دغې پوځې ډاکټرې په روسیه کې له بنده تر آزادیدو یوازې یوه ورځ وروسته، له هغه سرتیري سره کوژده وکړه چې له دې سره یې یوځای خدمت کولو. د متحده عربي اماراتو په منځګړیتوب د بندیانو د تبادلې په وروستي مورد کې روسیې او اوکراین، تر ۴۰۰ ډیر جنګي بندیان تبادله کړل.
په هغه ویډیو کې چې په ټولنیزو شبکو کې په پراخه کچه لاس په لاس کیږي لیدل کیږي چې دغه دوه مېنان په څومره لیوالتیا له یوه بل سره یوځای کیږي.
په ویډیو کې لیدل کیږي چې میکولا ګریتسنیاک پخوانی جنګي بندۍ ګالینا فدیچین ته د واده له غوښتنې وروسته د کوژدې ګوتمه ور په ګوته کوي، ښکلوي یې او بیا ورته د سرو ګلانو یوه ګیډۍ ډالۍ کوي.
د اوکرایني پوځ د ۳۶ کنډک قوماندان سرګۍ ولینسکي، چې د «ولینا» په مستعار نوم یې دغه ویډیو خپره کړې ده وویل: «دې عاشقۍ داسې آزمایشونه تر شا پریښودل چې کولی شي ډیر پياوړي هم مات کړي». نوموړي زیاته کړه: «دوی په ګډه د ماریوپول په جګړه کې وجنګیدل، د بندیتوب او اوږدې جدایۍ مصیبتونه یي وګالل، خو زړونه یې همداسې په یو او بل پسې لړزیدل.»
پوهه: ډرون څرنګه په سایبري جګړه کې له اوکراین سره مرسته کوي؟
This browser does not support the video element.
د آزوف سیند په غاړه کېد ماریوپول ښارچې د ۲۰۲۲ کال په پسرلي کې د یوې محاصرې په ترڅ کې عملاً له خاورو سره خاورې شو، د روسي ځواکونو لاسونو ته ولوید او له هغه وخت راهیسې تر اوسه پورې د روسي پوځ په اشغال کې دی.
د ماریوپول مدافعین په ځانګړي توګه هغه کسان چې د اوکرایني پوځ ۳۶ کنډک پورې یې اړه درلوده د آزوفستال د اوسپنې په فابریکه کې مستقر ول او په اونیو یې د روسي پوځ د بریدونو په مقابل کې مقاومت وکړ. دغه کنډک اوس په اوکراین کې د اتلانو په نوم یادیږي.
فدیچین د ۲۰۲۲م کال له پسرلي راهیسې بندي وه او د «ولینا» په وینا د ۳۶ کنډک وروستۍ ښځینه بندۍ وه چې د روسي پوځ په بند کې وه.
د اوکرایني پوځ مشر د چهارشنبې په ورځ بې له دې چې نوم یې واخلي دې ته په اشارې سره وویل: «په بندیتوب کې هغې، د یوه اصل په توګه په اوکرایني ژبه خبرې کولې».
د اوکراین د ولسمشر مرستیال آندري یرماک، په ایکس یا پخواني تویتر تولنیزه شبکه کې دې مینانو ته مبارکي ویلې ده.
آژانسونه: ش.ن/ س.ر
اوکراین: د جګړې پر مهال د تعلیمي کال پیل کیدل
نوی تعلیمي کال پیل شو، خو په اوکراین کې زده کوونکي نه شي کولای د ښوونځیو په عادي ټولګیو کې کیني. په ځینو سیمو کې د امنیتي لاملونو له کبله ټولګي په تهکاویو، یا د مترو په تمځایونو کې جوړ شوي، لکه دلته په خارکیف کې.
انځور: Madeleine Kelly/ZUMAPRESS.com/dpa/picture alliance د دوبي رخصتۍ پای ته ورسېدې او همدارنکه په اوکراین کې د سپتمبر لومړۍ نیټه د ښوونځيو د پیل ورځ وه. آنلاین او یا هم په حضوري او انلاین بڼه ترسره کیدونکي زده کړې په ځینو سیمو کې د جګړې لومړیو کرښو ته نږدې پرتې دي. په خارکیف کې هڅې روانې دي چې د ماشومان لپاره د مترو په تمځایونو کې خوندي ټولګي جوړ کړي، څو په خوندي توګه زده کړي وکړي. د مترو تمځای کې یوه ښوونکې له یوې زده کوونکې سره ټولګي ته روانه ده.
په ټوله کې د اوکراین د شاوخوا ۳،۷ ملیونه زده کوونکو له پاره نوی ښوونیز کال پیل شو. همدارنګه د اوکراین ولسمشر ولودیمیر زیلینسکي هم ټولو زده کوونکو او ښوونکو ته د تعلیمي کال د مبارکي ترڅنګ هغوی ته د بریا ډک کال لرلو هیله څرګنده کړه.
یوه ښوونکې په ټولګي کې زده کوونکو ته ښه راغلاست وایي. ښوونکو ډیره هڅه کړې وه چې پر ناړوه شرایطو سربیره هم په ښایستو رنګونو سینګار کړي، څو ماشومانو ته د امکان تر حده ماشومانو ته یو ارام او له رنګونو ډک چاپیریال برابر کړي.
له درسي ټولګیو څخه د ښاروال لیدنه
د ښوونځي په لومړۍ ورځ د خارکیف ښاروال د مترو په تمځای کې جوړ شوي د ښوونځي یوي ټولګي ته ورغی. په ټوله کې ۶۰ درسي ټولګي جوړ شوي چې له زرو زیات زده کوونکي کولای شي په حضوري ډول دغو ټولګیو کې ګډون وکړي.
د توغندیو د بریدونو سربیره ښکلي صنفونه
په ګډه زده کړه او له ښوونکو سره په مستقیم ډول د نظر او معلوماتو تبادله په ځانګړي توګه د ماشومانو له پاره مهمه وي. د جګړې له پیل راهیسې، په لویو ښارونو کې ښوونځي دې ته دې مجبوره شوي چې په آنلان توګه تدریس پلان کړي. دا ځکه چې دا ښار د دې هېواد په ختیځه برخه کې د روسیې پولې ته څېرمه موقعیت لري او چارواکي ویره لري چې ښایي ښوونځي یو اسانه هدف وي.
د اوکراین د دوهم ستر ښار د مترو په تمځای کې د جوړ شوي ښوونځي د باندې د یوه ماشوم مور وايي چې «ماشومان به دې جوګه واوسي چې سره وویني او د خبرو کولو له پاره یوه ګډه ژبه ومومي.» دغه مور وایي چې هغه په بشپړ ډول د دې کار ملاتړ کوي.
هغه سروس چې زده کوونکي کورونو ته رسوي
د ښوونځي وخت پای ته ورسید او خپلو کورونو ته د تلو وخت دی. د رخصتۍ وروسته زده کوونکي هغه سرویس ته ورپورته کیږي چې د باندې دوی ته ولاړ دی. په دې ډول له په تهکاوۍ کې له ښوونځي څخه تر کوره د ماشومانو د رسولو دا خوندي لار ده.
