د امریکا متحده ایالاتو د آیووا ایالت چارواکو وویل چې د پنجشنبې (د ۲۰۲۲۴م کال جنورۍ میاشتې ۴ نيټه) د پیري لیسې د یوه زده کوونکي له د ډزو په یوه پېښه کې یو ماشوم وژل شوی او پنځه تنه نور ټپیان دي.
د آیووا د جنایي څانګې مرستیال میچ موردویت ویلي دي چې بریدګر یو ۱۷ کلن زده کوونکی دی.
دا پيښه په داسې یوه وخت کې رامنځته شوی چې زده کوونکي تر ژمنیو رخصتیو وروسته په لومړي ورځ ښوونځي ته راغلي ول. موردویت وویل چې له شکمن کس سره یوه تفګنچه او یو ټوپک وو. همداشان په ښوونځي کې د یوه نوي طرز چاودیدونکې وسیله موندل شوې چې بیا وروسته شنډه کړل شوی ده.
په افغانستان کې د امریکايي ځواکونو احتمالي ویدیو
This browser does not support the video element.
مخکې تر دې د دلاس کاونټي سیمه ایز چارواکي ایدم انفانتي ویلي وو کله چې ډزې وشوې په هغه وخت کې په ښوونځي تدریسي ټولګي لا نه وو پیل شوي او د تشدد پر مهال «د ښوونځي په ودانۍ کې لږ شمیر زده کوونکي او ښوونکي موجود ول.»
د اړونده چارو مسئولینو په دې اړه پلټنې پیل کړي دي.
په امریکا متحده ایالاتو کې وخت ناوخته په ښوونځیو کې د ډزو پیښې رامنځته کیږي. له دې ډلې څخه د ۲۰۲۲م کال په می میاشت کې د ټیکساس ایالت په راب الیمنتري سکول کې د ډزو د پيښې یادونه کولی شو په کوم کې چې د یوه ۱۸ کلن بریدګر په برید کې ۱۹ زده کوونکي او دوه ښوونکي وژل شوي وو.
آژانسونه: ش.ن/ س.ر
د لاس ویګاس پیښه: تر اوسه څه معلوم شوي
په لاس ویګلاس کې د یوه کنسرت پر مهال ډزې شوې دي چې له کبله یې لوړه مرګ ژوبله رامنځ ته شوې ده. د وژل شویو کسانو په ډله کې پخپله بریدکوونکی هم شامل دی. پولیسو اوس د پیښې سیمه کلا بند کړې ده.
انځور: Reuters/Las Vegas Sun/S. Marcusپولیس وایي چې په لاس ویګاس کې د ډزو له کبله لږ تر لږه ۵۰ تنه وژل شوي او په سونو تنه نور بیا ټپیان دي. پولیسو ته مندالي بې کازینو ته نزدې د یوه برید کوونکي په اړه خبر ورکړل شوی وو.
خلک د کنسرت له سیمې د تیښتې په حال کې
د لاس ویګاس پولیسو له خلکو څخه وغوښتل چې له سیمې وتښتې او یا خو هلته هیڅ ولاړ نه شي. پولیسو همداراز سیمې ته رسیدونکي واټونه هم تړلي ول. پولیسو ویلي دي چې له سیمې څخه یې اتوماتې وسلې ډزې اوریدلې دي.
ډیری کسان ټپیان دي، د مړو شمیر ډیر لوړ شوی
د لاس ویګاس د پولیسو مشر جو لمباردو، خبریالانو ته وویل چې د وژل شویو کسانو شمیر لږ تر لږه ۵۰ دي. هغه وویل چې له ۲۰۰ څخه ډیر کسان ټپیان شوي هم دي.
لومباردو ویلي دي چې ډزې کوونکي د مندالي بې هوټل د دریم منزل د یوې خونې له کړکۍ څخه د کنسرت پر لیدونکو باندې ډزې پیل کړې دي. پولیسو بیا وروسته په همدې سیمه کې برید کوونکی وواژه. برید کوونکي د یوه ځايي اوسیدونکي په توګه معرفي شوی دی خو نوم یې لا نه دی ښوول شوی.
په داسې حال کې چې پولیس وایي په دې باور دي چې برید کوونکي په یوازې سر عمل کړی وو، خو لومباردو روښانه کړې ده چې اوس چارواکي د بریدګر د هم اطاقي په لټه کې دي چې ورڅخه پوښتنې وکړي. پولیس همداراز د برید کوونکي دوه موټره هم لټوي.
ډیر شمیر پولیس چې په کار کې نه وو، هم د کنسرت په لیدونکو کې شامل وو. د هغوی له ډلې څخه دوه تنه یې وژل شوي دي. د پیښې پر مهال سندرغاړي جیسن الدیان، سندرې ویلي. هغه پر خپله ټولنیزه پاټه لیکلي دي چې د قربانیان په فکر دی او دغه پیښه کې یې ډیره ویروونکې بللې ده.
د امریکا په تاریخ کې تر ټولو وژونکې د ډزو پیښه
له۵۰ څخه زیاتو قربانیانو سره، د لاس ویګاس پیښه د امریکا متحده ایالاتو په تاریخ کې تر ټولو وژونکې د ډزې پیښه ده.
