دغه شکمن کس د تیرې سه شنبې په ورځ د فرانسې د پلازمېنې په روئیسي هوایي اډه کېنیول شوی دی. د المان په کولن ښار کې د عمومي څارنوالۍ دفتر ویلي دي چې د فرانسې له قضایي مسئولینو سره په دوامداره توګه په اړیکه کې دي، څو المان ته د دغه شکمن کس د سپارلو په اړه قانوني مراحل بشپړ کړای شي.

څیړونکي په دې باور دي چې دغه ۲۲ کلن ځوان د مخدره موادو په کاروبار کې ښکيل یو له مهمو کسانو څخه دی او شک کیږي چې دغه کس د المان په کولن ښار کې ترسره شویو څو چاودنو کې لاس لري.

داسې ویل کیږي چې د المان په هورت ښار کې له یوه ګودام یا ډیپو څخه په لویه پیمانه د چرسو له غلا کیدو وروسته دغه چاودنې شوي دي.

د تحقیق کوونکو په حواله د نشه یي توکه په پیر او پلور کې ښکیله یوه ډله په کومه معامله کې تیر ایستل شوې او بې له معاوضې تیرې په لوړ مقدار کې چرس اخیستل شوي دي.

اغیزمنه شوې ډله د چرسو د بیرته ترلاسه کولو او یا یې قیمت ترلاسه کولو په هڅه کې وه، او ویل کیږي چې په کولن کې شوې دغه چاودنې د همدغو کوښښونو یوه برخه وه.

د عمومي چارنوالۍ د دفتر په حواله تر لسو ډیر شکمن کسان لادمخه په دغو جرمونو کې د لاس درلودلو په شک تر تعقیب لاندې دي.

آژانسونه: ش.ن/ ا.و.ا