امریکا نه یوازې په کارائیب سیمه کې د مخدره موادو د قاچاق پر وړاندې عمل کوي، بلکې د یوه بهرني ترهکریز سازمان په توګه «د لوس سولس» کارتېل په طبقه بندۍ سره یې مادورو ته د نږدې سازمان پر وړاندې اقدام ته لاره هواره کړه.
امریکا «د لوس سولس» کارتېل په ترهګریز سازمان بللو سره مادورو ته د نږدې سازمان پر وړاندې اقدام ته لاره هواره کړه.انځور: Pedro Mattey/Anadolu Agency/IMAGO
اعلان
د امریکا حکومت اراده لري د نومبر له ۲۴ نیټې څخه "د لوس سولس " (Cartel de los Soles) کارتېل د بهرني تروریستي سازمان په لیست کې شامل کړي؛ هغه کارتېل چې د امریکا د بهرنیو چارو وزارت په وینا د ونزیویلا له کیڼ اړخي مستبد ولسمشر نیکولاس مادورو پورې ارتباط لري.
امریکا وایي له دې کار څخه یې هدف د نشه یي توکو د کارتېلونو پر وړاندې مبارزه ده، خو ونزیویلا د امریکايي ځواکونو پیاوړی حضور یو ډول «ګواښ او د قدرت نمایش» بولي.
کارتېل [Cartel] په انګلیسي ژبه کې د هغو شرکتونو اتحادیه ده چې په یوه رشته کې فعالیت کوي او د خپل مالي او حقوقي خپلواکۍ په ساتلو سره متحد کیږي. دوی په خپلو منځو کې د بازار د تقسیم، د تولید حجم او توکو د بیو په اړه له یوه بل سره خبرې اترې او سازش کوي.
«د لوس سولس کارتېل» له لغوي نظره د «لمر کارتېل» په معنا ده او ویل کیږي دغه ډله په حقیقت کې یوه جنایتکاره شبکه ده چې د ونزیویلا د وسله والو افسرانو څخه تشکیل شوې او له غیر قانوني فعالیتونو څخه ګټه ترلاسه کول یې خپل هدف ګرځولی دی.
انځورونه: په وينيزويلا کې اخ و ډب
په وينيزويلا کې د شنبې او يکشنبې ورځې هم له خونړيو پېښو ډکې وې. په دې پيښو کې وژل، ټپي کيدل، له پولیسو سره اخ و ډب او مظاهرې شاملې وې. دغه راز هلته د ولسمشر مادورو او خوان گوايدو په پلوۍ ستر کنسرتونه هم وشول.
انځور: AFP/J. Barreto
د گوايدو پلويان
د وينيزويلا پر خپل سر نومول شوي موقتي دورې ولسمشر خوان گواېدو په پلوۍ بريتانوي ميلياردر ريجرډ برانسن د جمعې په ورځ له کولمبيا سره په سرحدي سيمه کوکوتا کې يو کنسرت تنظيم کړی وو. د «Venezuela Aid Live» په نوم کنسرت هدف د بشري مرستو له پاره د پېسو را ټولول ول. په زرونو کسان د پورتريکو د هنر ليوس فونسي په څېر هنرمندانونو د ليدو له پاره په دې کنسرت کې گډون وکړ.
انځور: Getty Images/AFP/E. Estupinan
د اپوزيسيون له مشر سره ډله ایز انځور
د وينيزويلا د اپوزیسيون مشر خوان گوايدو د چلي له ولسمشر سيبستيان پينرا سره د سيلفي انځور اخيستو په حال کې ليدل کيږي. په انځور کې همدا راز د کولمبيا ولسمشر ايوان ډيوگ او پاراگوای رئيس جمهور ماريو هبدو بينټیز هم ليدل کيږي. په اصل کې خوان گوايدو بايد دلته نه وای ځکه د وينيزويلا سترې محکمې پر نوموړي له هېواده د وتلې بندیز لگولی دی.
انځور: Getty Images/AFP/L. Robayo
د ۵۰ تر زياتو هېوادونو ملاتړ
خوان گوايدو نه يوازې د کولمبيا، چلي او پاراگوای د ولسمشرانو ملاتړ له ځان سره لري، بلکې د نړۍ تر۵۰ زيات هیوادونه، نوموړی د وينيزويلا د يوه قانوني موقت ولسمشر په توگه په رسميت پيژني. گوایدو روان ميلادي کال د جنورۍ پر ۲۳ نيټه ځان د موقت ولسمشر په توگه اعلان کړ. په وينیزويلا کې له اوونيو راهيسې د واک پر سر اخ او ډب روان دی.
انځور: Reuters/Courtesy of Chilean Presidency/M. Segura
د نيکولاس مادرو ملاتړ
په کولمبيا کې د «Venezuela Aid Live» کنسرت له ځايه يوازې کابو ۳۰۰ کیلومتره ليرې، د پولې بلې غاړې ته (په وينيزويلا کې) ولسمشر نيکولاس مادورو هم يو مقابل کنسرت رابللی وو. دا کنسرت «له وینیزويلا څخه لاسونه وباسئ» تر شعار لاندې جوړ شوی وو. دې کنسرت ته کابو ۲۵۰۰ کسان ورغلي ول.
انځور: Getty Images/J. Barreto
غير مساوي مسابقه
په اورينا کې (د مادورو په پلوۍ کنسرت کې) کنسرت ته راغلو پر نورو سربيره د وينيزويلا د سندرغاړي کاسيونو او همدا شان له ديوسدادو کابيلو څخه چې د مادورو باوري ملگری او د قانون جوړوونکې جرگه گۍ غړی دی، سندرې واوريدې.
د امنیتي چارو کارپوهان وایي چې احتمالاً په ونزیویلا کې لوړپوړي پوځي افسران د بډو په ترلاسه کولو سره دا ډول کارتېلونو ته اجازه ورکوي خپلو فعالیتونو ته دوام ورکړي او حتی کیدای شي د دوی حفاظت هم وکړي.
د امریکا متحده ایالاتو د بهرنیو چارو وزارت د دې خبرې په اعلانولو سره چې مادورو او د رژیم لوړپوړي غړي یې د دې کارتېل مشري په غاړه لري زیاته کړې ده چې نه هم هغه او نه یې هم شاوخوا کسان «د ونزیویلا د مشروع حکومت استازیتوب کوي.» خو مادورو د نشه يي توکو له کاروبار سره هر ډول ارتباط ردوي.
اعلان
د مادورو د مشروعیت په اړه د اروپا شک
اروپايي اتحادیې او همدارنګه د لاتین امریکا ډیر شمیر هیوادونو د ۲۰۲۴م کال د جمهوري ریاست ټاکنو پایلې تر پوښتنې لاندې راوستلي دي او د اپوزیسیون نوماند ادموندو ګوانزالس چې اوس په فرانسه کې په تبعید کې ژوند تیروي، د انتخاباتو ګټونکی بولي.
