د اتریش صدراعظم ویرنر فیمان، چې د دغه هیواد د سوسیال دیموکرات ګوند غړی دی او د محافظه کارانو په پرتله یو سه مهربانه تګلاره لري، په ورستیو څرګندونو کې یې ویلي دي چې اتریش باید د هغو مهاجرو بیرته اصلي هیواد ته د استولو [دیپورټ] پیل کړي چې د پناه غوښتنه یې نه منل کیږي.
فیمان همداراز پر دې هم ټينگار کړی دی چې د آلمان صدراعظمي انګلا میرکل سره په تفاهم د مهاجرو پر تګلارې پریکړې شوي دي.
بیساری مهاجرت
په اروپا کې آلمان تر بل هر هیواد ډیرو مهاجرو ته پناه ورکړې ده. د دې مهاجرو تر ټولو لویه برخه سوریایي مهاجر جوړوي او ورپسې بیا افغانان دي.
اټکل کیږي چې د ۲۰۱۵م کال تر پايه پوري آلمان ته یو میلیون مهاجر ځانونه ورسوي. دا مهاجر له جګړه ځپلو هیوادونو څخه ترکیې ته ځي او د اوبو له لاري ځانونه اروپا ته رسوي.
لس هغه څه چې آلمان ته تر رسیدو مخکې باید پرې خبر یاست
کله چې تاسو آلمان ته د کډوال په توګه رسیږي نو ځینې موضوعګانې دي چې تاسو باید پرې خبر یاست. هر څه واضیح نه دي. په آلمان کې ځینې ټولنیز نورمونه موجود دي چې تاسو یې باید مرعت کړي.
انځور: picture alliance
د کار له اجازې پرته څوک کار نه شي کولای
په منځني ختیځ، افریقا او افغانستان کې د یو شمیر هیوادونو پر خلاف، په آلمان کې د کار اجازې پرته کار کول د قانون خلاف دي. که یو څوک د پولیسو له خوا ونیول شي چې د کار اجازې پرته دنده ترسره کوي، نو له کاره کوښه کیږي او آن زندان ته استول کیدای شي.
انځور: picture-alliance/ZB
دولت باید مالیه ورکړل شي
د آلمان د مالیات سیستم یو څه مغلق دی خو بیا هم که څوک مالیات تحویل نه کړي، نو دا د قانون خلاف کار دی. د قانون له لحاظه د مالیاتو نه ورکول له ټولنې څخه غلا بلل کیږي. د مالیاتو ورکول یو مسوولیت ده. هغه بهرنیان چې په آلمان کې کار کوي باید د دغه هیواد دولت ته مالیه ورکړي.
انځور: Fotolia/Joachim B. Albers
د ماشومانو پر ضد تاوتریخوالی نه زغمل کیږي
په آلمان کې د ماشومانو وهل یو جنایي جرم دی. په دې هیواد کې د ماشومانو د تربیې له پاره د هغوی وهل د منلو وړ نه دي. ماشومان نه په ښوونځي او نه هم په کور کې وهل کیدای شي. د آلمان په قانون کې راغلي دی: «ماشومان د دې حق لري چې له تاوتریخواي پرته تربیه شي. له فزیکي او یا هم رواني لحاظه د هغوي وهل، او یا هر بل ډول ناوړه چلن د منلو وړ نه دی.»
انځور: DW/R. Azizi
ماشومان باید ښوونځي ته ولاړ شي
هغه ماشومان چې ښوونځي ته د تلو عمر یې پوره شوي وي، باید په کور کې پاتې نه شي او یا هم ورباندې نور کارونه و نه شي. کله چې یو ماشوم شپږ کلن شي نو باید په ښوونځي کې ثبت شي او خپل درسونه پیل کړي. تر دې مرحلي وروسته باید ماشوم لږ تر لږه د لسو کلونو له پاره زده کړې وکړي. د دیني لاملونه له کبله له ښوونځي څخه د ماشومانو د منع کولو اجازه نه شته.
انځور: picture-alliance/dpa/B. Pedersen
باید په ډیر لوړ غږ خبرې و نه کړئ!
که تاسو په خپل کور کې په لوړ غږ خبرې وکړئ نو ګاونډیو ته مو مزاحمت کیږي. دا په خاصه توګه په آلمان کې د شپې له خوا یوه ستونزه ده. تاسو باید د شپې له لسو بجو بیا د سهار تر شپږو بجو پورې په لوړ غږ خبرې و نه کړئ.
انځور: picture-alliance/dpa/P. Pleul
په پلورنځایونو کې د توکو بیې ثابتې دي
په ډیر شمیر هیوادونو کې د توکو د رانیولو پر مهال د بیې کمولو له پاره هڅه کولو، یو معمول کار دی. خو دا کار په آلمان کې شونی نه دی. که تاسو غواړی په آلمان کې ارزانه توکې راونیسئ نو کولای شئ چې د انترنت له لارې خریداري وکړئ.
انځور: Fotolia/G. Sanders
حیواناتو ته په خپل سر خوراکي توکې مه ورکوئ
په آلمان کې ډیر وخت حیوانات وحشي نه وي. د دغو حیواناتو له پاره آلمان ځانګړی قانون لري. د بیلګې په توګه پرته له اجازې د یوه ګاوڼډي پشي ته د خوراکي توکو ورکول ښه پریکړه نه ده. که دغه پشي له تاسو سره د خپل صاحب په پرتله ډیر علاقه پیدا کړي نو صاحب یې پر تاسو قانوي دعوا کولای شي.
انځور: imago/blickwinkel
پر وخت خپلې وعدې ته رسیدل په آلمان کې ډیر مهم دي
په آلمان کې پر وخت وعدو ته رسیدل ډیر مهم دي. که تاسو یوه ځای ته ناوخته ورسیږی نو دا په آلمان کې ښه نه ګڼل کیږي. خو که کله چاره نه وي، نو باید تاسو نورو ته احوال ورکړئ چې ناوخته رسیږئ.
انځور: picture alliance
خلکو ته ډیر مه نزدې کیږئ!
په ډیرو کلتورونو کې د سیمې ماشومانو ته د ډالیو ورکول، د هغوی مچول او به غیږ کې اخیستل عادي کار دی. خو په آلمان کې دا هر څه د ماشوم والدینو بورې اړه لري. باید ماشومانو ته ډیر نزدې نه شئ. دا مهمه نه ده چې هغوی له تاسو سره څومره صمیمي کیدل غواړي.
انځور: picture alliance/Bildagentur-online
خپل موټر د سړک پر غاړه مه پرمینځئ
په آلمان کې څوک اجازه نه لري چې په خپل کور کې خپل موټر پریمینځي. د دې کار لامل له چاپیریال څخه ساتنه ده. هغه صابون چې تاسو د خپل موټر په پاکولو کې کاروئ چاپیریال ته زیان رسوي. په آلمان کې د موټر مینځلو رسمي ځایونه دغه مضر مواد له اوبو بیلوي او څمکې ته د هغوی د جذبیدو مخه نیسي.
انځور: picture-alliance/dpa/H. Wolfraum
انځورونه1 | 10
د ملګرو ملتونو د مهاجرت سازمان په یو ورستي رپوټ کې ویل شوي دي چې د سږ کال په لومړیو شپږو میاشتو کې ډېر کسان یا په خپلو هیوادونو کې بې ځایه شوي دي، په بل هیواد کې یې د پناه غوښتنه کړي ده او یا هم مهاجر شوي دي. دا سازمان همداراز وایي چې د ۲۰۱۵م کال شمېرې به لا هم زړه دردونکي وي.
د ملګرو ملتونو د مهاجرت سازمان ریس انتنیو ګوتیرس په یوې اعلامیه کې ویلي دي: «جبري بې ځایه کیدل زموږ پر اوسني حالت ژوره اغېزه لري. هیڅکله هم د اوس په شان له هغو بې ځایه شویو کسانو سره چې هر څه یې له لاسه ورکړي دي د زغم، مینې او همدردۍ له پاره اړتیا نه وه محسوس شوې».
سر بیره پر دې چې ګومان کیږي ډیر مهاجر اروپایي او شمالي امریکایي هیوادونو ته ځانونه رسولي وي خو د ملګرو ملتونو د دې رپوټ په حواله ډېرو کسانو هغو هیوادونو ته مهاجرت کړی دی چې له جګړه ځپلو هیوادونو سره پوله لري.