امریکايي دولتي سرچینو ویلي دي چې دغه هیواد طالبانو ته د بندیانو د تبادلې په اړه یو نوی وړاندیز کړی دﺉ. د رویترز خبري آژانس د خپلو اعتمادي کسانو په حواله خبر ورکړی دئ چې د بارک اوباما حکومت اوس دې خبرې ته تیاری ښودلی دئ چې له طالبانو سره د سولې له پاره به د دغې ډلې پنځه تنه لوړپوړي غړي چې د ګوانتانامو په زندان کې بندیان دي، له یوه امریکايي سرتیري سره تبادله کړي.

دغه سرتیری اوس ۲۶ کلن دئ او په ۲۰۰۹ میلادي کال کې په افغانستان کې له یوې پوځي اډې څخه لادرکه شو. گمان کیږي چې هغه به په پاکستان کې له طالبانو سره بندي وي.