تایوان د سمندري ځواکونو څخه چې یو کس وغواړي ځانگړه قطعه کې شامل شي نور روزنه یې لس اوونۍ وخت نیسي. ۳۱ گډونوال غواړي چې د دغه قطعاتو برخه واوسي. د تایوان په سویل کې پرته د زوینگ سمندري ځواکونو اډه کې دوه نیمې میاشتې سخت تمرینونه کیږي. یو تمرین دا دی چې په یخ کانکریټی ځمکه ویده شې. په پای کې یوازې ۱۵ کسان بریالي کیږي.

وروسته له هغې چې د تمرین گډونوال ټوله ورځ په سمندر کې تیره کړی، یخې اوبه پرې پاشل کیږي. د دې هدف دا دی چې عسکر باید داسې وروزل شي چې اوسپنیزه اراده ولري. که یې ماموریت هر څومره سخت وي د خپلو هم سنگرو او پوځ پر وړاندې وفاداري یې هیڅ شی متزلزله نه کړی شي.

یو گوانگ-چنگ د ساحل پر غاړه یوه تمرین کې برخه اخلي چې په لومړي نظر کې عادي بریښ. عسکر باید په شگو او ریگ او همداشان په اوبو کې د اوږدو ساعتونو له پاره تمرینونه وکړي. روزونکي یې ډیر سخت انگیرل کیږي چې پر هیڅ څه معامله نه کوي. دمې ډیرې کمې او لنډې وي.

یو عسکر چې د ستړیا پر وړاندې مبارزه کوي مخ یې داسې رنگول کیږي چې له دښمنه پټ وي. دلته راغلي کسان په داو طلب ډول راځي. دغه روزنه د یوې سختې جگړې له پاره طرحه شوې ده. په یوه بیړني صورت کې دغه عسکر باید د مشرتابه له غوښتنې سره سم دنده پر مخ یوسي.

د تمرین گډونوال زیاتره وخت په سمندر او یا هم د لمبا په حوضونو کې تیروي. هغه باید دا زده کړي چې د ډیر وخت له پاره ساه وساتلی شي، له خپلو ټولو جنگي وسایلو سره لامبو ووهلی شي او له سمندرونو ساحلونو ته نفوذ وکړی شي. زیاتره مهال یې پښې او لاسونه تړلي وي. فکر مو وي چې تاسو داسې ونه کړئ.

نه یوازې د قوت او استقامت ساتلو اړونده تمرینونه په ورځني پلان کې شامل دي، بلکې د کشتۍ سخت حرکات هم په تمرین کې شامل دي. د ۲۵ کلن او ژوی ژان له اوښکو ډکو سترگو سره دغه تمرین ترسره کوي. که یو کس د روزونکي پر وړاندې دغه درد او ستړیا له منلو سره مخالفت وکړي، باید له دغه روزنې لاس پر سر شي.

طبعا له نظامي تجهیزاتو سره هم روزنه ترسره کیږي. د روزونکو له لوري غوسه د ځانگړو ځواکونو د ځوانانو د ورځني ژوند برخه ده. هر شپږ ساعته وروسته هغوی یو ساعت دمه لري. په دغه موده کې باید ځوانان ډوډۍ وخوري، چې د نورو سربیره پکې هوږه هم شامله ده، څو د بدن دفاعي سیستم یې پیاوړي شي، د اړتیا په صورت کې ډاکټر ته ولاړ شي او همداشان تشناب ته ولاړ شي.

د دغه روزنې وروستی تمرین «د جنت پر لور لار» نومیږي. فارغیدونکي کسان له خنډونو ډک یوه مسیر کې تعقیبیږي. په لوڅ بدن باید هغوی پر کلکو تیږو وڅکیږي او سینه کشي وکړي. که څه هم دغه کسان د تیرو اوونیو تمرینونو سخت ستړي کړي وي. ۳۰ کلن فو یو، وایي: «زه له مرگه نه ویریږم.»

فارغ شوي کسان په پوځي اډه کې دغه زنگ وهي، څو په رسمي ډول په اې آر پي، کې د ځانگړو ځواکونو له روزنې څخه د فارغیدو اعلان وکړي. دا په دې معنی چې وتوانید په بریا سره دغه روزنه سر ته ورسوي.

عمان د هغو هيوادنو په سر کي راځي چي د خپلو ملي عوايدو ډيره برخه ئې پر پوځي مصارفو لگولې ده. عمان تیر کال ۶،۷ میلیارده ډالره پر پوځي مصارفو لګولي دي چې دا یي د جي ډي پي یا ملي ناخالص تولید ۸،۸ سلنه برخه ده. د مجموعي لګښت پر اساس عمان په نړۍ کې ۳۱ ځای لري.

سعودي عربستان د خپل ملي ناخالص تولید ۸ سلنه پر دفاعي بودیجې لګوي. دغه هیواد په ۲۰۱۹م کال کې پر پوځي او دفاعي وسایلو ۶۱،۹ میلیارده ډالره مصرف کړي دي چې د پوځي مصارفو له پلوه سعودي عربستان په نړۍ کې پنځم مقام ترلاسه کړی دی.

شمالي افریقایي هیواد الجزایر تیرکال ۱۰،۳۰ میلیارده ډالره پر پوځ او وسلو مصرف کړي دي چې دا د دې هیواد ملي ناخالص تولید یا جي ډي پي ۶ سلنه کیږي. د پوځي مصارفو له پلوه الجزایر په نړۍ کې ۲۳ ځای نیولی.

دغه هیواد د خپل ملي ناخالص تولید ۵،۶ سلنه پر پوځي او دفاعي برخه مصرفوي. کویت تیرکال ۷،۷ میلیارده ډالره په پوځي برخه لګولي دي او په دې ترتیب سره يې په نړیواله کچه ۲۶ ځای ترلاسه کړی دی.

تیرکال د اسرائیل پوځي مصارف ۲۰،۵ میلیارده ډالره ول، او په دې برخه کې د ډیرو پيسو مصرفونکو هیوادونو په کتار کې يي ۱۵ مقام ترلاسه کړی دی. اسرائیل د خپل ملي ناخالص تولید ۵،۳ سلنه پر پوځ مصرف کړي دي او په دې حساب یي پنځم مقام ترلاسه کړی دی.

د ترکیي د ګاونډي هیواد ارمنستان پوځي مصارف د دغه هیواد د جي ډي پي ۴،۹ سلنه برخه ده. خو د دې هیواد مجموعي پوځي لګښت ۶۷۳ میلیارده ډالره کیږي.

اُردن د خپل ملي ناخالص تولید ۴،۹ سلنه برخه پر پوځي مصارفو لګوي چې په دې اساس د نړۍ ۷ نمبر هیواد دی. اردن په نظامي برخه کې د تر ټولو ډیرو پيسو مصرفونکو هیوادونو په کتار کې ۵۷ ځای لري.

لبنان د خپل ملي ناخالص تولید ۴،۲۰ سلنه برخه پر پوځي مصارفو لګوي. دغه هیواد تیرکال ۲،۵ میلیارده ډالره په نظامي برخه کې مصرف کړي دي.

اذربایجان هم ۱،۸ میلیارده ډالره پوځي مصارف درلودل، خو د جي ډي پي د کموالي له امله دغه لګښتونه د ملي ناخالص تولید له ۴ سلنې سره مساوي کیږي.

د سپري د رپوټ پر بنسټ پاکستان تیرکال د خپل ملي ناخالص تولید ۴ سلنه پر پوځي برخه لګولي دي. دغه هیواد په ۲۰۱۹م کال کې ۱۰،۲۶ میلیارده یورو په دې برخه کې مصرف کړي دي. په دې توګه پاکستان د پوځي مصارفو له مخې د نړۍ ۲۴ نمبر هیواد دی.

روسیي ۶۵ میلیارده ډالره پوځي مصارف درلودل چې د تر ټولو ډیرو پيسو مصرفونکو هیوادونو په کتار کې یي ۴ ځای نیولی دی. خو دغه مصارف د روسيي د جي ډي پي ۳،۹ سلنه کیږي چې په دې اعتبار د نړۍ ۱۱ نمبر هیواد دی.

هند د پوځي لګښتونو پر اساس د نړۍ دریم هیواد دی. تیرکال د هند پوځي مصارف ۷۱ میلیارده ډالره وو چې د دغه هیواد د ملي ناخالص تولید ۲،۴۰ سلنه کیږي او په دې حساب دغه هیواد ۳۳ مقام لري.

چین د پوځي مصارفو له پلوه د نړۍ دویم لوی هیواد دی. تیر کال د بیجنګ حکومت په دې برخه کې ۲۶۱ میلیارده ډالره مصرف کړي دي. دا پيسې د چين د جي ډي پي ۱،۹۰ سلنه برخه تشکیلوي او په دې اساس دا د نړۍ ۵۰ نمبر هیواد دی.

امریکا په نړۍ کې پر پوځ تر ټولو ډیرې پيسې مصرفوي. تیرکال د امریکا پوځي لګښت ۷۳۲ میلیارده ډالره وو په داسې حال کې چې په ۲۰۱۸م کال کې يي پوځي لګښت ۶۸۲ میلیارده ډالره وو. خو پر دې زیاتوالي سربیره هم دا د امریکا د جي ډي پي ۳،۴۰ سلنه برخه تشکیلوي چې په دې اساس متحده ایالات د نړۍ ۱۴ نمبر هیواد دی.