افغانستان له شمالي کوریا څخه غوښتي دي چې خپلې اتومي آزموینې ودروي. افغان حکومت دغه کار د ملګرو ملتونو د پریکړه لیکونو خلاف بللی دی او ټینګار یې ګړي چې نړیوالې شخړې دې د خبرو اترو له لارې حل شي.
انځور: picture-alliance/dpa/Korea News Service
اعلان
د افغانستان د بهرنیو چارو وزارت د دوشنبې په ورځ په یوې خپره شوې اعلامیه کې پر شمالي کوریا باندې غږ ګړی دی چې په راتلونکې کې دغه ډول آزموینې تر سره نه کړي.
دغه اقدام د ډیر شمیر هیوادونو، په ځانګړې توګه د سویلي کوریا او امریکا متحده ایالاتو غوسه راپارولې وه.
افغان حکومت هم په اعلامیه کې دغه اقدام غندلی دی او ویلي یې دي: «افغان حکومت په دې باور دی چې دغه دول اقدامات د نړیوالو ترینګلتیاو او د وسلو په برخه کې د غیر سالمې سیالۍ رامنځ ته کیدو لامل کیږي.»
افغان حکومت په اعلامیه کې ټینګار کړی دی چې په نړۍ کې د عام وژنې وسلو د پراختیا خلاف دی او له دې کبله یې غوښتي دي چې شمالي کوریا دې د دغه ډول آزموینو پر ځای د خبرو اترو له لارې خپلې ستونزې حل کړي.
پاکستان د ۱۰۰ او ۱۲۰ تر منځ اتومي وسلو درلودونکې دی. کله چې پاکستان په ۱۹۹۸ کال کې اټوم بم جوړ کړ تر هغه وروسته د پاکستان او هند تر منځ کومه جگړه نه ده رامنځته شوې. مخکې تر دې د هند او پاکستان تر منځ دری جنگونه ترسره شوې دي. که څه هم پاکستان وایې چې د دوی اټومي وسلې د دفاعي مقاصدو له پاره دي، خو څارونکي ویره لري که د دغو دواړو هیوادونو تر منځ جگړه رامنځته شي، نو کیدای شي پر یوې اټومي جگړې واوړي.
انځور: picture-alliance/AP
هندوستان
په ۱۹۷۴ کال کې د لومړي ځل او په ۱۹۹۸ کال کې د دویم ځل له پاره د اټومي وسلو ازمیښت ترسره کونکی هیواد هندوستان له ۹۰ څخه تر ۱۱۰ پورې اوټوم بمونه لري. له چین او پاکستان سره د سرحدي پولو پر سر د شخړې سربیره هندوستان ژمنه کړی چې دغه هیواد به د اتوم بم د کارونې په برخه کې هیڅ کله هم لومړيتوب ونه کړي.
انځور: Reuters
اسرائیل
له ۱۹۴۸ څخه تر۱۹۷۳ کاله پورې له عربي هیوادونو سره دری واره جنگیدلې هیواد اسرائيل ۸۰ اټومي وسلې لري. د اسرائیلو د اټومي پروگرامو په برخه کې ډیر لږ معلومات موجود دي.
انځور: Reuters/B. Ratner
شمالي کوریا
د اټکلونو له مخې شمالي کوریا لږ ترلږه ۶ اټومي بمونه لري. که څه هم شمالي کوریا له جنوبي کوریا سره شخړه لري، خو د دغه هیواد اټومي پروگرامونو لویدیځ هیوادونه هم اندیښمن کړي دي. د ملگرو ملتونو له خوا د لگول شوو بندیزونو سربیره هم دغه کمونستي هیواد په ۲۰۰۶ کال کې د اټومي وسلو ازمیښت ترسره کړ.