دا په داسې حال کې ده چې د فکت سيت شرکت شنونکو چې په دې هکله ېې څېړنه ترسره کړې، تمه درلوده چې په ثابتو ارقامو کې به بدلون نه راځي او په خپل حال به پاته وي.
د آلمان د کار فدرالي ادارې مشرې، اندريا نالیس، په يوه اعلاميه کې ويلي دي چې آلمان «د کار په بازار کې د اقتصادي ستونزو د ډېرو اغیزو احساس کوي.»
د فرانس پرس په حواله په آلمان کې د بې روزګاره خلکو شمېر په میاشت کې د شاوخوا ۱۱زره په لوړېدو سره، ۲ اعشاريه ۵۵ ميليونو ته رسېدلی دی.
حاکم اقتصادي وضعیت ته په کتو، په آلمان کې مصرف کونکو په وروستيو میاشتو کې پر خپلو لګښتونو لاس نیوي ته ادامه ورکړې ده.
(AFP)mks/nz
پر ورته موضوع زموږ له آرشیف څخه انځوریز البوم وګورئ (05.08.2019):
په آلماني کې د کار ترلاسه کولو له پاره مهم ټکي
په آلمان کې ډیري کار ورکونکي کمپنۍ وایي چې دوی د کار ترلاسه کولو له پاره د مراجعه کوونکو ډير ناسم غوښتنلیکونه ترلاسه کوي. هغه ټکي چې د په کار ګومارلو له پاره ستاسې غوښتنلیکونه آلماني کمپنیو ته جذاب او په زړه پورې کوي.
انځور: Colourbox
نا بشپړ شوی غوښتنلیک مه لیږئ
دا خبره باید یقينې کړای شي چې د کارځای تر لاسه کولو له پاره په اعلان کې غوښتل شوي ټول اسناد باید یوځای واستوئ. په ډیرو مواردو کې له تاسې څخه د ښوونځي او پوهنتون د فراغت سندونه د PDF فایل یا دوسیي په شکل غوښتل کیږي.
انځور: C. Klose/dpa/picture alliance
آلماني اصولو ته پاپند اوسئ
له ابتکار څخه کار اخیستنه ښه وي، خو د ځنو آلماني اصولو ماتول ښه مفکوره نه ده. لکه د خپل غوښتنلیک په سي وي کې د زیږیدو نیټې، مدني حالت او خپل انځور لګول ښه کار دی. که څه هم په قانوني توګه دا ټول اړين نه دي، خو آلماني کمپنۍ هغو غوښتنلیکونو ته ترجح ورکوي چې انځور پکې ولیدل شي.
