اسلامي شورا: په جرمني کي دي د راسیزم په اړه «جدي جروبحث» وسي
۱۳۹۹ خرداد ۲۴, شنبه
د جرمني د اسلامي شورا رییس وايي، چي په دغه هیواد کي دي هم د راسیزم په هکله «واقعي جروبحث» رامنځته سي. ځکه دلته هم د چارواکو او یا نورو له خوا تر یوه حده پوري پټ او ښکاره تبعیض موجود دی، خصوصأ د مسلمانانو په مقابل کي.
انځور: picture-alliance/dpa/O. Berg
اعلان
دغه خبره د جرمني د اسلامي شورأ رییس، ایمن مازیک د شنبې په ورځ (د جون میاشتي ۷ مه) د امریکا په متحده ایالاتو کي د پولیسو له خوا د یوه تورپوستي د وژل کیدو په ارتباط وکړه او ویې ویل، چي په دغه هیواد کي هم په يو نه يو شکل د خارجیانو، خصوصأ مسلمانانو سره تبعیض کیږي.
هغه اضافه کړه: «که موږ د په اصطلاح روزمره راسیزم او تبعیض څخه خبری کوو، بیا نو خبره « دقیقأهمدا ده، چي هغه موجود » دی. ځکه نو دا یوه «واقعي جروبحث» ته ضرورت لري او نه «یوازي یوه مایوسه کونکي کلتور او یا کله هم د راسیزم په مقابل کي یو هشتګ ایښولو ته.» یعني داچي هغه ته فقط پام راواړول سي، خو عملأ بیا هیڅ اقدام تر سره نسي.
مازیک وايي، چي په جرمني کي ددغي موضوع د «تنظیمولو» دپاره ډیر شیان موجود دي. هغه وويل: «موږ اکثرأ هغه عادي نیسو، ځانونه تیروو یا پټیږو او یا داسي ښکاره کوو، چي دا فقط د ښی اړخو افراطیانو موضوع ده او پرهغو باندي یې وراچوو.» خو باید وویل سي، چي تبعیض او راسیزم «په مخ پر ډیریدونکي ډول سره د جامعې متوسط قشر ته هم ورننوزي.» مازیک وایي، چي دی پخپله هم کله کله په جرمني کي د پولیسو څخه بیریږي.ځکه دلته هم «داسي مناطق موجود دي، چي سپین پوستي نه لري او ټوله خارجیان پکښي اوسیږي.»
مازیک دا ضروری بولي، چي جامعه په مجموع کي ددې موضوع په اړه حساسه کړو. د مثال په ډول د ډیره وخته څخه د مسلمانانو په مقابل کي تبعیض سره یوه علمي جروبحث ته ضروت دی، مثلأ د جرمني په پارلمان کي. د جزايي تعقیب او عدلي مقاماتو پرسونل او هم معلمان او روزونکي باید ددې موضوع په هکله ښه تربیه سي.
مازیک وايي، که سړی دا ومني، چي په جامعه کي تبعیض موجود دی، نو د «هیچا څخه به شی کم نسي.» کله چي مسلمانان افراطي او یا راسیسټي اظهارت کوي،«بیا نو موږ هغه باید ښکاره ووایو او نه د چي ځانونه ورڅخه تیر کړو. خو کله چی سپین پوستی او یا د نورو ادیانو پیروان او یا هم غیر مذهبي کسان ، بیا نو موږ باید د هغو په ارتباط هم عین برخورد وکړو، لکه د مسلمانان په مقابل کي یې چي کوو.»
د مازیک په خبره راسیزم او تبعیض کاملأ د منځه نه ځي، خو موږ باید د هغه سره «سم» برخورد وکړو او یو واقعي جروبحث رامنځته کړو.
زموږ له آرشيف څخه:
د اروپا مشهور مسلمان سیاستوال
په دې وروستيو کې د مسلمانانو په اړه د انگلا ميرکل د گوند د يوه غړي څرگندونې د بحث سبب شوي. هغه ويلي ول چې يو مسلمان هم په راتلونکي کې د آلمان صدراعظم کيدلای شي. په دې رپوټ کې د اروپا برجسته مسلمان سياستوال درپيژنو.
انځور: picture-alliance/dpa/R. Hirschberger
پاکستانی الاصله مسلمانه بريتانوۍ سياستواله
سعيده وارثي (مخامخ) د بريتانيا د کابينې لومړۍ مسلمانانه غړې وه. هغه د ۲۰۱۰م تر ۲۱۰۲م کاله پورې د محافظه پال گوند د مشرتابه غړې هم وه. سعيدې وارثي په ۲۰۱۸م کال کې پر لومړۍ وزيرې تريسا مې غږ کړی وو چې په عام محضر کې دي دا خبره ومني چې محافظه پال گوند یې له اسلام څخه د ويرې ستونزه لري. په داوننگ ستريت کې د لومړۍ غونډې پر وخت په دوديز لباس کې د هغې را څرگنديدو هم بحثونه پارولي ول.
انځور: Getty Images/AFP/O. Scarff
د فرانسې او اروپا په خدمت کې
په لويديځ کې د مسلمانانو تر ټولو زيات شمير په فرانسه کې دی او اسلام د دې هيواد دويم ستر مذهب دی. خو د نفوس په پرتله د مسلمانانو نقش په سياست کې نسبتاً ډېر کم دی. خو رشيده داتي له هغو مسلمانانو څخه يوه ده چې د فرانسې لوړ سیاسي مقام ته رسېدلې ده. هغه د ۲۰۰۷ تر ۲۰۰۹م کاله پورې د عدلېې وزيره وه. نوموړې اوسمهال د اروپا پارلمان غړې ده.
انځور: Getty Images/AFP/P. Huguen
تازه مسلمان شوی سياستوال
هالندی سياستوال يورم فون کلاويرين ډېره موده پر اسلام يو کلک منتقد وو او د خپل «پي وي وي» گوند د وکيل په توگه یې د اسلام پر ضد کمپاين هم چلولی وو. خو هغه په ناڅاپي ډول اعلان وکړ چې د اسلام پر ضد د يوه کتاب ليکلو په بهير کې يې نظر تغير کړی او مسلمان شوی دی. د کلاويرين پخواني سياسي مشر خيرت ويلدرز ويلي ول چې د نوموړي مسلمان کيدل داسې دي لکه يوه سبزي خور ته چې په يوه قصاب خانه کې دنده ورکړل شي.
انځور: AFP/Getty Images/ANP/B. Czerwinski
د هالند يو ډېر مشهور ښاروال
احمد ابو طالب په ۲۰۰۹م کال کې د هالند د روتردم ښاروال مقرر شوی وو. هغه د هالند لومړی کډوال ښاروال وو. نوموړی تل پر هغو مسلمانانو هم انتقاد کوي چې د ژوند له پاره لويديځ ته راځي، خو د بيان د آزادۍ مخالف دي. په ۲۰۱۵م کال کې د «ای اين پي» خبري آژانس د يوې نظر پوښتنې په حواله هغه د هالند تر ټولو مشهور سياستوال بلل شوی وو.
انځور: picture-alliance/dpa/B. Maat
او په بريتانيا کې
صادق خان چې په خټه پاکستانی دی، د ۲۰۱۶م کال راهيسې د لندن ښاروال دی. د اروپايي ټولنې څخه د بريتانيا د وتلو په اړه د هغه نظر دا وو چې بريتانيا بايد په اروپا کې پاته شي. هغه په ۲۰۱۶م کال کې کال غوره سياستوال بلل شوی وو او د «برتش مسلم ايوارد» جايزه یې ترلاسه کړې وه. صادق خان يو باعمله مسلمان دی او د لمانځه له پاره په منتظم ډول مسجد ته ځي.
انځور: picture-alliance/dpa/Yui Mok
د آلمان يو «سيکولر مسلمان»
ترکي الاصله آلمانی سياستوال چم اوڅديمير له څو کلونو راهيسې د زرغون گوند له برجسته څېرو څخه دی. هغه له ۲۰۰۸م کال څخه تر ۲۰۱۸م کاله پورې د دغه گوند د گډ مشترتابه غړی هم وو. پر نورو سربيره نوموړی د ولسمشر رجب طيب اردوغان په دوره کې په اروپايي ټولنه کې د ترکیې د شامليدو مخالفت هم کوي. هغه ځان ته يو «سيکولر مسلمان» وايي.
