دا وخت په هسپانيا کې د ټولینزو جنسي تاوتريخوالو په يو شمېر قضيو کې نابالغ افراد هم ښکيل پېژندل شوي او دا چې د ډېر کم عمر ماشومان پورنوګرافي یا لوڅ فلمونه ګوري.
د کم عمره افرادو د جرمونو سره تړاو لرونکی یو وکيل، ايدواردو ایستيبان وايي چې په کم عمره افرادو کې د جنسي جرمونو انواع له ۲۰۱۵م کال راورسته په تدريجي توګه مخ په ډېرېدو دي: «په دې کې تر دا مهاله ډېر زیاتوالی راغلی، په تېره له تېر ېو کال راهیسې د جنسي جرمونو ګراف ډېر لوړ شوی دی.»
په کرونا بحران کي زيات انسانان په کور کي پاته کېدو ته مجبور سول. يوې څېړني ښودلې چي په بعضو هيوادونو کي د لوڅو فلمونو کتنه هم له دې کبله زیاته سوې ده. دا چي دا کوم هيوادونه دي، دلته يې وپېژنئ:
انځور: picture-alliance/chromorange/R. Peters
آلمان ـ ۵،۸ فيصده د کتنو زياتوالی
آلمان هم يو له هغو هيوادونو څخه شمېرل کيږي چي پکښي د جنسي خدماتو له پاره په بعضو ښارونو کي حتی ځانګړي ناحيې سته. د بېلګي په توګه د هامبورګ په ښار کي د سانت پاولي په نوم ناحيه ډېره مشهوره ده. په دغه هيواد کي هم د سويس او يو شمېر نورو هيوادونو تر څنګ د کرونا پر وخت پر جنسي خدماتو محدوديتونه ولګول سول. د پاندمي پر وخت په آلمان کي د لوڅو فلمونو په کتنو کي د ۵،۸ فيصدو زياتوالی راغلی دی.
انځور: imago images/Waldmüller
د امريکا متحده ايالات ـ ۶،۴ فيصده د کتنو زياتوالی
د امريکا متحده ايالات د کرونا پاندمي څخه اغېزمن سوو هيوادونو د ليسټ په سر کي قرار لري. د اينسايډر انټرنټپاڼي د راپور له مخي کله چي په دغه هيواد کي د کرونا پاندمي د خپرېدو په حال کي وه او زيات امريکايان مجبوره ول چي په کور کي پاته سي، نو د لوڅو فلمونو په کتنو کي تر عام حالت پکښي د ۶،۴ فيصدو زياتوالی راغلی.
انځور: Getty Images/D. Angerer
سويس ـ ۱۱،۵ فيصده د کتنو زياتوالی
سويس هم يو له هغو اروپايي هيوادونو څخه دی چي د کرونا پاندمي پر وخت يې د ټولو جنسي خدماتو وړاندي کوونکو ځايونو د بندولو امر صادر کړ. دا د دې له پاره چي د کرونا ويروس د خپراوي مخه ونيوله سي. د ثبت سوو شمېرو له مخي په دغه هيواد کي د پاندمي پر وخت د لوڅو فلمونو په کتنو کي د ۱۱،۵ فيصده زياتوالی راغلی.
انځور: picture-alliance/dpa/M. Gerten
هالند ـ ۱۴ فيصده د کتنو زياتوالی
هالند له هغو اروپايي هيوادونو څخه شميرل کيږي چيري چي په لويو ښارونو کي د جنسي خدماتو وړاندي کول د ورځني انځور برخه تشکيلوي. په دغه هيواد کي د کرونا پاندمي پر وخت د انټرنټ له لاري د لوڅو فلمونو په کتنو کي د ۱۴ فيصدو زياتوالی راغلی.
انځور: picture alliance / Daniel Reinhardt/dpa
ايټاليا ـ ۳۰ فيصده د کتنو زياتوالی
د ايټاليې هيواد هم په اروپا کي هسپانيې تر څنګ له کرونا په تر ټولو زيات اغېزمنو سوو هيوادونو کي راځي. په دغه هيواد کي هم د کرونا په تړاو محدوديتونه ډېر سخت ول او د دغه هيواد اوسېدونکي مجبوره سول چي تر زياتي اندازې په کور کي دننه پاته سي. د کرونا پاندمي پر وخت د مارچ په ۱۷مه نېټه په دغه هيواد کي پر انټرنټ د لوڅو فلمونو په کتنه کي د ۳۰ فيصده زياتوالی ثبت سوی ؤ.
انځور: picture-alliance/dpa/L. Schulze
فرانسه ـ ۳۸،۲ فيصده د کتنو زياتوالی
فرانسه د اروپايي اتحاديې هغه هيواد دی چي په ټوله نړۍ کي د ميني له پاره مشهور دی. د دغه هيواد په پاريس ښار کي زيات د ميني سره تړاو لرونکي فلمونه فلمبرداري سوي يا دغه ښار د افسانو موضوع اوسېدلی دی. خو د کرونا پاندمي پر وخت په دغه هيواد کي سخت محدوديتونه رامنځ ته کړل سول او د اينسايډر پاڼي په حواله پکښي ۳۸،۲ فيصده د لوڅو فلمونو کتنې زياتي سوې.
انځور: picture-alliance/abaca/F. Nebinger
هسپانيه ـ ۶۱،۳ فيصده د کتنو زياتوالی
د اينسايډر انټرنټ پاڼي د لوڅو فلمونو وړاندي کونکو بيلو پاڼو د شمېرو پر اساس د کرونا پاندمي پر وخت د زياتو دغو فلمونو کتونکو هيوادونو ليسټ جوړ کړی دی. په دې ترڅ کي د مارچ په ۱۷ راټولې سوي ټولې شمېرې پرتله سوي دي. په اروپا کي هسپانيه د کرونا له کبله يو له تر ټولو زيات اغېزمن سوو هيوادونو څخه دی چي پکښي د پاندمي پر وخت د انټرنټ له لاري د لوڅو فلمونو په کتنو کي ۶۱،۳ فيصده زياتوالی راغلی.
انځور: picture-alliance/GTRES
د لوڅو فلمونو تاوانونه
لوڅ فلم کتونکي او جوړونکي د مېرمنو د ناسم انځور په خپرېدو کي په ونډه لرلو تورنيږي. دا ځکه چي زياتي فېمينستاني نيوکه کوي چي دغه فلمونه په زياته د زنانه جنس سپکاوی کوي. زيات اروا پوهان يې کتل د ازدواجي ژوند د بعضو ستونزو لامل هم بولي. بعضي څېړني هم سته چي له ناوړه رواني اغېزو څخه خبره کوي. تقريبا په ټولو اديانو کي د دغو کتل لويه ګناه بلل کيږي. خو د لوڅ فلمونو صنعت هر کال په ملياردونو ډالره ګټه کوي.
