د اروپایي اتحادیي د بهرنیو چارو مسئول جوزف بوریل په حواله ژر به د ایران د اټومي تړون په هکله یوه موافقه رامنځته شي. نوموړي دغه څرګندونې د چک جمهوریت په پلازمېنه پراګ کې د اروپا د بهرنیو چارو وزیرانو تر کنفرانس وروسته له خبریالانو سره د خبرو پر مهال کړي دي.

هغه وویل چې د یوه ممکنه تړون په اړه د وروستیو وړاندیزونو متن ایراني او امریکایي مذاکراتي پلاو ته سپارل شوی دی او د دواړو هیوادونو له خوا معقول ځوابونه ترلاسه شوي دي. بوریل زیاته کړه چې په نږدې راتلونکي کې یو ښه خبر راتلونکی دی.