شخړياوکرایین
اوکراین: روسيې تېره شپه د ۳۱ ډرون په ذریعه برېدونه کړي
۱۴۰۲ آذر ۲۵, شنبه![د آرشیف انځور - په اوکراین کې د روسيې جګړه، د روسيې په ډرون یوه ويشتل شوې ودانۍ](https://static.dw.com/image/67551134_800.webp)
اعلان
د اوکراین هوايي ځواکونو د شنبې په ورځ (د دسمبر ۱۶مه) وويل چې د بيګانۍ حملو په ترڅ کې کیف هم په نخښه شوی دی. خو د پوځ ځايي قوماندان سيرهي پاپکو وويل چې د راغورځېدلي ډرون ټوټو چاته زیان نه دی اړولی.
روسيې په وروستيو ورځو کې له ډرون الوتکو او د بالستیک او کروز توغنديو څخه په استفادې پر اوکراین خپلې حملې ډېرې کړي دي. روسيې د تېرکال په ژمي کې هم خپلو هوايي حملو ته شدت ورکړی وو چې تر ډېره ېې په کې د اوکراین د انرژۍ زېربناوې په نخښه کولې.
د آلمان خبري آژانس د رپوت پر اساس، د روسيې لخوا توغول شوې جنګي ډرون الوتکې چې چاودېدونکي مواد لري، اکثره ېې د ایرن ساخت دي چې پر نامنظمه مسيرونو ځان هدف ته رسوي.
له کله چې د اورکراين د هوايي دفاع سیستم د غربي متحدینو له خوا تقویه شوی، اوکراین د دغو ډرونونو په راغورځولو کې بریالی پاتې شوی دی.
mks/mns/ (dpa)