پولیسو د شنبې (د اګست میاشتې ۲۴ نیټه) په شپه له ۱۱ بجو لږ مخکې او څه دپاسه ۲۴ ساعته وروسته له هغې چې د المان د زولینګن ښار د موسیقۍ پر فیستیوال برید وشو عیسی ال ح، چې د سوریې هیواد پورې تعلق لری نیولی دی.
د المان خبري آژانس د رپوټ بر بنسټ دغه کس ځان د ګزمې پولیسو ته تسلیم کړی دی. د شپیګل ورځپاڼې د رپوټ پر بنسټ د نیول شوي کس جامې چټلې او په وینو لړلې وې. د نورد راین وستفالن ایالت د کورنیو چارو وزیر هربرت رئول، د شکمن بریدګر د نیول کیدو خبر د تائید ترڅنګ ویلي دي چې د جرم مدارک هم پيدا شوي دي.
هربرت رئول د پناه غوښتونکو د یوه استوګنځای د پلټنې او ترلاسه شوو اطلاعاتو ته په اشارې سره زیاته کړه: «په ټولو تیرو ساعتونو کې مونږ قوي نښې تعقیبولې او اوس شکمن کس په توقیف کې دی.»
د شپیګل د رپوټ پر بنسټ ۲۶ کلن عیسی ال ح، په سوریه کې د فرات رود په څنډه کې د دیرالزور ښار[چې ولایت یې هم په همدې نوم دی] کې زیږیدلی دی. د دغه رپوټ پر بنسټ نوموړي تر اوسه پورې په المان کې هیڅ کوم«اسلاميستي» چلند نه وو ترسره کړی.
د شکمن بريدګر مور پر آلماني چارواکو نيوکي کوي
This browser does not support the video element.
د رپوټونو په حواله دغه شکمن بریدګر د ۲۰۲۲م کال د دسمبر میاشتې په پای کې المان ته راغلی وو او د بیليفلډ په ښار کې یې د پناه غوښتنه وړاندې کړې وه. نوموړي یو کال وروسته د مشروطې اقامې اجازه ترلاسه کړه. دا ډول اقامه معمولا د جګړه ځپلو هیوادونو پناه غوښتونکو ته ورکول کیږي. تر برید وروسته پولیسو د تحقیقاتو په جریان کې دوه شکمن کسان نیولي وو.
داعش د برید مسئولیت منلی دی
د زولنګن ښار د موسیقۍ په فیستیوال کې له خونړي برید څو ساعته وروسته د داعش یا «اسلامي دولت» ترهګرې ډلې د دې برید مسئولیت په غاړه واخیست.
د «اعماق» په نوم دغې ډلې ته منسوب تلیګرام کانال بریدګر د «اسلامي حکومت سرتیری» وباله او ویې لیکل چې دغه برید د فلسطین او په ټوله نړۍ کې د مسلمانانو د غچ اخیستې په لاره کې ترسره شوی دی. په دې اعلامیه کې له داعش سره د بریدګر د اړیکې درلودلو په هکله کوم سند نه دی ذکر شوی.
دا په ۲۰۱۶م کال کې په برلین کې د کریسمس پر بازار له برید وروسته چې په ترڅ کې یې ۱۳ تنه وژل شوي وو، لومړی ځل دی چې داعش په المان کې د یوه برید مسئولیت په غاړه اخلي.
د زولینګن ښار چې د دوسلدورف په ختیځ ۲۵ کیلومترۍ او د کولن ښار په شمال ختیځ کې واقع دی ۱۶۰ زره وګړي په کې ژوند کوي. دغه ښار د چړې یا چاقو جوړونې صنعت له امله له له نړیوال شهرت څخه برخمن دی.
آژانسونه: ش.ن/ ن.ز
انځورونه: انيس عامري څرنگه ووژل شول؟
د ايټالیا د کورنیو چارو د وزیر په حواله، په برلین کښې د کریسمس پر بازار تونسي بریدګر د ایټالیا په میلان سیمه کې له پولیسو سره په ډزو کښې ووژل شو. په دې جګړه کښې د ايټالیا یو پولیسو هم ټپي شوی دی.
انځور: picture-alliance/dpa/Daniele Bennati/B&Vانیس عامری له پولیسو سره په ډزو کښې ووژل شو
د پولیسو د سرچینو په حواله، د برلین د کریسمس پر بازار بریدګر وروسته له هغې چې د پولیسو د یوې ګزمې له خوا وپیژندل شو له هغه څخه یې د پیژندپاڼې غوښتنه وکړه، خو هغه خپله وسله راویستله او پر پولیسو يې ډزي وکړې.
رپوټونه همدا راز وايي چې د وژل شوي کس د ګوتې نخښې یا فنګر پرنټ د برلین د پیښې له بریدګر، انیس عامري سره تطابق لري.
پولیس د پیښې په سیمه کښې شواهد ټولوي
د ایټالیا امنیتي چارواکي وايي چې په دې وسله وال اخ و ډب کښې یو ایټالیوی پولیس ټپي شوی دی.
له انیس عامري سره د وسله والي نښتې سیمه
ایټالیوي چارواکي وايي چې له عامري څخه ترلاسه شوې وسله همغه وسله ده چې پولنډی لارۍ چلوونکی په وژل شوی. خو تر اوسه آلماني چارواکو د دې خبري پخلی نه دی کړی او ویلي یې دي چې دغه موضوع څیړنو ته اړتیا لري.
د انیس عامري تر وژل کیدو وروسته، خبري کنفرانس
د ایټالیا د کورنیو چارو وزیر «چپ لوري ته» په یوه خبري کنفرانس کښې دغه خبر له رسنیو سره شریک کړ.
د برلین په برید کې اصلي شکمن په آلمان کښې په مختلفو نومونو ځان ثبت کړی وو. د رسنیو د رپوټونو په حواله، هغه په ۲۰۱۱م کال کښې ایټالیا ته تللی وو او د يوه جرم له امله په څلورو کلونو بند محکوم شوی وو.
دغه اخیستل شوی انځور د انیس عمري سلفي دی. دغه ۲۴ کلن مهاجر په تونس کښې زیږیدلی وو. هغه د برلین د خونړي برید یوازینی اصلي شکمن عامل وګڼل شو او وروسته له دې هغه په ټوله اروپا او آلمان کښې تر تعقیب لاندې وو.
د برلین له قربانیانو سره خواخوږي
آلمانیانو د برلین د خونړي برید له قربانیانو سره د خواخوږی شریکولو له پاره شمعې بلې کړي او پیغامونه یې ولیکل. په دې خونړي برید کښې ۱۲ کسان ووژل شول او لسګونه نور بیا ټپیان شول.
د انیس عامري خور د هغه په هکله له رسنیو سره خبرې کړي دي. د الشرق په نامه یوې ورځپاڼې د تونس هیواد شمال شرقي سیم ته خپل خبریال لیږلی وو چیري چې د انیس کورنۍ ژوند کوو.
په تونس کښې د انیس عامري کورنۍ
په ورته وخت کې دویچه ویله هم د انیس عامري له کورنۍ سره چې اوس هم په تونس کښې ژوند کوي، خبري کړي وې او د هغه د تیر وخت په هکله یې رپوټ جوړ کړی وو.
