خو دغې افغانې پلوټي خپل ټول معلمان هغه وخت حيران کړل کله چي يې وويل چي غواړي د دې وروسته هم الوتنې وکړي، خو نه د افغانستان تر بيرغ لاندي. نيلوفر رحماني ته بعضو رسنيو د «نړۍ د تر ټولو ښايستې پلوټي» خطاب هم کړی.
د نيويارک ټايمز ورځپاڼي په راپور کي راغلي چي نيلوفر رحماني د امريکا په متحده ايالاتو کي د پناه غوښتنه کړې ده. زياته سوې چي دغه افغانه مېرمنه هيله لري چي د امريکا د متحده ايالاتو په هوايي پوځ کي به پلوټه سي.
د نيويارک ټايمز د راپور له مخي دغې افغانې ښځينه پلوټي د جمعې په په ورځ دغې ورځپاڼي ته وويل: «په افغانستان کي حالت نه بدليږي.» هغې زياته کړې: «بلکه هلته حالات لا د خرابېدو په حال کي دي.»
نيلوفر رحماني په ۲۰۱۵ کال د امريکا د متحده ايالاتو د بهرنيو چارو د وزارت له خوا په خپله کلنۍ جايزه «زړوره مېرمنه» نازول سوې وه. هغه وخت د امريکا د متحده ايالاتو د ولسمشر باراک اوباما د نيلوفر رحماني په هکله ويلي ول چي هغه «د طالبانو او حتی خپلي کورنۍ د ګواښونو باوجوده خپلو الوتنو ته ادامه ورکوي.»
د نيلوفر رحماني له افغانستان څخه په داسي حال کي تښتېدلې چي څو اونۍ تر مخه د انقلاب د وخت يوې افغانې ښځينه پلوټي ويلي ول چي په افغانستان کي فکر کولو ته مجبوره سوې ده.
پر ورته موضوع یو انځوريز البوم زموږ له آرشيف څخه (14.04.2015): پر ورته موضوع یو انځوريز البوم زموږ له آرشيف څخه (03.12.2016):
لوفت هانزا هغه آلمانی شرکت دی چې د اروپا تر ټولو لويي الوتکي په اختیار کي لري. د الوتني پراخه شبکه، عصري الوتکي او تجربه لرونکی پرسونل درلودل د دغه شرکت له ځانگړنو څخه دي.
انځور: picture alliance/dpa Themendienst
ایر فلوت
په هره الوتنه کې تر پيلوټ وروسته د الوتکي مېلمه پال ډیر مسئولیت لري. په انځور کي د روسيې د هوايي شرکت اير فلوت د مېلمه پالو يونيفورم.
