د اتريش صدراعظم سباستيان کورڅ د آلمانۍ ورځپاڼې «بيلد» د جمعې ورځې ګڼې سره په مرکه کې ويلي دي چې د اروپايي اتحاديې له خوا پر دغې سترې ټولنيزې انترنيټي شبکې د فشار راوړل، د انساني قاچاقبرانو په پيژندنه او د هغوی د فعاليتونو په درولو کې اړين دي.
کورڅ په دغه مرکه کې ويلي دي: «اوس د فيسبوک په شان انترنيټي شبکې هم باید ځواب ووايي. په نړۍ کې ډير انسانان له همدې لارې د انساني قاچاقبرانو په دروغجنو خبرو تيروځي.»
د اتريش صدراعظم زياته کړې: «هغوی د منځني ختيځ، افريقا او يا هم د مرکزي امريکا له هيوادونو څخه قاچاقبرانو ته په زرونو يورو ورکوي او خپل ژوند د مديترانې سمندرګي په څير خطرناکو لارو کې په خطر کې اچوي. موږ نه بايد نور پر دغې موضوع سترګې پټې کړو.»
د اتريش صدراعظم کورڅانځور: picture-alliance/AP/V. Ghirda د اتريش صدراعظم دغه راز ويلي دي چې په اروپايي اتحاديه کې ميشت ځيني مهاجر، د همدغې ټولنيزې شبکې له لارې خپل اسناد او پاسپورټونه پر نورو هغو مهاجرو پلوري چې غواړې دغې اتحاديې ته راشي.
سباستين کورڅ په دې اړه داسې ويلي: «دغه تورونه بايد په دقت سره وڅيړل شي. که چيري هغه ريښتيا ثابت کيږي، فيسبوک موظف دی چې د اسنادو د غيرقانوني خريد او فروش پر وړاندې اقدام وکړي.»
د اتريش صدراعظم د خپلو خبرو په دوام کې زياته کړه: «زموږ موخه بايد دا وي چې د انترنيټ په ټولنيزو شبکو کې د انساني قاچاقبرانو پر ضد مبارزه وکړو او نور د هغوی دغه ډول کار و بار متوقف کړو.»
Rsh/Af (KNA)
د مهاجرت پر موضوع له آرشيف څخه يو انځوريز البوم:
د یونان ساموس ټاپو ته ورځ تر بلې ډیر افغان مهاجر رسيږي
د مهاجرو په چارو کې د ملګرو ملتونو عالي کمشنرۍ وايي چې په دې ورستيو کې د يونان په ساموس ټاپو کې د افغان مهاجرو شمير لوړ شوی دی. دغه سازمان وايي د ساموس کمپ د مهاجرو ۳۷ سلنه افغانان دي.
انځور: Infomigrants/N. Ahmadiد يونان په ساموس جزيره کې د مهاجرو شمير د کمپ له اصلي وړتيا څخه ډير لوړ دی. د مهاجرو په چارو کې د ملګرو ملتونو د عالي کمشنرۍ يو چارواکی وايي چې په دغه مرکز وضعيت کړکيچن دی.
د ساموس ښاروال انکلو پولوس له دې امله چې په ساموس کمپ کې د مهاجرو شمير د دغه ټاپو د اوسيدونکو په پرتله ډير دي، د دغه کمپ د تړلو غوښتنه يې کړې ده.
تر۴۰۰۰ زيات کسان په داسي ځای کې ژوند کوي چې هغه ځای په اصل کې د ۷۰۰ کسانو له پاره جوړ شوی دی. ۲۰۰۰ کسان يوازي په داسې خيمو کې ژوند کوي چې دوی په خپله ځان ته درولي دي.
د قانون له مخې له ترکيې څخه يونان ته رسيدلي مهاجر بايد د يونان په کمپونو کې خپل پناه غوښتنلیکونه وسپاري. خو په کمپونو کې د مهاجرو ډير رش د دې لامل شوی چې مهاجر د پناه غوښتنې ځواب ته ډير وخت په انتظار کې تير کړي.
په ساموس کې حکومتي چارواکي او ځايي اوسيدونکي وايي چې په ورستيو کلونو کې دغه ټاپو ته د ورتلونکو سيلانيانو په شمير کې ډير کمښت راغلی دی.
ماشومانو له پاره د ساتيرۍ پروګرامونه
په ساموس کمپ کې ډيري ښځي او ماشومان په سخت وضعيت کې خپل ژوند تيروي. په دغه کمپ کې د رضاکارانو يو سازمان د ماشومانو له پاره د ساتيري پروګرامونه جوړوي.
کمپ ته په تازه رسيدلو مهاجرو کې ۳۷ سلنه يې افغانان، ۲۰ سلنه عراقي، ۱۴ سلنه سوريايي او ۸ سلنه يې د کامرون مهاجر دي.
زین الله محمدي د خپلي ميندواره ميرمنې او درو ماشومانو سره له غزني څخه يونان ته ځان رسولی دی. هغه اوس په يوه خيمه کې ژوند کوي. هغه د پښو او ملا له درده رنځ وړي. محمدي وايي چې تیره اوونۍ چې باران وريده خیمه يې له اوبو ډکه شوه.
دغه ماشوم په سيند کې زيږيدلی دی
دغه مور وايي چې ماشوم يې د مهاجرت پر لاره په سيند کې په يوه کښتۍ کې زېږولی دی. د دغې ښځې په خبره په کښتۍ کې روغتيايي اسانتياوې نه وې.
