د افغانستان مدني قوانين نجونو ته د ۱۶ کلنۍ مخکې د واده اجازه نه ورکوي. خو د ماشومانو د ژغورنې «سېف دې چيلدرن» ټولنې د معلوماتو له مخې د هغو ښځو چې د ۵۰ کلونو څخه کم عمر لري، ۱۵ سلنه يې له ۱۵ کلنۍ مخکې واده شوي دي. دا په داسې حال کې ده چې ټول ټال ۵۰ سلنه ښځې په افغانستان کې د ۱۸ کلنۍ مخکې وديږي.
پر ورته موضوع یو انځوريز البوم زموږ له آرشيف څخه(10.06.2015):
انځورونه: په جنوبي آسيا کي د کوچنيانو پر ودونو نيوکه
د بشري حقونو د څار سازمان له بنگله دېش څخه غوښتي دي چي د واده په قانون کي د بدلون هغه مسوده چي پکښي د واده سن ۱۶ کالو ته راکښته کيږي، لغو کړي. په جنوبي آسيا هيوادونو او افغانستان کي د کوچنيانو ودول ډېره عامه ستونزه ده.
انځور: Getty Images/AFP
د بشري حقونو د څار سازمان د سه شنبې په ورځ د يوه راپور په خپرولو سره د بنگله دېش له حکومته وغوښتل چي د کوچنيانو د ودولو «اپيدمۍ» ته خاتمه ورکړي. دغه سازمان د بنگله دېش پر قانون جوړونکو باندي نيوکي وکړې چي غواړي د واده قانوني سن له ۱۸ کلنۍ څخه ۱۶ ته راکښته کړي.
انځور: Getty Images/AFP/Str
د بشري حقونو د څار سازمان ويلي دي چي د بنگله دېش په سلو کي ۳۰ سلنه نجوني په پنځلس کلنۍ کي وديږي. که څه هم په بنگله دېش کي د قانون له مخي د کوچنيانو ودول منع دي، خو خلک د رشوت په ورکولو سره کولای سي د نجلی عمر په اسنادو کي بدل کړي.
انځور: Getty Images/AFP/Str
په بنگله دېش کي د طبيعي ناورينونو بهير په دغه هيواد کي فقر ډېر کړی دئ او ډېر خلک خپله لوڼي په کوچنيوالي کي لا ورکوي.
انځور: Getty Images/AFP/Str
څېړني ښيي چي په بنگله دېش کي زده کړو ته د نجونو نه لاس رسی نه يوازي دا چي له اقتصادي ستونزو سره ئې مخامخ کوي، بلکي د هغوی روغتيايي وضعيت ته يې هم زيان رسولی دئ. دوی په کوچنيوالي کي وديږي او زورزياتی ورسره کيږي.
انځور: picture-alliance/Pacific Press/M. Asad
دغه ستونزه يوازي په بنگله دېش کي نه ده، بلکي په ټوله جنوبي آسيا کي ډېري نجوني په کوچنيوالي کي وديږي او دا کار ډېر عادي گڼل کيږي. د يوې څېړني له مخي په راتلونکو لسو کلونو کي به نزدې ۱۴۰ ميليونه نجوني په کوچنيوالي کي واده سي چي د دې په سلو کي پنځوس به ئې په جنوبي آسيا کي وي.
انځور: DW/P.M.Tewari
په افغانستان، پاکستان، هندوستان، بنگله دېش، نيپال او سريلانکا کي په کوچنيوالي کي واده منع سوی دئ. خو دغه ستونزه تر اوسه لا حل سوې نه ده. د ملگرو ملتونو د راپور له مخي له ۲۰۰۰م څخه تر ۲۰۱۰م کاله پوري نزدې ۲۴،۴ ميليونه نجوني مخکي له دې چي ۱۸ کلني سي واده سوي دي.
انځور: picture-alliance/AP Photo/P. Hatvalne
د جنوبي آسيا په برخه کي يونيسف د سیمه ييز رئيس مرستيال ستيفن ادکيسون، دويچه ويله ته وويل، څو په عامه ذهنيت کي بدلون را نه سي دغه ستونزه به تر ډېره پاته وي.
