افغانستان ته د م.م. نوې استازې وټاکل سوه
۱۳۹۹ فروردین ۶, چهارشنبه![Symbolbild UNAMA Logo](https://static.dw.com/image/16052293_800.webp)
اعلان
کاناډايي دیبورا لیونس له ۲۰۱۳ کال څخه تر ۲۰۱۶ کاله پوري په کابل کي د کاناډا سفیره وه او د یوې باتجربه دیپلوماتي په حیث سابقه لري. د وروستي ځل له پاره هغې په اسراییلو کي د سفیري په توګه کار کړی.
په افغانستان کي د ملګرو ملتونو سياسي دفتر (یوناما) له تقریباً دوو لسیزو راهیسي په دغه جنګ ځپلي هیواد کي په فعالیت بوخت دی. د نوموړي ماموریت هدف دا دی چي، د افغانستان له اوسیدونکو او تاسیساتو څخه د سولې او ثبات په لاره کي ملاتړ وکړي. د یوناما د غړو شمیر په تیرو کلونو کي تقریبأ زر تنه ؤ.
دغه دیپلوماته به د تادامیچي یماماتو ځای ناستي سي چی څو ورځي مخکي یې افغانستان پرې ایښی دی.
ویل کیږي چی یماماتو د خپلي خدای په امانۍ پر وخت وویل: »زه کابل په یوه هیله او ارزو پریږدم او هغه د میلیونو افغانانو سره شریکوم، چي هیواد ته مو سوله راستنه سي.«