ګڼ شمیر بهرنيو هیوادونو ويلي دی چې په سوډان کې د خپلو زرونو میشتو اتباعو د تخلېه کولو له پاره چمتوالی نیسي. جاپان او جنوبي کوریا بیا په ګاونډيو هیوادونو کې خپل ځواکونه مستقر کړي او اروپايي اتحادیه هم د ورته ارزونې په حال کې ده. د آلمانۍ مجلې شپېګل د رپوټ پر اساس، د آلمان درې پوځي ترانسپورتي الوتکې د چهارشنبې په ورځ بېرته راګرځېدو ته اړې شوې. د خرطوم نړېواله هوايي اډه یوه له هغو سیمو څخه ده چې سخته جګړه ورباندې کيږي چې د پوځ د رقیبې نیمه مليشې ډلې (RSF) په کنټرول کې ده.
د نښتو په ابتدا کې ویل شوي وو د جګړو تر ټولو ډير تمرکز د پوځ پر مرکزي قوماندانۍ، ولسمشرۍ ماڼۍ او نور حکومتي تاسیساتو باندې دی چې په کې له درنو وسلو کار اخیستل کیږي. رپوټونه دا هم وايي چې د ملکيانو د هستوګنې سیمو کې هم نښتې کيږي او په وژل شوو کې ملکي وګړي شامل دي.
په اوسني فصل کي د عکسونو سوډانۍ ماډلې، د موډ او فیشن په برخه کي ډیري مخته سوي دي. د موډ په برخه کي بلاخره د «Black is beautiful» یا تور ښایسته دی، جمله د منلو وړ سوه.
انځور: Getty Images/AFP/A. Jocard
د شانیل عطرو د کمپنۍ ماډله
په خټه سوډانۍ - آسترالیايۍ وتلې ماډله، آدوت اکیش وايي چي «دا اوس هم عادي خبره نه ده چي تورپوستي ښځي دي د عطرو اعلانونه وکړي.» د هغې کورنۍ د جنگونو له امله له سوډانه آسترالیا ته تښتیدلې ده. دا په خپله د مهاجرو له پاره د ملگرو ملتونو په یوه کمپ کي کشف سوه او اوس په نړۍ کي د «شانیل» عطرو د کمپنۍ یوه نامتو ماډله بلل کیږي.
انځور: Getty Images/AFP/Stringer
ماډله له ټینگ عزم سره
ماډله نیخور پاول، بیا له خپلي کورنۍ سره له سوډان څخه امریکا متحدو ایالاتو ته وتښتېده. په ۲۰۰۵م کال کي لا د هغې استعداد رابرسیره سو. د «کریستیان سیریانو» په نامه د موډ او ډیزاین امریکايي کمپنۍ دغه مشهوره ماډله، په خپل انستراگرام کي په پرله پسې ډول د راسیستي عکس العملونو څخه شکایت کوي خو او اوس زیاتوي چي «زه نور هیڅ حوصله نه لرم چي تل په دې وشرمیږم چي یوه تور پوستې یم»
انځور: Getty Images/J. Countness
له پوړني سره یوه ماډله
اوس رنگارنگي مهمه ده. د ۲۰۱۸م کال په پیل کي هره دریمه ماډله یوه تورپوستې وه. په ۲۰۰۵م کال کي دا رقم ۵ سلنه وو. ماډله حلیمه آدین چي په کینیا کي د مهاجرو په یوه کمپ کي زیږیدلې، لومړۍ ماډله وه چي له پوړنی سره راڅرگنده سوه.
انځور: DW/A. Wasike
آیا د خپل پوست رنگ بدل کړم؟ که نه!
په نیویارک کي يوه ټکسيوان، نیاکیم گیټ ویچ ته مشوره ورکړې وه چی خپل د پوست رنگ بدل کړي. هغې دغه ډول له تعصبه ډک عکس العمل په خپل انستراگرام کي پوست کړ. له هغه راهیسي یې پلویان ډیر سول او اوس د «Calvin Klein » او «L'Oreal» په نوم مشهورو کمپنیو قراردادونه ورسره کړي دي.
انځور: Getty Images/E. McIntyre
اغیزناک کاته
د «Estee Lauder» په نوم عطرونو د کمپنۍ نوې څیره. انوک یای، لومړۍ تور پوستې ماډله ده چي د «پرادا» په نامه د موډ او ډیزاین نړیوالي کمپنۍ پر ستیژ يې ماډلي کړې ده. دا په مصر کي زیږیدلې او له درې کلنۍ راهیسي په امریکا متحدو ایالاتو کي ژوند کوي.
انځور: picture-alliance/MediaPunch/D. Corredor
تور پوستې ملکه
هغه ددې استعداد لري چي ځانته بدلون ورکړي. ماډله شانیله نیسیسي هم له جنوبي سوډان څخه ده او د نوو ماډلانو په ډله کي تر ټولو بریالۍ ده. د «بازار» په نامه د موډ مجله لیکي چي «شانیله ددې فصل تر ټولو بریالۍ ماډله وه او د موډونو په هره لویه ننداره کي یې برخه اخیستې ده »
انځور: Imago/M. Sangster
صحرايي گُل
واریس دیري، نه یوازي دا چي د يوې سومالیايۍ کوچۍ نجلۍ په توگه په لندن کي یوه مشهوره ماډله سوه، بلکي د ښځو د ختنه کیدو پرضد مبارزه کي په نړۍ کي مشهوره سوې ده. په ۱۹۸۷م کال کي یې په لندن کي استعداد کشف سو. د «صحرايي گُل» په نامه د هغې پر بیوگرافۍ باندي یو فلم هم جوړ سوی، چی په ۲۰۱۰م کال کي یې د «بایرین» په نامه د فلمونو جایزه وگټله.
انځور: picture-alliance/dpa/U. Düren
نورو ته لار پرانیستل
نه یوازي واریس دیري، بلکي مشهوره تورپوستې ماډله، ناوومي کیمپیل هم د یوه انگریز عکاس، تیرینس دونووان له خوا کشف سوې ده. په ۱۹۸۷م کال کي د دغو دواړو ماډلانو عکسونه د «Pirelli» په نامه جنتري کي چاپ سوي دي. یو کال وروسته کیمپیل د تورپوستي ماډلې په حیث، په نړۍ کي مشهوره سوه.
