اروپایي ټولنې په افغانستان کې د اقلیم بدلون له امله د بشري ناورین او د طبعي پېښو د زیاتوالي خبرداری ورکړی دی.
په افغانستان کې د اروپایي ټولنې استازولۍ په خپله ټویټر پاڼه لیکلي دي، چې افغانستان په نړۍ کې څلورم هېواد دی، چې د بشري بحرانونو او طبیعي پېښو سره مخامخ دی.
اړوند مطلب: م.م: که پر افغانستان مرستې لږ شي اقتصادي وضعيت به لا خراب شي
دغه ټولنې د خپل ټویټر پیغام په یوه برخه کې لیکلي: «د اقلیم بدلون هغه اضافي متوقع خطر دی چې د خلکو ژوند ته به لا ډېر زیان ورسوي.»
دې اتحادیې ټینګار کړی دی: « اروپایي ټولنه د اقلیم بدلون د اغیزو کمولو او د هغې سره د مبارزې لپاره د حل لارو په موندلو کې له خلکو سره د مرستې له پاره په لومړي صف کې قرار لري.»
له سهاره تر ماښامه، د افغانستان د خلکو ورځني ژوند د انځور په ژبه
د افغانستان خلک پر خپلو بیلابیلو ستونزو خپل ورځنی عادي ژوند پر مخ بیایي. په دغه انځوریز البوم کې د افغانستان د خلکو د ژوندانه بیلا بیل اړخونه نندارې ته وړاندې شوي دي.
انځور: Getty Images/AFP/A. Karimiیو افغان ماشوم سهار وختي د خپلې کورنۍ د سوند موادو د ضرورت پوره کولو له پاره د لرگیدو گیډی پر شا کړی دی.
یو سماوارچي د یوې کاري ورځې د چارو او خپلو مشتریانو ته د خدماتو وړاندې کولو له پاره تیاری نیسي.
یو څپلۍ پلرونکی خپل د څپلیو دوکان پرانیزي. په افغانستان کې څپلیو او بوټ جوړولو صنعت د نورو هیوادونو د وارداتو تر سیورې لاندې دی.
یو کس د جلیبۍ د پخولو په حال کې دی.
د افغانستان د چټک غبرگون پولیس د عملیاتو د ترسره کولو پر مهال.
یو افغان بزگر پر خپله زراعتي ځمکه د کار پر مهال لیدل کیږي.
یوه کوچنۍ ماشومه د خپل کور د څښاک اوبو د اړتیا پوره کولو په هڅه کې ده.
د لرگو ټال کې یو دوکاندار لرگي تلي.
یو روغتیا پال افغان ماشوم ته واکسین ورکوي.
یو افغان سرتیری د یوه صحي کارکوونکي امنیت ساتي، چې د پولیو یا گوزڼ ضد واکسین پروگرام تطبیقوي.
یو افغان د یوې سختې کاري ورځې تر تیرولو وروسته په آس گاډۍ کې خښتې انتقالوي.
د لمر پریوتو پر مهال افغان ماشومان د بې ځایه شوو کډوالو په یوه کمپ کې لیدل کیږي.
دغه ټولنې د نړۍ د نورو هغو هېوادونو نومونه نه دي اخیستي، چې د اقلیم بدلون له جدي خطرونو سره مخ دي.
اړوند مطلب: د خوړو نړیوال سازمان: په افغانستان کې میلیونونه وګړي له لوږې سره مخامخ دي
په افغانستان کې د اروپایي ټولنۍ استازولۍ ویلي دي، چې له یو شمېر کارپوهانو او د اقلیم بدلون فعالانو سره یې په افغانستان کې د اقلیم د بدلون په اړه خبرې پیل کړي دي.
د اروپایي ټولنې د استازي دفتر ټینګار کړی دی، چې اقلیم بدلون په ټوله نړۍ اغېز کوي، خو افغانستان یو له هغو هېوادونو څخه دی، چې پرله پسې طبیعي پېښو لکه وچکالۍ او سیلابونو د خلکو وضعیت لا پسې خراب کړي.
SA-FZ-BS
