اروپايي ټولنه غواړي په افریقا کې یو نوی ماموریت پیل کړي
۱۴۰۲ شهریور ۵, یکشنبه
آلمانۍ ورځپاڼي ویلټ ام زونټاګ د یکشنبې په ورځ (د ۲۰۲۳ کال د اګست ۲۷مه) د اروپايي اتحادیې د ډیپلوماټانو په حواله راپور ورکړ چې د اروپايي اتحادیې غړو هیوادونو موافقه کړې چې په مني کې د ګیني په خلیج کې یو ملکي-پوځي ماموریت پیل کړي.
د دغه راپور له مخې، ټاکل شوې د دغه ماموريت د روان کال په اکتوبر مياشت کې په لوګزامبورګ کې د اروپايي ټولنې د بهرنيو چارو وزيرانو په غونډه کې تر پرېکړې وروسته پیل شي. په دې راپور کې ویل شوي چې د پولیسو یو مشخص شمیر ځواکونه او سرتیري باید د لویدیځې افریقا ګیني، توګو، بینین او عاج ساحل ته واستول شي.
د «ویلټ ام زونټاګ» په نامه آلمانۍ ورځپاڼې د یوه مهم ماموریت د پلان په حواله راپور ورکړی چې دغه ماموریت څلور موخې تعقیبوي. د څلورو هېوادونو په شمال کې د امنيتي ځواکونو د پياوړتيا ترڅنګ، د مشورې او روزنې په ترڅ کې "د تروريزم ضد عملياتو د چمتووالي، تخنيکي ملاتړ او په امنيتي برخه کې د باور رامنځته کول" د دې ماموریت اهداف په ګوته شوي دي.
د دغه راپور له مخې، د دغه پلان شوي ماموریت لامل د افریقا د ساحل په سیمه کې د جهادي ډلو د هڅو پیل په ګوته شوی دی. د لویدیځې افریقا په نایجر کې وسله والو د روان کال د جولای په ۲۶ نیټه منتخب ولسمشر محمد بازوم له واکه وغورځاوه او حکومتي واک یې په لاس کې واخیست. په مالي هیواد او بورکینا فاسو، د نایجر سره پوله لرونکي هیوادونه هم اوس د پوځ لخوا اداره کیږي.