د امریکا د تحقیقاتو فدرالي ادارې (FBI) د دوشنبې په ورځ ویلي دي چې پخواني ولسمشر دونالد ترمپ، پر هغه باندي د شوي حملې په اړه د پوښتنو ګرويږنو په اړه رضایت ښودلی دی.
د روانې میاشتې په لومړیو کې په شمال ختیځ ایالت پنسلوانیا کې د انتخاباتي کمپاین د یوې غونډې پر مهال د تهامس میتهیوز کروکس په نوم یوه بریدګر د ټوپک په وسیله ۸ فیرونه وکړل چې یوه مرمۍ یې پر پخواني ولسمشر ولګېدله او هغه ټپي شو. په دې برید کې هلته موجود یو بل کس ووژل شو او یو شمیر نور ټپیان شول.
ایف بي آی غواړي له ترمپ څخه کومه پوښتنه وکړي؟
د دې برید د لا زیاتو تحقیقاتو په اړه د ایف بي آی ځانګړي ایجنټ کیون روجیک وویل چې له ترمپ سره د پوښتنو ګرويږنو بهیر به «له هر یوه قرباني کس سره د کیدونکي معیاري مرکې په څیر وي، لکه موږ چې یې په نورو حالاتو کې د یوه جرم هدف ګرځیدونکي بل هر شخص څخه کوو.» کیون روجیک زیاته کړه: «هغه چې څه لیدلي دي، موږ غواړو د هغه نظر واخلو.»
ترمپ له فوکس نیوز رسنۍ سره په یوه مرکه کې دا تائیده کړې ده چې ایف بي آی به د پنجشنبې په ورځ ور څخه په دې اړه پوښتنې وکړي.
د ترمپ د ستراتيژۍ په وړاندی د اروپایانو غبرگون
This browser does not support the video element.
د برید انګیزه تر اوسه پورې معلومه نه ده
د ایف بي آی چارواکو ویلي دي چې هغوی تر اوسه پورې نه دي توانیدلي چې د ۲۰ کلن بریدګر د حملې کولو انګیزه معلومه کړي. د استخباراتي خدماتو یوه نخښه ویشتونکي (سنایپر) د ترمپ د کمپاین پر غونډې بریدګر په ډزو وویشت او هغه يې له منځه ویوړو.
ایف بي آی تر اوسه پورې په دغه برید کې د کوم بل کس د ښکیلتیا نخښې نښانې نه دي موندلې.
روجیک وویل: «موږ پوهیږو چې بریدګر ډیر هوښیار وو. نوموړي په کالج کې زده کړې وکړې او خپله دنده یې هم ترسره کوله. معلومیږي چې د هغه بنسټیز ټولنیزه حلقه د هغه د نږدې کورنۍ پورې محدوده وه، موږ په دې هم باور لرو چې هغه څو ملګري او بلدیان هم درلودل.»
بریدګر د سلواکیا د لومړي وزیر د قتل پر هڅې هم څیړنه کړې وه
روجیک وایي چې بریدګر د بريښنا دستګا او په دودیزه طریقه جوړ شوي چاودیدونکي موادو ترڅنګ په انټرنټ کې د سلواکیا د لومړي وزیر رابرټ فیکو، د وژنې د وروستۍ هڅې په هکله د معلوماتو پسې هم لټون کړی دی.
تیره اونۍ د ایف بي آی مشر کرستوفر ری، امریکایي قانون جوړونکو ته ویلي وو چې ډزې کوونکي په ۱۹۶۳م کال کې د هغه وخت د امریکا پر ولسمشر جان ایف کینیډي د شوو فیرونو په اړه هم په انټرنټ کې په معلوماتو پسې لټون کړی وو.
آژانسونه: ش.ن/ ن.ز
انځورونه: د بايدن د بريا تر اعلان وروسته د امريکا واټونه
د امريکا او نړۍ خلک د امريکا د انتخاباتو د نتایجو اعلان ته په انتظار کې ول. دغه انتظار د شنبې په ورځ (د نومبر ۶مه) پای ته ورسيده. د جو بايدن د بريا تر اعلان وروسته، د هغه او د دونالد ترمپ پلويان د ښار واټونو ته راووتل.
انځور: Andrew Kelly/REUTERSپه ويلمينګون کې جو بايدن او کاملا هريس د خپلې بريا تر اعلان وروسته د امريکا خلک يووالي ته راووبلل.
د امريکا په انتخاباتو کې د جو بايدن د بريا اعلان
وروسته له هغې چې د جو بایدن د بريا اعلان خپور شو، خلک د ښارونو واټونو ته راووتل. دلته اولارندو دی. د بايدن پلويان.
د امريکا په انتخاباتو کې د جوبایدن د بريا اعلان
ویل شوي چې ۳۰ سلنه خلک ترمپ سره د مخالفت درلودلو له کبله د راي ورکولو مرکزونو ته تللي ول او بايدن ته رايې ورکړي دي.
وړاندوينه کيږي چې د بايدن ټولې راېې له ۷۵ ميليونو څخه هم واوړي. دا ډول انتخاباتي پایله د امريکا په تاريخ کې سابقه نه لري.
دموکراټانو تقریبا د امريکا په اکثريت لويو ښارونو کې د رايو اکثريت ګټلي دي. دلته په شيکاګو کې د بايدن پلويان په ښار کې د ترمپ پر وړاندې د هغه بريا لمانځي.
په واشنګتن کې هم خلک د بايدن د بريا تر اعلان وروسته واټونو ته راووتل. ټول خلک د «سي ان ان» او «اسوشتيد پریس» له خوا د پايلو اعلان ته په انتظار کې ول.
په پنسلوانيا ایالت کې هم د بايدن رايې ډيرې شوې. په دغه ښار کې هم د بايدن پلويان خوښ دي.
فيلادلفيا ښار د بايدن په بريا کې رول درلود. د دغه ښار په ګډون د امريکا په اکثرو لويو ښارونو کې خلکو د بايدن په ګټه راېې ورکړې.
ترمپ او په انتخاباتو کې ېې ماته
ترمپ حتی د انتخاباتو د پايلو تر اعلان وروسته هم خپله ماته نه منله. خو په اصل کې د امريکا انتخاباتو د دغه هیواد د خلکو په برخليک کې بدلون راوست. ترمپ پر ټويټر يو ځل بيا د خپلې بريا اعلان وکړ. دلته لاس انجلس دی.
امریکا په دوو برخو ويشل شوې. د ترمپ د ولسمشرۍ په دوره کې دغه درز نور هم ژور شو. خو د شنبې ورځې د انتخاباتو د پايلو اعلان د امريکا ښارونو ته نوې څيره ورکړه. دلته فيلادلفيا ده او خلک خوشالي کوي.
د جو بايدن د بريا تر اعلان وروسته، د دونالد ترمپ پلويان هم ښارونو ته راووتل، خو دوی د اعتراض په بڼه راووتل او په انتخاباتو کې ېې د درغليو خبرې کولې.
د ترمپ يو شمير پلويان د ترمپ له خوا د هغه د بريا له اعلان څخه ملاتړ کوي. دوی د «انتخاباتو په نتايجو کې د غلاو» څخه خبرې کوي. که څه هم په اريزونا ایالت کې بايدن ډيرې راېې ګټلې، خو د ترمپ پلویان هم راوتلي وو.
د ترمپ پلويان د «قانون او نظم» او همدارنګه د هغه د حکومت د بهرني سیاست څخه دفاع کوي. دلته په ميلواکي کې د ترمپ يو شمير پلويان ادعا کوي چې بايدن د چين یوه مهره ده.
د ترمپ پلويان مختلفي څيرې لري. د مذهبي ځواکونو څخه نيولې تر ښې اړخي افراطي ډلو پورې. دلته د «قهرجنو وايکينګانو» په نوم يوه ډله ليدل کيږي. دا د پنسلوانيا ایالت د هاريسبرګ ښار دی. همدا د پنسلوانيا ايالت وو چې بايدن ېې بريا ته ورساوه.
