وزیرخان ځدران له خپلي ۱۵ کلني لور سره د مکتب د کورني کار په برخه کي مرسته کوي. ځدران، چي اوس د امریکا متحده ایالاتو د کنتاکي د ایالت په بولینگ گرین کي ژوند کوي، په افغانستان کي له قومي مشرانو څخه يو وو چي د طالبانو په وړاندي جنگیده. دغه ۴۱ کلن سړی وایی چي امریکایانو هغه او د هغه کورنۍ وژغورله او د اگست په میاشت کي یې د هلیکوپتر په مرسته هوایی ډگر ته انتقال کړل.

ځدران او د هغه میرمن نورینا له خپلو اولادونو سره شیریخ خوري. د بولینگ گرین ښار له څلورو لسیزو راهیسي ډیری مهاجر د نړۍ له بحراني سیمو څخه منلي دي. مهاجرو هم ددغه ښار چي ۷۲ زره نفوس لري ، په رنگارنگي او اقتصادي رونق کي برخه اخیستې ده.

د ځدران شپږ کوچنیان انگلیسي سندري زده کوي، کتابخانې ته ځي او په دغه تصویر کي «بابا نوئل» ته د یوه خط د لیکلو په حال کي لیدل کیږي. د کورنۍ پلار چي د «نړیوال مرکز» په نامه د نوي استوگنځي د آژانس په مرسته یې کور پیدا کړی وایي: «موږ په بولینگ گرین کي ډیر خوشاله یو. محلي ټولني هم زموږ سره مرسته کوي تر څو ددغه ځای له کلتور او فرهنگ سره آشنا سو.»

۶ کلن ثنأالله د سوپرمن په جامو کي له خپل ورور ۱۳ کلن سمیع الله او خپلي خور ۴ کلني زهرا سره په تابلت کي لوبي کوي. د امریکا متحده ایالاتو حکومت په اوس وخت کي د پناه غوښتونکو تر ټولو لویه تخلیه سرته رسوي چي د ویتنام ترجگړې وروسته سابقه نلري. له شاوخوا ۷۵ زرو افغانانو څخه چي په پا م کي ده په امریکا متحده ایالاتو کي ځای پر ځای سي، د بولدینگ گرین ښار له هغو څخه په دغو څو میاشتو کي ۳۵۰ تنه ومني.

دغه کورنۍ باید زده کړي چي د امریکایانو په طریقه ژوند څه ډول دی، څنگه باید موټر وچلوي، خپل کریدت کارت څنگه په لاس راوړي او د یوه توفان په رارسیدو سره باید څه وکړي. په کنتاکي کي وروستیو توفانونو د افغانانو د امنیت احساس هم متزلزل کړی دی. ځدران وایی چي موږ هیڅکله دا ډول توفان په افغانستان کي نه وو لیدلی خو خدای وژغورلو.

۱۳ کلن ثنأالله په بشپړ آرامتیا سره د «زیري» گل پوف کوي. د ځدران کورنۍ ځانونه بختور بولي چي په امنیت کې په يوه داسې ټولنه کي ژوند ک چي له هغوی څخه هرکلی او مرسته ورسره کوي. بولینگ گرین یو زراعتي او تولیدي مرکز دی چي د خپلو نوو اوسیدونکو له پاره ډیر کار ځایونه لري. د څدران کورنۍ په يوه داسې کور کې اوسي چې باغچه هم لري.

د ځدران کورنۍ د سباناري پر میز. بولینگ گرین په داسي یوه ښار مشهور دی چي پناه غوښتونکو ته ددې فرصت برابروي چي خپل هوئیت وساتي او په عین حال کي امریکایی سي. دغه ښار یوه محافظه کاره ټولنیزه فضا لري.

د ځدران کوچنیان په چټکۍ سره ځانونه له نوي کلتور سره عیاروي. زلیخا په کور کي خپلو ورونو او خویندو ته انگلیسي سندري ورزده کوي. هغه داسي یوه سندره وایی: «?What are you thankful for( له کوم شي څخه منندویه یې؟)

نارینه او ښځینه کډوال غواړي، چې د امریکا متحده ایالاتو ته داخل شي. هغوی له پولي څخه د تیریدو وروسته د امریکایي پوله ساتونکو سره مخا مخ کیږي.متحده ایالاتو د پنجشنبې په ورځ د ۲۰۲۳ د مۍ په ۱۱ مه د کرونا ناروغۍ اړوند بیړنی حالت په رسمي توګه پای ته ورساوه. په دې توګه به کډوال هغه جنجالي قانون چې د ۲۰۲ کال په مارچ میاشت کې د امریکا متحده ایالاتو د هغه وخت ولسمشر ټرامپ له خوا نافذ شوی و، لغوه شي.

د دغو کډوالو له پاره، چې د متحده ایالاتو په لور ریو ګراند په پوله له اغزن تار او کټارو څخه تیریږي، د بندیز پای ته رسیدل د امید معنی لري. د « ۴۲ سرلیک» مقررې، د متحده ایالاتو چارواکو ته اجازه ورکړې وه، چې په پوله کډ‌وال رد کړي. د دې مقررې سره، د کرونا وبا په جریان کې متحده ایالاتو ته د دوه نیم میلیونو څخه د زیاتو خلکو د ننوتلو مخه ونیول شوه.

خلک د مکسیکو او متحده ایالاتو ترمنځ د پولې کټارو ترمنځ په اوږدو لیکو کې انتظار کوي. د متحده ایالاتو حکومت ټینګار کوي چې د «۴۲ سرلیک مقرارتو» پالیسي له پای ته رسیدو وروسته به پولې خلاصې نه وي بلکې د « ۸ سرلیک» مقررات به پلي کیږي. د دې مادې له مخې، هغه خلک چې په خپلو اصلي هیوادونو کې له ځورونې سره مخ دي او متحده ایالاتو ته داخلیږي باید د پناه غوښتنه وکړي او له دې پرته به سمدستي اخراج شي.

د متحده ایالاتو او مکسیکو ترمنځ پوله کې ډیر مسؤل چارواکي د په هجومي توګه د پناه غوښتونکو د راتګ تمه لري. په دې انځور کې د کډوالو یوه ‌ډله لیدل کیږي چې د رسۍ په مرسته د د ریو ګراند سیند څخه تیریږي.

دغه مېرمن د ریو ګراند سیند ترڅنګ په مکسیکو کې د سویلي او مرکزي امریکا د ډیرو نورو خلکو په څیر په متحده ایالاتو کې د ښه ژوند هیله لري. د متحده ایالاتو د حکومت د اټکل له مخې د مکسیکو په شمالي سیمو کې تر ۱۵۰ زرو زیات کسان متحده ایالاتو ته د ننوتلو انتظار باسي. دوی د بې وزلۍ، تاوتریخوالي، استبدادي رژیمونو، طبیعي پیښو او سازمان شویو جرمونو له امله خپل وطن پریږدي.

دا کډوال امریکا ته رسېدلي او د ال پاسو په ښار کې د یوې کلیسا مخې ته ناست دي. د دې ښار ښاروال اوسکار لیزر تمه لري چې په راتلونکو څو ورځو او اونیو کې به ۱۵۰۰۰ نور کډوال هلته داخل شي، ځکه چې په ​​وینا يې د مکسیکو په سیوداد جواریز ښار کې چې ال پاسو ته څېرمه پروت دی، له ۸ څخه ۱۰ زرو کډوال امریکا ته د ننوتو انتظار باسي. هغه زیاتوي چې پر دې سربیره د مهاجرینو یو «کاروان» د سیوداد خواریز پر لور روان دی.

خو د امریکا متحدو ایالتونو د یوشمېر سرحدي ښارونو چارواکي اوس د دومره ډېرو کډوالو د رسیدو توان نه لري. په ایل پاسو کې دا کډوال له اخراج څخه تښتي او پر سړکونو خوب کوي. ماشومان د پیسو غوښتنه کوي او لږې روغتیایي اسانتیاوې ورته شته.

د متحده ایالاتو او مکسیکو ترمنځ کډوال. د متحده ایالاتو ولسمشر جو بایډن ادارې اعلان کړی دی چې د هېواد په پولو کې به یې د غیر قانوني تیریدو د مخنیوي له پاره سختګیره اقدام دوام ولري. امریکا د خپلو پولو د لا ښې ساتنې او ملاتړ له پاره ۱۵۰۰ اضافي سرتیري تیار کړې دي.