شخړيایران
ایران: اسرائيلي سفارتونه به «نور خوندي نه وي»
۱۴۰۳ فروردین ۱۹, یکشنبه
اعلان
د ایران دولتي خبري آژانس د ایران د مذهبي رهبر ایت الله علي خامنه يي مهم سلاکار یحی رحیم صفوي له قوله ويلي دي: «د صهیونیست رژيم سفارتونه نور په امن کې نه دي.»
تهران دغه خبرداری د اپریل په لومړۍ د سوريې په دمشق کې د ايران پر سفارت تر حملې وروسته کوي. تهران د دغې حملې پړه پر اسرائيل وراچوي چې په کې د ایران د سپاه پاسداران ۷ غړي ووژل شول.
د اسرائيل د دفاع وزارت دفتر د یکشنبې په ورځ په یوه اعلاميه کې وويل چې هېواد ېې د ایران د هر ډول سناریو په مقابل کې دفاع ته تیار دی. دغه اعلاميه له لوړپوړو پوځي چارواکو سره د دفاع وزير يوآف ګلانت د «عملیاتي وضعیت د ارزونې» تر ېوې غونډې وروسته خپره شوې ده.
د اسرائيل د دفاع وزارت دفتر ويلي، چې ګلانت ټينګار وکړ چې دفاعي تاسیسات د ایران هر ډول سناریو پر وړاندې بشپړې مقابلې ته چمتو دي.
آ/م.ک.ص./ا.ا.