د لیسبوس په موریا کمپ کې لومړی د کډوالو تر منځ نښتې وشوې او تر هغه لږ وروسته بیا دې کمپ اور واخیست. د دې پیښې له کبله چې د دوشنبې ماښام ناوخته رامنځ ته شوه، د کمپ له ۳۰۰۰ څخه ډیر اوسیدونکي اړ شول چې هغه پریږدي.
ویل شوي دي چې د پیښې په تړاو نیول شوي کسان د افغانستان، کامرون، سینیګال او سوریې هیوادونو پورې تړاو لري او ورباندې شک کیږي چې دغه اور یې لګولی دی.
په رپوټ کې راغلي دي چې د نیول شویو کسانو له ډلې څخه پر لږ تر لږه نهو تنو به یې تورونه ولګول شي.
ویل کیږي چې اور لګیدنې د موریا کمپ تر ۶۰ سلنه ډیره برخه له منځه وړې ده.
د دغه کمپ ډیری اوسیدونکو له یوې مودې راهیسې غوښتنه کوله چې ورته د یونان نورو برخو ته د تلو اجازه ورکړل شي چې په دې کمپ کې له شته ډیرو سختو شرایطو خلاص شي.
اوس په لیسبوس ټاپو کې وضعیت نامعلومه ده. په زرهاو کډوال نه د اوسیدو ځای لري او نه هم د یونان نورو برخو ته د تلو اجازه.
پلان شوې وه چې ډیر شمیر دغه کډوال د اروپايي ټولنې او ترکیې تر منځ د یوه تړون له مخې دغه هیواد ته واستول شي.
د ليسبوس په موریا کمپ کې اور لګیدنه
د لیسبوس په موریا کمپ کې لومړی د کډوالو تر منځ نښتې وشوې او تر هغه لږ وروسته بیا دې کمپ اور واخیست. د دې پیښې له کبله چې د دوشنبې ماښام ناوخته رامنځ ته شوه، د کمپ له ۳۰۰۰ څخه ډیر اوسیدونکي اړ شول چې هغه پریږدي.
انځور: DW/D. Cupoloپه موریا کمپ کې اورلګیدنه
د اور لګیدنې پیښه د کمپ د اوسیدونکو ترمنځ تر اخ و ډب وروسته رامنځته شوه.
په موریا کمپ کې اورلګیدنه
اور لګیدنې د موریا کمپ تر ۶۰ سلنه ډیره برخه له منځه وړې ده.
په موریا کمپ کې اورلګیدنه
تقریباً ۳۰۰۰ تنه د کمپ پريښودو ته اړ شوي دي. خو دا کډوال نه د اوسیدو ځای لري او نه هم د یونان نورو برخو ته د تلو اجازه.
په موریا کمپ کې اورلګیدنه
د پیښې په تړاو ډير کسان نیول شوي چې د افغانستان، کامرون، سینیګال او سوریې هیوادونو سره تړاو درلودونکي پکښې شامل دي.
په موریا کمپ کې اورلګیدنه
په دې کمپ کې ډير شمیر ماشومانو هم ژوند کاو.
په موریا کمپ کې اورلګيدنه
دا کمپ چې د نړۍ یو له خرابو کمپونو څخه بلل کیږي، مهاجرو پکښې تر سختو شرائطو لاندې ژوند کاو.
په موریا کمپ کې اورلګیدنه
پلان شوې وه چې ډیر شمیر دغه کډوال د اروپايي ټولنې او ترکیې تر منځ د یوه تړون له مخې دغه هیواد ته واستول شي.
