مجله ليکي، چي په دې طرحه کي ټول هغه اړخونه راغلي دي، چي څنګه دطالباب مشران ګټل کيدای او د هغوئ جنګيالي څنګه بيرته په ټولنه کي ورګډيدای سي.

ددغه36مخيز سندد مخه، چي دشپيګل مجلې ته رسيدلی دي، ښايي د طالبانو مشرانو ته که د القاعدې سره خپلي اړيکي وشکوي په بل هيواد کي د اوسيدو دپاره لاره ورکړل سي.

د مطلب د مخه دطالبانو عادي جنګيالي که خپلي وسلي پر مځکه کښېږدي کومه سزا به ونه ويني،او عادي ژوند کولو ته به پرې ښودل سي.

مجله ليکي، چي ددې خبرو دپيل د وخت په هکله دکرزي او امريکايي پوځيانو ترمنځ يو والی نسته.

کرزی غواړي، چي داخبري ژر پيل کړي، خو امريکايان وايي، چي پريږدۍ چي طالبان د اعلام سوي سترو تعروضي عملياتو د لاري کمزوري سي.

دغه عمليات چي پتېيلي سوي دي د جون په مياشت کي په کندهار کي تر سره سي ولسمشر کرزي يې څوواري مخالفت کړی دی.

کرزي کندهار ته په خپل وروستي سفر کي د قومي مشرانو سره په غونډه کي وويل، چي عمليات به ستاسو په غوښتنه تر سره کيږي.

dpa/رحيله اميري

کتونکی. زيارمل