ایټالیا په افغانستان کې د ځانمرګو بریدونو مخه نیولې ده
۱۳۹۱ فروردین ۹, چهارشنبهاعلان
ایټالیاوي ځواکونه وایي چې دوی په افغانستان کې د ځانمرگو بریدونو مخه نیولې ده. له اسوشیتد پرس خبري آژانس سره په خبرو کې په افغانستان کې د ایټالیاوي ځواکونو ویاند ډګروال وینزینزو لاورو، وویل چې د ایټالیا استخباراتي ادارې د تیرو څو میاشتو پلټنو وروسته افغان ځواکونو لس ځايی شکمن کسان نیولي دي.
دې لس کسانو د افغانستان په ګڼو سیمو کې پر ایټالیاوي او افغان چارواکو د بریدونو پلانونه لره. له شکمنو کسانو سره چاودیدونکي توکي هم نیول شوي دي.