د ایټالیا حکومت ویلي دي چې د روان کال له پیل راهیسې ۳۱ زره پناه غوښتونکي د مدیترانې سمندر له لارې دغه هیواد ته ورغلي دي. د ایټاليا حکومت د هغه بهیر په دلیل چې په تیرو شپږ میاشتو کي یې شاهد و، فوق العاده وضعیت اعلان کړی دی او له اروپایي اتحادیې څخه یې د لا زیاتو مرستو غوښتنه کړې ده.
د مهاجرو د دوو کښتیو ډوبیدو په پایله کې ۴ تنه مړه او ۲۳ لادرکه دي
دغه هیواد له اروپايي اتحادیې غوښتي دي چې یو ځانګړی استازی دې د پنځه میلیونه یورویي بودیجې سره د پناه غوښتونکو وضعیت ته د رسیدګۍ له پاره وټاکي. په بیړني وضعیت کې دولت کولی شي چې د نوو مقرراتو او مالي تامین له پاره معمولاً د پارلمان د تائید اوږد بهیر له پامه وغورځوي.
زمونږ
زمونږ
د ایټالیا د ملکي خوندیتوب وزیر نلو موسومچي، ویلي دي «روښانه ده چې دغه اقدامات ستونزه نه حلوي او حل لاره یې د اروپا د منطقي او بامسئولیته مداخلې پورې تړلې ده.»
د سمندر په څپو کې د مرګ هرکلی
د مديترانې سمندرګي له لارې مهاجرتونه تل خطرناکه وي. په ورستيو کې د لیبيا ساحلي ساتونکو په يوه عمليات کې مهاجر له اوبو راويستل شول. مرستندويه سازمانونه وايي چې د ليبيا بيړني حالت د مرستو په رسولو کې خنډونه ايجاد کړي دي. انځور: Reuters/J. Medina د دغې ماتې شوې پلاستيکي کشتۍ په منځ کې د يوې ښځې او ماشوم جسدونه ليدل کيږي. د ملګرو ملتونو نړيوال سازمان وياند فلاويو دې حيلاکومو، دا يو «ډير غمجن حالت» وباله.
انځور: Reuters/J. Medina يوه ښځه ژوندۍ پاتې ده. په سمندر کې د اسپانيا د «پرواکتیوا اوپن آرمس» غير دولتي مرستندوی سازمان مرستندويانو دغې ښځې ته نجات ورکړی. په احتمال سره دغه ښځه د لیبيا د ساحلي ساتونکو له خوا يوازې پريښودل شوې، ځکه چې هغې نه غوښتل بيرته ليبيا ته وګرځول شي.
انځور: Reuters/J. Medina کپيتان مارک رایګ کريوز او د عملياتو مديره انابل مانتس د ېوې بادي کښتۍ موقعيت موندلو کوښښ کوي. کيدای شي دغه کښتۍ د «پرواکتیوا اوپن آرمس» غير دولتي سازمان له پاره د مهاجرو يوه ليږدونکۍ کښتۍ وي.
انځور: Reuters/J. Medina استر کمپس پر يوه غټ دوربين په سمندر کې د هغو کسانو لټون کوي چې له بيړني حالت سره مخ شوي دي. مرستندويانو دغه اوښتلې پلاستکۍ کښتۍ د سه شنبې په ورځ وليدله. هغوي يوه ښځه وژغورله، خو د يوې بلې ښځې او يوه ماشوم له پاره د مرستې رسيدل نور ډير ناوخته وو.
انځور: Reuters/J. Medina په اوبو کې موندل شوي جسدونه مرستندويانو دواړه جسدونه په پلاستيکونو کې وپيچل. د «پرو اکتيوا» بنسټ ګر اوسکار کمپس پر ټويتر ليکلي: «د ليبيا ساحلي ساتونکو وضاحت ورکړ چې په يوه کښتۍ کې د سپرو ۱۵۸ مهاجرو د سفر مخنيوی يې کړی دی.» هغه زياته کړې ده: «کوم څه چې هغوی نه دي ويلي دا دي چې هغوی يو ماشوم او يوه ښځه د کښتۍ يا قایق پر بام پرېښي ول او دغه کښتۍ په بل مخ واوښته. ځکه چې هغوی نه غوښتل د ليبيا په کښتۍ کې سپاره شي.»
انځور: Reuters/J. Medina د ژغورنې يو غمجن عمليات پای: د «پرو اکتيوا اوپن آرمس» مرستندوی سازمان «آسترال» کښتۍ د اسپانيا يوه بندر پر لور د حرکت په حال کې ده.
ليکونکی: نرمین اسماعیل/ فلوریان میایر/پ.ع /م. ک. ص
انځور: Reuters/J. Medina
د پناه غوښتونکو د چټک اخراجولو امکان
د ایټاليا لومړۍ وزیرې جورجیا ملوني، د اروپايي اتحادیې له ټولو غړو هیوادونو څخه د پيوستون او مرستو غوښتنه وکړه. په دولتي محافلو کې ویل کیږي چې بیړنی وضعیت د پناه غوښتونکو د چټک یا په بیړه اخراجولو امکان برابروي.
ملوني د لومړۍ وزیرې په توګه د خپل کار تر پیلولو مخکې ژمنه کړې وه چې د مهاجرت معضله به مهاروي.
هغه مهاجر چې په دې موده کې ایټالیا ته رسیدلي یا د سمندري ځواکونو او ایټالیا د ساحلي ګارد او یا هم د خصوصي مرستندویه سازمانونو د کښتیو په وسیله د ډوبیدو له خطر څخه ژغورل شوي دي.
المان په ایټالیا کې د ډوبې شوې کښتۍ ۳۲ ژغورل شوي مهاجر مني
د هغو پناه غوښتونکو شمیر چې د سمندر له لارې هڅه کوي ځانونه اروپا ته ورسوي، په دې وروستیو کلونو کې لوړ شوی او تر اوسه پورې په سلګونو کسان په سمندر کې ډوب او خپل ژوند یې له لاسه ورکړی دی.
آژانسونه: ش.ن/ ن.ز
