اسرائيلي چارواکی: ايران غواړي له سوريې وسلې راتېرې کړي
۱۴۰۲ مهر ۲۳, یکشنبه![د اسرائیلو بیرغ](https://static.dw.com/image/67102471_800.webp)
اسرائيل په دې ترڅ کې پر غزې متقابل بريد ته چمتوالی نيسي.
پر ايکس ټولنيزې رسنۍ يوې ليکنې ته په ځواب کې چې دغه ډول يوه سناريو پکې مطرح شوې وه، جوشوا زارکا، چې د اسرائيل د بهرنيو چارو وزارت د ستراتيژيکو چارو رئيس دی، وويل چې »دوی (ايرانيان) لګيا دي.«
د ايران او اسرائيل پټه جګړه په انځورونو کې
په داسي حال کې چې عربي ملکونه له اسرائيل سره د فلسطين پر سر خپلې ترینګلې اړیکي پای ته رسوي، د ايران او اسرائيل د «پټې» جګړې لمبې هره ورځ له يوې ګوښې راپورته کيږې. د ايران او اسرائيل پټه جګړه په دې انځوريز راپور کې:
پټه جګړه
په داسې حال کې چې په ايران کې د بيرغ جوړولو کارخانې په مظاهرو کې د بیرغ سوزولو او تر پښو لاندې کولو له پاره د اسرائيل بيرغونه تولیدوي، عربې هيوادونه مخکې له مخکې خپلې خصمانه اړيکې له اسرائيل سره د فلسطين په اړه پاې ته رسوې.
د نطنز پر تاسیساتو پرله پسې بريدونه
د «تکنالوژۍ هستوي ملي ورځ» او د نطنز د تاسيساتو بيا رغولو څخه يوه ورځ وروسته يې د بريښنا پر سیستم برید وشو. د ایران د هستوي انرژۍ رئيس علي اکبر صالحې دا بريد د «هستوي ترهګرۍ» په نامه یاد کړ.
سمندري جګړه
رسنيو د اپريل پر اومه نېټه د «ایران ساويز» پر بیړۍ د برید خبر ورکړ. نيويارک ټايمز، دغه حمله د اسرائيل له خوا ګنلې وه او ليکلې يې ول، چې دغه برید د لوري او هلپوس رې په نامه د اسرائيلو پر سوداګریزو بیړیو باندي د بريد په ځواب کې شوی دی.
له ليري څخه د فخري زاده ترور
د ايران د دفاع وزارت معاون او د پوځ مشر محسن فخری زاده، چې په اتمي پروګرام کې له ګډون مخکې يې له حسن تهراني سره شمالي کوريا ته سفر وکړ او د ايران د توغندیو پروګرام بنسټ يې کيښود. هغه په يوه چاودنه کې وويشتل شو. د ده د مړيني په هکله د اسرائيلو لومړي وزير بينيامین نتانياهو ويلي وو:«د هغه نوم په ياد کي وساتئ».
د اسرائيلو له منځه وړلو خبردارې
د ايران اسلامي جمهوريت کابو ټول مقامات اسرائيل په نابودولو ګواښې.
د تهران پر محور برید ـ د لبنان سویل
اسرائيل د ايران اسلامي جمهوريت د عراق او سوريې له لارې د لبنان په سويل کې حزب الله ته د نظامي تجهيزاتو په رسولو تورنوي او تل په دغه سيمو کې د «ایران متحد حزب الله» پر مرکزونو بريدونه کوي.
په ایران پورې تړلې ځواکونو باندې بريد
د دسمبر پر ۲۴ مه خبري رسنيو خبر ورکړ، په سوریه کي په شپنيو عملیاتو کې چې احتمالا د اسرائيل له خوا ترسره شوي ۵۷ کسان چې په هغوی کې ۳۱ يې د ايران له پوځ سره نږدي کسان وو، وژل شوي دي.
اسرائيل ته د ایران د هستوي ارشيف انتقال
د اسرائيل لومړي وزير بنيامین نتانياهو د ايران هستوي اسنادو غلا کولو په موخه د خپل هيواد د خفیه دستګاه عملیاتو څخه خبر ورکړ.
په اسرائيل کې ايرانې توکې
بنيامن نتانياهو د مونشن امنيتي کنفرانس په بهير کې د اسرائيلو په فضا کي د ايران د يوې ويشتل شوي بې پيلوټه الوتکي ټوټې گډونوالو ته وښوولې.
په نطنز کې د سرائيل بې پيلوټه الوتکه
په ۲۰۱۴م کال کې د ایران سپاه پاسداران په یوه خبرپاڼه کي ویلي ول چې د سرائيل يوه بې پيلوټه الوتکه چې له رادار څخه د پټېدو توان لري او د «نطنز هستوي سیمي حریم» ته يې د ننوتلو قصد درلود، ويشتلې او راغورځولې ده.
د غزې تراړې ته د وسلو لیږد
د اسرائيلو سمندري ځواک په ۱۳۹۲ کال کې د«کلوس سي» په نوم يوې بار وړونکي بیړۍ چې د پاناما بیرغ پرې رپېد، د درولو خبر ورکړ. په دغه بیړۍ کې د فلسطينيانو له پاره د ايران توغندي بار ول.
د ملګرو ملتونو په عمومي غوڼده کې خبرداری
بينامین نتانياهو په ۲۰۱۲م کال کي د دغه انځور په ښکاره کولو سره د ايران اسلامي جمهوریت له اتمی بمب جوړولو څخه خبرداری ورکړی وو.
د «توغنديو د پروګرام پلار» په وژلو کي د اسرائيل ونډه
په خپله يې ويلې ول: «زما پر قبر وليکئ، دلته داسي کس خښ دی چې غوښتل يې اسرائيل له منځه يوسې.» سپاه پاسداران په دې بريد کي د اسرائيل ونډه رد کړه او د حسن تهراني وژل يې يوه پيښه وګڼله. خو ورور يې بيا وويل چې دا يوه پيښه نه وه، بلکې له مخکې جوړ شوی ترهګريز پلان وو.
په ۲۰۱۲ م کې په بانکوک کي بمب ايښودنه
تايلند، ايران په بانکونک کي د اسرائيل د ديپلوماتانو په ترورولو ګرم وګڼه. دغه درې تنه تورن کسان ايراني اتباع ول.
د هستوی پروسې اړوندو کسانو ترور
له ۱۳۸۸ تر ۱۳۹۰ پوري د هغه عملیاتو په ترڅ کي چې ترسره شوي لکه په موټرو پورې نښلول شوي مقناطيسې بمونو په چاودنو کي د ایران په اتومی پروګرام کي ګډ کسان د ترهګریزو حملو ښکار شول.
د ایران د اطلاعاتو وزارت په ۱۳۹۱کال کي اعلان وکړ چې يوه ترهګره ډله يې په نخښه کړې او نيولې ده. ۱۲ نیول شوی کسانو د تلويزون په مستنده خپرونه کي د اسرائيل تر نظر لاندې د ترور په هکله «اعتراف» وکړ. په ۱۳۹۸ کي معلومه شوه چې نیول شویو کسانو له ترهګرۍ سره کومه اړیکه نه درلوده، بلکي د شکنجو له کبله اعتراف ته اړ شوی ول. پرته له مجيد جمالي چې اعدام شو، پاتې نور آزاد شول.
پر ستاکس نت سايبري حمله
د ايران يورانیمو غني کولو استاکس نت انترنتي تاسیساتو باندي سايبرې حمله.
په ارجنتين کي د یهوديانو په مرکز کې چاودنه
د ۱۹۹۴م کال کې د ارجنتين په بونيوس آيرس کي د یهوديانو په «آميا» مرکز کې ترهګريز بريد د ۸۵ کسانو د مړيني سبب شو او تر ۲۰۰ زيات کسان پکي ټپيان شول. د ارجنتين دولت په دغه چاودنه کې تر اوسه درې وارې ايران په لاس لرلو تورن کړی او ادعا يې کړې ده چې د بريد طرحه په تهران کي جوړه شوی وه.
په اصلي پوست کې دا هم راغلي وو چې »اسرائيليان ژمن دي چې مخه يې ونیسي.« دغې خبرې ته زارکا ځواب ورکړ چې »موږ لګيا يو.«
دا په داسې حال کې ده چې سوريې پر اسرائيل تور لګولی چې تېره اوونۍ يې د دمشق او حلب پر هوايي ډګرونو بريدونه ترسره کړي دي.