افغانان په کابل کي د خونړۍ چاودني د قربانيانو په ماتم کي
۱۳۹۶ خرداد ۱۱, پنجشنبه
په کابل کي تر خونړۍ چاودني يوه ورځ وروسته، افغانان د قربانيان په ماتم او د ۹۰ جنازو په ښخولو مصروف دي. د افغانستان استخباراتي ادارې د دغي مرگوني چاودني پړه پر حقاني شبکې او گاونډي هيواد پاکستان اچولې ده.
اعلان
د افغانستان د ملي امنيت ادارې د چهارشنبې په ورځ ناوخته ماښام په يوه خبري اعلاميه کي وويل: «د نن ورځي د يرغل طرح د پاکستان د استخباراتي سازمان (آي اس آی) په مستقیم ملاتړ حقاني شبکې جوړه کړې وه.»
حقاني شبکه چي ډيری وخت په افغانستان کي د دغه شان بريدونو مسئوليت پرغاړه اخلي او له وسله والو طالبانو سره له نژدې همکاري کوي، تر اوسه پوري ئې د دې خونړۍ چاودني په اړه څه ويلي نه دي. وسله والو طالبانو هم په دې پيښه کي لاس لرل نه دي منلي. تر اوسه هيچا د دغي پيښي مسئوليت منلی نه دئ.
افغانستان له څو کلونو راهيسي پر پاکستان تور لگوي چي د وسله والو طالبانو او حقاني شبکې ملاتړ کوي، خو پاکستان دغه تورونه ردوي او پر افغانستان باندي دې ته ورته تورونه لگوي.
په سریلانکا کې د سیلابونو قربانیان ډېر شوي
د سریلانکا حکومت ویلی دي چې ځمکې ښویدني او سیلابونو تر۲۰۰ زیات کسان وژلي دي. لوی لاري او سړکونه تر اوبو لاندي شوي او هڅه کیږي چې اړمنو کسانو ته خواړه، اوبه او دارو درمل ورسول شي.
انځور: Imago/Xinhua
په سریلانکا کې سختو سیلابونو او ځمکو ښویدونو په لسونو زره کسان له خپلو کورونو بې ځایه کړي دي. څه د پاسه یوه لسیزه وروسته په دغه هیواد کې دا تر ټولو سخت سیلابونه یایدیږي. اورښتونه د تیري جمعې له ورځي راهیسې پېل شوي ول.
انځور: Reuters/D. Liyanawatte
تر څور ورځو سختو ورښتونو وروسته د سریلانکا هیواد سویلي او لویدیځې څنډې سختو سیلابونو زیانمني کړي دي. د چهارشنبې په ورځ د دغه هیواد له طبیعي پیښو سره د مبارزې ادارې وویل چې د تیري اوونۍ د ځمکې ښویدني او سیلابونو په پایله کې۲۰۲ تنه وژل شوي دي او لا سل کسان ورک دي. زیاتره کسان د ځمکې ښویدنې په پایله کې وژل شوي چې کورونه یې تر خټو او گارو تر سیلابونو لاندي شول.
انځور: Getty Images/AFP/L. Wanniarachchi
دغه سیلابونه د ۲۰۰۳م کال له می میاشتې راهیسې تر ټولو خراب سیلابونه یادیږي. په دغه کال سیلابونو۲۵۰ کسان ووژل او لس زره کورونه یې ویجاړ کړل. تیرکال په دغه هیواد کې سیلابونو او ځمکې ښویدنې د سلو کسانو ژوند اخیستی وو. معمولا په سریلانکا کې له می تر سپتمبر میاشتي پوري سخت بارانونه کیږي خو په شمال لویدیځ کې له نوامبر څخه تر فبرورۍ پوري هم اورښتونو کولای شي دروند زیان واړوي.
انځور: Getty Images/AFP/I. S. Kodikara
Relief operations gain momentum
د سریلانکا حکومت د یکشنبې له ورځې راهیسې کله چې بارانونه لږ کم شول د مرستو هڅې ډیرې کړې. پوځ څرخي الوتکې، کښتۍ او داسې نقلیه موټر چې پر سړک او اوبو دواړو حرکت کولای شي کار واخیست، څو پر خلکو مرستې وویشل شي. د سريلانکا حکومت د نړیوالو مرستو غوښتنه کړې.
سختو بارانونو شا او خوا۷۷۰۰۰ کسان له خپلو کورونو بې ځایه کړي دي او تر۱۵۰۰ زیات کورونه یې ویجاړ کړي دي. بې ځایه شوو کسانو په دولتي ودانیو او یا هم د خپلوانو او دوستانو په کورونو کې پناه اخیستې ده. د یونیسیف په وینا د بې ځایه شویو کسانو د یوه پر لسمه برخه عمرونه تر پنځه کلنۍ ټیټ دي.
انځور: Imago/Xinhua
د دغه هیواد د سویلي سیمو اوسیدونکي د تمساح بریدونو له خطر سره مخامخ دي. په دغه ځای کې یو سیند دی چې په خطرناکو وحشي ژیو مشهوره دی او اوس د اوبو سطحه پکښې لوړه ده. په دې هکله اندیښنه هم شته چې د سیلابونو اوبه د میاشو د نسل له پاره زمینه برابره کړي او ویروسونه خپاره شي. سختو اغیزمنو شوو سیمو ته روغتیايي ډلې استول شوي دي چې د دغسې ناروغیو د رامنځ ته کیدو مخنیوی وکړي.
انځور: Getty Images/AFP/I. S. Kodikara
ملگرو ملتونو، آسترالیا، جاپان او پاکستان ځیني مرستې کړي دي چې پکښې پر نورو سربیره خیمې هم شاملي دي. امریکا او چین هم د مرستو ژمنه کړې ده.
انځور: Getty Images/AFP/I. S. Kodikara
انځورونه1 | 8
افغان چارواکو ويلي دي چي په کابل کي د چهارشنبې ورځي په چاودنه کي چي چاودېدونکو مواد په يوه ټانکر کي ځای پر ځای سوي ول، ۹۰ کسان وژل سوي او شاوخوا ۴۶۰ نور ټپيان سوي دي.
نه پيژندل سوي قربانيان
د افغانستان د عامي روغتيا وزارت وياند محمد اسماعيل کاووسي ويلي دي چي د قربانيانو د پيژندني پروسه د پنجشنبې په ورځ له سره پيل سوې ده. هغه ويلي دي: «پر دې سربيره به د ځينو جسدونه هيڅ وخت پيدا نه سي، ځکه ټوټه ټوټه سوي دي.»
هغه زياته کړې ده چي «تر لسو او پنځلسو پوري لاس او پښې» موندل سوي دي. د بدن دغه غړي د هغو قربانيانو نه دي چي تر اوسه پيژندل سوي دي. هغه ويلي دي چي احتمال سته د قربانيانو شمېر زيات سي.