د روغتيا په برخه کې د ختيځې او منځنۍ اروپا لپاره د يونسيف ادارې سيميز مسئول بازل رودریګ پر حواله، تر ډیره د کم عمر درلودونکي شير خوره ماشومان چې د بدن يې د کمې چربي درلودونکي دي له خطر سره مخ دي. په ځانګړي توګه دسينه بغل او تنفسي ناروغيو له خطر سره.
اروپا کې په تيرو څو ورځو کې هوا سره په تړاو د مرګونو آمار له ۶۰ څخه اوښتي دي. په مړو شويو کسانو کې ډیری يې بې کوره خلک او مهاجر ښودل شوي دي.
حاضردمه په يونان کې ۶۰ زره مهاجر ميشت دي چې ډیری یې د سوريې اوسيدونکي دي. که څه هم يوناني چارواکو د مهاجرو څخه ډیر شمير يې خوندي هستوګنځايونه ته انتقال کړي دي، خو لا هم داسې مهاجر شته چې په راڼه ميدان يا په ويجاړو کمپونو کې په بد حالت کې ژوند کوي. تر ټولو زیات د همدا شان سيمو مهاجر د سړې هوا له امله له پيښيدونکو خطرونو سره مخ دي.
پر ورته موضوع یو انځوريز البوم زموږ له آرشيف څخه (13.01.2017):
په یونان کي مهاجر د مرستو په تمه دي
پر سختي يخي هوا سربیره په یونان کي په زرونو مهاجر اوس هم په داسي خیمو او کانتینرو کي ژوند کوي چي بخارۍ نه لري. په تیره بیا په لیسبوس ټاپو کي حالت د زغملو نه دی.
انځور: picture-alliance /AP/dpa/M. Muheisen
سخته یخني او ټکان ورکوونکی حالت
د یونان په زیاترو برخو کي سخته يخه هوا خپره ده. د دغه هیواد په ځینو برخو کي بېړنی حالت اعلان سوی. په ختیځه برخه کي پروت د ریتسونا په نامه مهاجرکمپ کي د حرارت درجه له څو ورځو راهیسي له صفر څخه پورته سوې نه ده. مهاجر او له هغوی سره کوچنیان د بیړیو په مؤقتي کانتینرونو کي شپې او ورځي تیروي.
انځور: picture-alliance /dpa/AP/M. Muheisen
په لیسبوس کي اضطراري حالت
په تیره بیا په لیسبوس ټاپو کي حالت د زغملو نه دی. په دغه ځای کي د ۶۰۰۰ په شاوخوا کي مهاجر اوسیږي چي زیاتره یې سوریایان دي. دلته له څو ورځو راهیسي پرله پسې واوره اوري چي له امله یې خیمې هم چپه کیږي، مځکه ټوله یخی ده.
انځور: Reuters/Intime
اړو کسانو ته مرستې نه رسیږي
مرستندویه ټولني نور نه سي کولای د هغوی غم وخوري. د «نړۍ د ډاکټرانو» په نامه مرستندویه سازمان په حواله زیاتره مهاجر ناروغه دي او یوازي د سږي د ناروغۍ په تیرو دوو میاشتو کي دوه برابره سوې ده.
انځور: Reuters/Y. Behrakis
له دولت څخه د مرستو غوښتنه
د بشري مرستو سازمانونو او اروپايي ټولني د دغو کمپونو پر حالت سخت انتقادونه کړي او د یونان له حکومته یې د هغوی د غم خوړلو غوښتنه کړې. د بې سرحده ډاکټرانو سازمان په حواله، په لیسبوس کي د ماریا په نامه کمپ کي د ۲۵۰۰ په شاوخوا کي انسانان چي پکښي ښځي، کوچنیان او معیوبه کسان شامل دي، پرته له مرکزگرمیو او تودو اوبو څخه ژوند کوي.