امریکايي سرتیری د ملکیانو د وژنې په تور په عمر قید محکوم شو
۱۳۹۰ آبان ۲۰, جمعه![ګیبس په قندهار کې د ملکي کسانو په وژنه محکوم شو](https://static.dw.com/image/15525344_800.webp)
کلوین ګیبس ۲۶ کاله عمر لري او د تورونو د ثابتیدو وروسته په عمر قید محکوم شو. خو محکمي بیا فیصله وکړه چې هغه کیدای شي وروسته له اته نیمو کلونو څخه په مشرط ډول آزاد شي.
تر دې وړاندې د پنتاګون چارواکو ويلي وو چې دغې قضیې په نړۍ کې د متحده ایالاتو د پوځ انځور خراب کړی دی.
هغو انځورونو چې د ګیبس په قضیه کې د ثبوت په توګه وړاندې شوی ول ښودل کې ګیبس او ځینې نورو امریکایې سرتیرو، ځینې جسدونو سره چې په وینو هم ککړ ول په غیرې رسمي توګه انځورونه اخیستي ول.
د ګیبس وکیل د محکمي څخه وغوښتل چې د هغه په جزا کې کموالی راولي ځکه د هغه په وینا ګیبس اوس هغه پخوانی کس چې په افغانستان کې یې دنده تر سره کولو نه دی. وکیل وویل چې ګیبس غواړې په راتلونکې کې د خپل زوی سره یوځای شي.
په ګیبس تور دی چې افغانستان کې د خپل د دندې پر مهال یې یو شمیر غیر مسلح افغانان وژلي دي. هغه د یوي ډلې مشرې کوله چې ورته یې د «وژونکې ډله یا Kill Team» ویل. د دې تر څنک پر هغه د یو بل امریکایې سرتیري د وهلو تور هم وو. دغه امریکایې سرتیري خبر ورکړی وو چې ګیبس د مخدره توکو څخه استفاده کوي او دا چې د پوځې قوانینو خلاف د مړو له لاسونو څخه د هغوې ګوتې پرې کوی او د یادګار په توګه یې د ځان سره ساتي.
ګیبس خپله جزا عادلانه نه بلي او وایي چې هغه ټول کارونه د ځان څخه د دفاع لپاره تر سره کړي دي.
د ګیبس په قضیه کې د هغه ملګرې، جیرمي مورلک، شاهدې ورکړي ده. مورلک هم د ګیبس په څیر په عینې جرمونو تورن شوی او د روان کال په مارچ میاشت کې په ۲۴ کلونو زندان محکوم شو.
د Kill Team پنځه سرتیرې د بې وسلو افغانانو په وژلو تورن شوي دي. خو د هغوې په ډله کې یوازې ګیبس او مورلک د یو کس څخه د ډیر شمیر افغانانو په وژنې تورن دي.
آژانسونه/ مسعود جهش
کتونکی: عبدالباري حکیم