د (WebMd) په نامه د روغتيايي معلوماتو په هکله امريکايي شرکت د رپوټ له مخي، چاغښت پر نه جبران کيدونکو عوارضو سربيره، د شکر په دوهم ډول، د ويني د فشار د لوړيدو، د مختلفو سرطاني ناروغيو، قلبي حملو، او مغزي سکتې باندي د اخته کيدو تر څنگ د گل خانه يي گازونو د توليد د ډيريدو سبب هم کيږي چي په هغو کي نايتروجن داي اکسايد هم شامل دي.
دنمارکي ساينس پوهانو ويلي دي چي د انسانانو له خوا د کاربن داي اکسايد د توليد کچه د هغوی په ډير او يا متوسط وزن پوري اړه لري. د هغوی په خبره، چاغ کسان ډيرو غذايي موادو او څښاک ته اړتيا لري، ځکه چي د هغوی تهيه او ترانسپورټ د ډيرو موادو د سوځيدو سبب کيږي. کارپوهانو اټکل کړی دی چي چاغ کسان په نړۍ کي له کاله د ۷۰۰ ميگا ټُنه کاربن داي اکسايد د خپريدو سبب کيږي.
په ټوله نړۍ کي يو اشاريه نهه ميليارده کسان د چاغښت په تکليف اخته دي او يا هم اضافه وزن لري. د روغتيا نړيوال سازمان د کارپوهانو د لارښووني له مخي، د تازه ميوو، ترکاريو او حبوباتو خوړل، په ورځ کي ۳۰ دقيقې پياده روي، له خوږو شيانو خوړلو څخه ځان ساتل، د حيواني غوړيو پر ځاي د نباتي غوړيو کارول او بلاخره له ستريس څخه ځان ساتل، په چاغښت باندي د اخته کيدو چانس راکموي.
زموږ له ارشيف څخه:
کوم هيوادونه تر ټولو زیات چاغ وګړي لري؟
چاغښت د ډېرو ناروغيو مور بلل کيږي. دا چي په نړۍ کي تر ټولو زيات چاغ انسانان په کومو سيمو کي ژوند کوي، په دغه انځوريز راپور کي يې کتلای سئ:
انځور: picture-alliance/dpa/David Lomax/robertharding۱۵مقام ـ سعودي عربستان ـ ۳۳،۷۰ سلنه وګړي يې زيات چاغ دي
د دغه انځوريز راپور معلومات د ۲۰۱۷م کال د فبرورۍ پر۱۳مه نېټه له fitday.com او gazettereview.com پاڼو څخه اخيستل سوي دي. [ليکونکی: احمدولي اڅکزی]
۱۴مقام ـ بحرين ـ ۳۴،۱۰ سلنه وګړي يې زيات چاغ دي
۱۳ مقام ـ متحده عربي امارات ـ ۳۴،۵ سلنه وګړي يې زيات چاغ دي
۱۲مقام ـ امريکا متحد ايالات ـ ۳۵ سلنه وګړي يې زيات چاغ دي
۱۱مقام ـ فيجي ـ ۳۵،۹۰ سلنه وګړي يې زيات چاغ دي
۱۰مقام ـ بهاماس ـ ۳۶،۶۰ سلنه وګړي يې زيات چاغ دي
۹مقام ـ کويت ـ ۳۶،۳۰ سلنه وګړي يې زيات چاغ دي
۸ مقام ـ تووالو ـ ۳۹،۶۰ سلنه وګړي يې زيات چاغ دي
۷ مقام ـ کارابيتي ـ ۴۰.۱۰ سلنه وګړي يې زيات چاغ دي
۶ مقام ـ قطر ـ ۴۱ سلنه وګړي يې زيات چاغ دي
۵ مقام ـ تونګا ـ ۴۱،۱۰ سلنه وګړي يې زيات چاغ دي
۴ مقام ـ ساموا ـ ۴۱،۶۰ سلنه وګړي يې زيات چاغ دي
۳ مقام ـ مارشال ټاپوګان ـ ۴۲،۳۰ سلنه وګړي يې زيات چاغ دي
۲ مقام ـ ناورو ـ ۴۵،۱۰ سلنه وګړي يې زيات چاغ دي
۱ مقام ـ د پالاؤ جمهوريت ـ ۴۷،۱۰ سلنه وګړي يې زيات چاغ دي
د دغه انځوريز راپور معلومات د ۲۰۱۷م کال د فبرورۍ مياشتي بر ۱۳مه نېټه له fitday.com او gazettereview.com پاڼو څخه اخيستل سوي دي. [ليکونکی: احمدولي اڅکزی]
