په ټولنيزو رسنيو کې خپاره شويو انځورنو کې ليدل کيږي چې لاريون کوونکي له ځانونو سره داسي بنرونه لېږدوی چې »مرګ پر امريکا« او د امريکا ولسمشر جو بايدن دروغجن دی پرې ليکل شوي ول.

دغه لاريونونه يوه ورځ وروسته له هغه ترسره کيږي چې طالبانو وويل چې د دوی حکومت افغانستان ته د الظواهري د راتګ او اوسېدو په اړه هيڅ معلومات نه لري او امريکا متحده ايالاتو ته يې ګواښ وکړ چې پر افغانستان باندي دغه شان بريد بيا تکرار نه کړي.

د امريکا متحده ايالاتو د معلوماتو له مخي څو ورځي وړاندي يې د کابل په زړه کې د القاعدې شبکې مشر ايمن الظواهري د يوه کور په برنډه کې د بې پيلوټه الوتکي په بريد کي وواژه.

د امريکا پر دغه بريد باندي تر افغانستان دباندي هم نيوکي شوي دي، خو امريکا متحده ايالاتو ويلي دي چې طالبانو الظواهري ته په ځای ورکولو سره د دوحې تړون مات کړی دی. د دوحې په تړون کې له افغانستان څخه د ټولو بهرنيو ځواکونو پر وتلو باندي توافق شوی چي په مقابل کي به يې طالبان له القاعدې سره خپلي اړيکي شلوی او هغوی ته به ځای نه ورکوي.