اوکراین: روسيه او بلاروس دې د پاریس المپيک لوبو څخه وښکل شي
۱۴۰۱ بهمن ۱۵, شنبه
کيف د جمعې په ورځ په دې ارتباط غونډه کې د بالتيکي او ټولو اروپايي حکومتونو څخه د ملاتړ غوښتنه وکړه.
د المپيک نړېوالې کمېټې په ېوه اعلاميه کې ويلي دي چې «دا ډيره تاسفناکه ده چې سياستوال له لوبغاړو څخه ناوړه استفاده او له سپورټ څخه خپلو سياسي اهدافو ته د رسېدلو له پاره د ابزارو په توګه کار اخلي.»
د المپيک نړېواله کمېټه IOC، یوه پيشنهادي لاره رامخته کړې تر څو ېې له مخې د روسېې او بلاروس لوبغاړي چې اصلا په اوکراین کې له جګړې څخه مستقیم ملاتړ نه کوي، د پاریس په لوبو کې په بېطرفانه توګه ګډون وکړي. د آی او سې د دغو هڅو له پیل راهیسې کيف په تېرو لسو ورځو کې د هغو پر وړاندې خپلو مخالفتونو ته زور ورکړی دی.
زیلنسکي اروپايي اتحادیې ته ژر ورداخلیدل غواړي
د بشري حقونو د موافقتنامې پر اساس هيڅ لوبغاړی نه باید د خپل پاسپورت له مخې له تبعیض سره مخ شي. د المپیک کمېټه په دا ډول جنجالي مسايلو کې د خپلو اصولو او تاريخ له مخې استدلال کوي. دغه کميټه ټينګار کوي چې د ۲۰۶ هیوادونو د المپيک ټولې کمېټې مجبوره دي چې خپل لوبغاړي د المپيک لوبو ته واستوي.
آلمانۍ وکيله او د ورزشي چارو کارپوهه، سيلفیا شينک، چې د المپیک نړېوالې کمېټې ته د بشري حقونو په برخه کې سلامشورې ورکوي وايي: «د المپيک په منشور کې داسې کوم څه نشته چې په کې راغلي وي که چېرته یو حکومت د ملګرو ملتونو خلاف يو جنګ پيلوي، نو بیا د المپيک کميټه ېې په تعويق کې حالت کې واچول شي.»
د اروپايي ټولني اواوکراين غونډه: په جگړه ځپلي سيمه کي بحثونه
د المپيک له لوبو سره تر ټولو ستر بایکاټ د امریکا متحده ایالاتو په مشرۍ د مسکو د ۱۹۸۰ کال المپيک سره وشو. هغه وخت له ۶۰ څخه ډيرو ټيمونو پر افغانستان د پخواني شوروي اتحاد د پوځي یرغل سره په مخالفت کې مسکو ته د خپلو ورزشکارانو له لیږلو انکار وکړ.
د المپيک نړېوالې کمېتې پيشنهادي طرحه دا ده چې د روسېې او بلاروس لوبغاړي د پاریس په لوبو کې له خپلو بېرغونو، ملي سرود او یا د ټيم د نړیوال نوم پرته په بېطرفانه توګه خپلې سیالۍ وکړي.
فرانسه ولې اوکراین ته خپل ټانکونه نه ورکوي؟
د اوکراین ولسمشر، ولاديمیر زيلنسکي تيره اوونۍ وویل چې د ۲۰۲۴ کال په المپيک مسابقو کې د روسي ورزشکارانو د ګډون د مخنيوي له پاره یو نړیوال کمپاين په لاره اچوي. هغه دغه خبره وروسته له هغې وکړه چې د سپورت وزير ېې وویل چې دوی به د فرانسې له لوبو سره بایکاټ وکړي که چېرته روسي او بلاروسي ورزشکاران په کې برخه واخلي.
(AP)mks/mns/
له آرشیف څخه یو انځوریز البوم: