د ښځو تحصیل په اړه د ایراني ملا له څرګندونو د خلیلزاد هرکلی
۱۴۰۱ بهمن ۸, شنبه
اعلان
د ایران زاهدان د اهل سنت جومات خطیب د جمعې په یوه خطبه کې ویلي ښځې او سړي زده کړو ته د لاسرسي په حق کې برابر دي. افغان سولې له پاره د امریکا د بهرنیو چارو وزارت پخواني استازي زلمي خلیلزاد د یادې ویډیو پخ نشرولو سره پر خپله ټویټرپاڼه لیکلي: «هغه طالب مشران چې لیسو او پوهنتونونو کې یې پرښځو بندیز لګولی، باید د مولوي عبدالحمید خبرې واوري.»
خلیلزاد د دغه ایراني ملا د خبرو پربنسټ زیاته کړې ده هیڅ حکومت او هیڅ مشر نه شي کولای چې د ښځو له دغه حق څخه انکار وکړي.
زلمي خلیلزاد د تیر ۲۰۲۰ میلادي کال د فبرورۍ په ۲۹مه نیټه د امریکا په استازولۍ له طالبانو سره د سولې تړون لاسلیک کړ. ترهغه وړاندې خلیلزاد په خپلو څرګندونو کې ویلي ول چې د ښځو او بشري حقونو په اړه طالبانو خپل دریځ نرم کړی.