په تقریبأ ۹۰۰ کیلومتره اوږدوالي سره دغه کیبل د ایرو-آسیا اتصالي شبکې - EuroAsia Interconnector په نامه دغي لويي پروژې تر ټولو اوږد او د غځولو یوه سخته مرحله یې وه.

د قبرس د راډیو په حواله به له اسرائیل څخه د اروپا تر اتحادیې پوري کیبل مجموعأ ۱۵۱۸ کیلومتره اوږدوالی ولري او په ځینو ځایونو کي د مدیترانې په تل کي تر ۳۰۰۰ مترو پوري لاندي وي. پدې ډول سره به نو د ایرو-آسیا اتصالي شبکې دغه کیبل په نړۍ کي تر اوبو لاندي د برق د ارتباط تر ټولو اوږد کیبل وي. 

د دغي پروژې مصارف تقریبأ ۲،۵ ميلیارده یورو کیږي چي د اروپا اتحادیه یې تقریبأ ۶۵۰ ميلیونه یورو پرغاړه اخلي. د پروژې په تکمیلیدو سره به هغه ۲۰۰۰ میګاواټه برق د انتقال ظرفيت ولري.