
انځور: DW/A. Kriesch/J.-P. Scholzهره دوشنبه تر لمر ولیدو وروسته د څو لاریو یوه قافله د اگادیز دښتې څخه د شمال پر لور روانیږي. په لیبیا کې د نا کراریو له امله انساني قاچاقبران بې له کوم ممانعت څخه دغه هیواد ته داخلیږي او د مدیترانې ساحل ته ځان رسوي.
انځور: DW/A. Kriesch/J.-P. Scholzد مهاجرو شمیر مخ پر ډیریدو دی او نجونې باید کم عمره وي
د نایجیریا ډیرې نجونې د فحشا بانډونو په لاسو کې ولیږي. مدني فعاله لیزا بیرتینې وایې: «د شمیرو له مخې په ۲۰۱۴ کال کې تر ۱۰۰۰ ډیرې نایجیریایې نجوني او میرمنې د مدیترانې له لارې ایټالیا ته رسیدلي دي. په ۲۰۱۵ کال کې دا شمیر ۴۰۰۰ ته لوړ شو.» نوموړۍ زیاتوي چې کوښښ کیږي د نجونو عمر کم تر کم وښودل شي.
انځور: DWد نایجیریا د یوه دوست په مرسته دغه دواړه ژورنالستان د ایټالیا په شمال کې یو «مادام» ته ورسیدل. نایجیریا کې دلالې ته مادام ویل کیږي. په ایتالیا کې یوې نایجیریایۍ نجلې وویل: «مادام پر موږ تشدد وکړ او بدلمنې ته یې مجبوره کړو.»
انځور: DW/A. Kriesch/J.-P. Scholzکله چې د دویچه ویله خبریالانو پر مادام د لگول شوو مختلفو تورونو په هکله پوښتنې وکړې، نو هغې ومنله چې په کور کې یې ۶ نجونې موجودې دي. خو دا رد کړه چې دغه نجونې یې بدلمنې ته اړ ایستلي دي.
انځور: DW/A. Kriesch/J.-P. Scholzد مونیکا اوشکوی په نوم یوې راحبې په دې برخه کې ایټالوي ادارې په نه پاملرنې تورنوي او انتقاد پرې کوي. نوموړۍ د تیرو ۸ کلونو راهیسې بدلمنۍ ته اړ ایستل شوو نجونو په برخه کې کار کوي. نوموړی زیاتوي چې سړي غواړي په ډیرو کمو پیسو خپل جنسي خواهش پوره کړي، چې دا کار په ایټالیا کې له نایجیریایې ښځو سره د ۱۰ ایرو په بدل کې کولې شي.
انځور: DW/A. Kriesch/J.-P. Scholz