دغه نندارتون د کابل په نوي ښار کي پرانيستل سوی وو او ډير ځوانان ئې نندارې ته ورغلي ول. په دغه ورځ د افغانستان د لوړو زده کړو وزارت د ۱۳۹۳کال د کانکور آزمويني پايلي هم اعلان کړې او ويلي ئې دي چي تر ۱۰۰ زيات کسان په دغه آزموينه کي بې نتيجې پاته سوي دي.

د دې نندارتون موخه هغو ځوانانو ته د خپلو کتابونو، پروگرامونو او تحصلي رشتو معرفي کول دي چي غواړي په روان کال کي په دغو خصوصي پوهنتونو کي شامل سي.

په دغه نندارتون کي يو شمېر پوهنتونو خپل درسې پروگرامه وړاندي کړي ول. خو يوه خبره ده چي په خصوصي پوهنتونو کي پيسي هم ډېر غوښتل کيږي چي هر څوک ئې توان هم نه لري.

په دغه نندارتون کي په صنفونو کي د نوي تکنالوژۍ په مرسته تدرس هم وښوول سو. په دغه انځور کي زړه ته د ويني پمپول محصلانو ته ښوول کيږي. هغه ځوانان چي دغه نندارتون ته ورغلي ول وايي چي که په پوهنتونو کي له دغه شان شيوو څخه کار واخيستل سي د زده کړي کيفيت به تر پخوا ډېر ښه وي.

ټولو خصوصي پوهنتونو خپلي درسي کتابونه نندارې ته وړاندي کړي ول.

هر کال په زرونو ځوانان دولتي پوهنتونو ته تر نه لار موندني وروسته په خصوصي پوهنتونو کي شامليږي. خو په دغو پوهنتونو کي د متخصصو استادانو نه ستوالي بيا يوه ستونزه ده.

په دغه نندارتون کي یو شمېر کتاب پلورنځيو هم خپل کتابونه نندارې ته وړاندي کړي ول.

دا په افغانستان کي د خصوصي پوهنتونو لومړی نندارتون وو. دوی وايي که دغه شان نندارتونونه ډېر سي د پوهنتونو ترمنځ به سالم رقابت هم پيل سي.

په افغانستان کي اوس يوه ستونزده دا ده چي هرکال په زرونو ځوانان د کانکور په ازموينه کي بې نتيجې پاتيږي او کار هم ځان ته نسي پيدا کولای.

دغه يو ورځنی نندارتون د کابل د نوي ښار په «کابل مال» ودانۍ کي جوړ سوی وو.

امريکا د بهرنيو محصلانو له پاره تر ټولو د خوښې هيواد دی. د هغو محصلانو له ډلې چې په بهرني هيوادونو کې لوړې زده کړي کوي، ۱۹ سلنه برخه يې امريکا انتخابوي.

په ۲۰۱۶م کال کې د تحصيل له پاره دوهم تر ټولو غوره هيواد بريتانيا ښوول شوی. په دغه کال د نړۍ ۸،۵ سلنه نړيوالو محصلانو بريتانيا انتخاب کړې وه.

د تحصيل له پاره د نړۍ په کچه دريم غوره هيواد استراليا ښوول شوی. د څيړنې په حواله په مجموعي توګه د نړۍ ۶،۶ سلنه بهرني محصلان د استراليا پوهنتونونه انتخاب کړي دي.

آلمان د هغو ملکونو په کتار کې لومړی ځای لرلی چې تحصيلات په کې له انګلیسي ژبې پرته کيږي. د آلماني پوهنتونونو ۴،۹ سلنه برخه نړيوال محصلين دي.

فرانسه هم د لوړو زدکړو له پاره د غوره هيوادونو په ډله کې راځي. هغه محصلين چې د تحصيل له پاره بهرني هيوادونو ته ځي ۴،۸ سلنه برخه يې فرانسه انتخابوي.

روسيه په ۲۰۱۶م کال کې د تحصيل له پاره د نړۍ شپږم غوره هيواد ارزول شوی. د څيړنې له مخې په دغه کال ۴،۸ سلنه نړيوالو محصلينو د روسيې پوهنتونونه ته مخه کړې وه.

په کانادا کې هم لوړې زده کړې په انګليسي ژبه ورکول کيږي. ۳،۷ سلنه بهرني محصلان د لوړو زدکړو د ادامې له پاره کانادا انتخابوي.

په ۲۰۱۶م کال کې ۲،۸ سلنه نړيوالو محصلينو د لوړو زده کړو له پاره جاپان ته مخه کړې وه.

په ۲۰۱۶م کال د نړۍ د هغو محصلينو له ډلې چې په بهرنيو هيوادونو کې لوړې زده کړې کوي، ۲،۸ سلنه برخې يې د چين پوهنتونونه انتخاب کړي ول.

په ترسره شوې څيړنې کې، ماليزيا په ۲۰۱۶م کال کې د بهرنيو محصلانو له پاره لسم غوره هيواد ګڼل شوی دی. په دغه کال د نړيوالو محصلينو له ډلې څخه ۲،۴ سلنه يې د ماليزيا پوهنتونونه انتخاب کړي ول.