د ایران نیمه رسمي خبري اژانسونو تسنیم او ایرنا راپور ورکړی چې د اسلامي انقلاب ساتونکو ځواکونود امریکا متحده ایالاتو د بریدونو په غبرګون کې پر بحرین او کویټ دواړو توغندي او بې پیلوټه الوتکې توغولې دي.
د راپور له مخې، د اسلامي انقلاب ساتونکو ځواکونو ویلي چې هغه بېړۍ چې د ایران له همغږۍ پرته د هرمز له تنګي تېرېږي، له دې وروسته به ورسره په لا سخت چلند وشي، او هر ډول «د دښمن تېری» به له «ځپونکي غبرګون» سره مخ شي.
د ایران ډرون جګړه: د وسلو دا سیسټم څه ډول کار کوي؟
01:44
This browser does not support the video element.
د اسلامي انقلاب ساتونکو ځواکونو په ټولنیزو رسنیو کې په یوه پوسټ کې لیکلي: «د هرمز په تنګي کې د تګ راتګ د کنټرول چارې د ایران د اسلامي جمهوریت په واک کې دي، او له دې وروسته به له سرغړوونکو بېړیو سره تر پخوا ډېر سخت چلند وشي.»
«د دښمن هر ډول احتمالي تېری، د هر ډول پلمې لاندې، به له ځپونکي غبرګون سره مخ شي، ان که د تېرې شپې او نن شپې په څېر بریدونه پر لږ مهمو هدفونو هم وي.»
د ترمپ خبرداری: ایران به نور شتون ونه لري
د شنبې ناوخته د ایران په سوېل کې د امریکاله بریدونو وروسته، دامریکا ولسمشر ډونالډ ټرمپ وویل: «که داسې وخت راورسېږي چې زه پرېکړه وکړم امریکا نور معقول چلند نه شي خپلولای، نو د ایران اسلامي جمهوریت به نور شتون ونه لري.»
