د ترکيې ولسمشر رجب طییب اوردوغان ویلي دي چې دی د امريکا پر تګلارې «ناهيلې» دی. هغه د سوريې او مهاجرينو د کړکيچ په برخه کې د واشنګټن پر تګلارو د ناهيلۍ تر څنګ له امريکا څخه د ګولن د سپارلو غوښتنه تکرار کړه.
د آلمان خبري آژانس د ترکیې ولسمشر رجب طیيب اردوغان په حواله ويلي دي، چې هغه د امريکا متحده ایالتونو تګلارو «ناهيلې» کړی دی. اردوغان په دې اړه د امريکايي رسنۍ (سي. بي. ايس) د اوو دقيقو پروګرام سره په خبرو کې وويل چې هغه په دې خبره هم حيران دی چې فتح الله ګولن لا تر اوسه هم په امريکا کې اوسيږي. د ترکيې حکومت پر دغه تبعيد شوي مذهبي مشر تور لګوي چې د روان کال د جولاي مياشتې په پنځلسمه، د ترکيې ناکامې کودتا تر شا یې لاس وو.
د (سي. بي. ايس) د اوو دقيقو په نوم خپرونه، د یکشنبې په ورځ خپره شوه خو د آلمان خبري آژانس ته يې ثبت شوې بڼه رسيدلي ده. اردوغان په دغه پروګرام کې ويلي دي: « ما پر دغو مسائیلو له ولمسشر بارک اوباما او د هغه مرستيال جو بايډن سره په تفصیل خبرې کړي دي، خو هغوي د دغو مهمو مسائيلو د پرمختک په برخه کې ناکام شول، چې دا کار زمونږ لپاره د تعجب سبب واقع شوی دی».
«امريکا خپله تګلاره کې ناکامه ده»
د ترکیې ولسمشر دغه خبرې په داسې وخت کې کړي دي، چې د امريکا جمهوري غوښتونکی سياستوال دونالد ترامپ، د امريکا د نوي ولسمشر په توګه خپلې دندې ته د تياری نيولو په حال کې دی. اردوغان په خپلو خبرو کې په ځانګړې توګه د سوريې پر حالاتو او د مهاجرت پر کړکيچ تبصره وکړه او وې ويل چې دی په دې برخه کې له امريکايي تګلارې څخه «ناهيلې» دی.
د ترکيې ولسمشر د سوريې په کورنۍ جګړه کې له ياغي ډلو څخه ملاتړ کوي، هغه په دې برخه کې پر امريکا دا نيوکه هم کوي چې تر اوسه د ولسمشر بشارالاسد رژیم په پرزولو کې ناکامه راغلې ده. په دغې مسئله کې د ترکيې مداخله ځکه هم ارزښت لرونکي بريښي چې اوسمهال په دغه هيواد کې له دوه ميليونو څخه زيات سوريايي مهاجر ميشت دي.
د اړيکو د خرابيدو ګواښ
اردوغان په وار وار ويلي دي که چيرې د امريکا حکومت، فتح الله ګولن دوی ته ونه سپاري نو دا به د انقري او واشنګټن تر منځ د اړيکو د خرابيدو سبب واقع شي. ګولن چې له ۱۹۹۹ کال څخه راپديخوا په امريکا د جلا وطنۍ ژوند تيروي، په لمړيو کې د اردوغان نژدی ملاتړی وو، خو اوس د دواړو تر منځ اختلافات پیدا شوي دي.
اردوغان په امريکا کې د ګولن د اوسيدو په اړه وویل: « زه د ترکیې د کودتا په مسئله کې امريکا ګرمه نه بولم، خو زما ولس په دې کې فکر کوي چې امريکا نو ولې دغه شخص (ګولن) ته ولې پناه ورکړې ده». د ترکيې ولسمشر ټینګار وکړ چې فتح الله ګولن دې په قانوني توګه ترکيې ته وسپارل شي.
پر ورته موضوع یو انځوريز البوم زموږ له آرشيف څخه (16.07.2016):
د ترکيې ناکامه کودتا په انځورونو کي
د ترکيې د يو شمېر پوځيانو له خوا د کودتا هڅه ناکامه شوه. رجب طيب اردوغان د کودتا په وخت په رخصتيو کې وو. د ترکيې ولسمشر د ترکيې له ولسونو وغوښتل چې کوڅو ته په راوتلو سره د کودتاچيانو په وړاندې ودريږي.
انځور: Getty Images/G.Tanپه ترکيه کې کودتا ناکامه وه
کودتا د استانبول په وخت د شپې په نه نيمو بجو پيل شوه.
د ترکيې پلازمېنه انقره د خونړیو نښتو شاهده وه.
په ځينو سيمو کې پوليس له کودتاچيانو سره ونښتل.
په زرګونو خلک د کودتاچيانو په وړاندې
په زرونو خلک د پوځي کودتا په وړاندې له پله واوښتل او استانبول ته ورداخل شول.
وګړو يو زغرور پوځي محاصره کړی دی.
د ترکيې ولسمشر، رجب طیب اردوغان، د تلويزيوني پيغام له لارې له خلکو وغوښتل چې د کودتاچيانو په وړاندې مقاومت وکړي.
پوځيانو په دغه شپنۍ کودتا کې اعلان وکړ چې پوځي حکومت يې رامنځ ته کړی دی.
رجب طیب اردوغان دلته د استانبول په هوايي ډګر کې ليدل کيږي.
په ترکيه کې پوځي کودتا په کوڅو کې د عامو خلکو په لاس مات شو.
د پوځيانو اعلان د نورو رسنيو تر څنګ د "آرتیآر" خبري راډيو تلويزيون له لارې هم خپور شو.
په سړکونو کې د دولت پلويان
په زرګونو خلکو په کوڅو کې د کودتاوالو پر ضد لاریون وکړ.
په هوايي ډګر کې د اردوغان پلويان
اردوغان د خپلې روغتيا ډاډ ورکړ او ويې ويل چې هيڅوک دې اندېښنه ونه لري. له ولسه يې وغوښتل چې د اتاترک هوايي ډګر او کوڅو ته راووځي.
ويل کيږي چې کودتا د منځنۍ رتبې د قوماندانانو له خوا شوې ده. لومړی يې لوی درستيز برمته کړی وو.
د دولت پلويان د کودتاچيانو په وړاندې
د کودتا مخالفينو په دې کې مرسته وکړه چې د پوځي کودتاچیانو اهداف ناکامه پاته شي.
د اردوغان او جنرال هولوسی آکار تر منځ ليدنه
د اردوغان او جنرال هولوسی آکار تر منځ ليدنه وشوه. آکار د ترکيې لوی درستيز دی چې کودتاچيانو يرغمل کړی وو.
قهرېدلو خلکو پر کودتا پلوو سرتېرو بريد وکړ
د کودتاچيانو پر ټانکونو (شوبلو) يرغل
خلک له کودتاچیانو سره د مقابلې او د ټانک د نيولو پر مهال
د پارلمان پر ودانۍ بمباري
په انقره کې د پارلمان پر ودانۍ بمباري وشوه
پولیسو او خلکو يو ځای له کودتاچي پوځيانو سره مقابله وکړه
کودتا به ورته «ګرانه» تمامه شي
د انادولو د خبري اژانس په حواله اردوغان پوځي کودتا «ستر خيانت» بللی دی او ويلي يې دي چې هغه به کودتاچيانو ته په ډېره جګه بيه تمامه شي.
د دولت پلويان د پله د پاسه
د دولت پلويان د پله د پاسه د دغې «تاریخي» ورځې په پلمه عکسونه اخلي.
