د ايران انقلابي ګارډ ځواکونو د رسنيو د يوه راپور په حواله يو ځل بيا يوه بهرنۍ تېل لېږدونکې کښتۍ د فارس په خليج کې درولې ده. د ايران دولتي تلويزيون ويلي دي چې دغې کښتۍ ګويا هڅه کړې وه چې ځينو عربي هېوادونو ته تېل قاچاق کړي. د انقلابي ګارډ د ماموريت ځای د فارسي په نوم ټاپو او د بوشهر بندري ښار ته څېرمه د فارس خليج وو. د ايران د رسمي خبري اژانس، ايرنا، په حواله ياده کښتۍ بوشهر ته وړل شوې ده.
داسې ويل کيږي چې دې کښتۍ ۷۰۰ زره ليټره تېل لېږدول. سربېره پر دې اووه تنه ماڼوګان هم له مختلفو هېوادونو څخه ورباندې د بريد کوونکي انقلابي ګارډ له خوا نيول شوي دي. داسې هم ويل شوي دي چې د کښتۍ د درولو او نيولو پېښه د جولای په ۳۱مه حتی رامنځ ته شوې وه. داسې ويل کيږي چې دا به د يوې مياشتې په ترڅ کې دريمه دا ډول پېښه وي.  

sth/as (dpa, rtr, ape, afp)/ن ص/ا و ا