د ايران استازي علي لاريجاني او د اروپايي اتحاديې مشر دپلومات خاوير سولانا د ټيلفون د لارې دغه نېټه ټاکلې وه. د اتوم نړيوالې ادارې د پنځ شنبې په ورځ د ايران د ايروانيمو د شتمن کولو يا بډاينې چارې تائيد کړې وې. د ملگرو ملتونو دغې ادارې د هغه رپوټ پر بنياد دغه خبره کړې ده چې څېړونکي او پلټونکي يې په لړ کې ايران ته استولي وو. ويل کېږي چې د ايران د نتانس په اتومي بټۍ کې 1300 سنتريفوژ لگول شوي دي.