د برلين ایالت سيمه ایزې ادارې پريکړه کړې ده چې په راتلونکو پنځو کلونو کې به له خطر سره مخامخ ۵۰۰ افغان پناه غوښتونکي ومني. د آلمان د کارلسروهه ښار د رسنیو ميوزیم هم همدا راز د افغان هنرمندانو د منولو غوښتنه کړې ده.
انځور: Airman Edgar Grimaldo/U.S. Air/Planet Pix via ZUMA Press Wire/picture alliance
اعلان
برلين په پام کې لري چې په راتلونکو پنځو کلونو کې په ټولیزه توګه له افغانستان څخه ځانګړي محافظت ته اړتيا لرونکي ۵۰۰ پناه غوښتونکي ومني. دا مورد د سه شنبې په ورځ د برلين ایالت د سيمې ایزې ادارې له خوا تصويب شو.
پر دې اساس به هر کال ۱۰۰ کسان د برلين ایالت د مهاجرو د منلو د پروګرام له لارې منل کيږي. په دې کې به هغه کسان شامل وي چې د ملګرو ملتونو د مهاجرو د عالۍ کمیسارۍ (يو ان ايچ سي آر) له خوا محافظت ته اړتيا لرونکو کسانو په توګه درجه بندي شوي وي، لکه سياسي مخالفين او د بشري حقونو فعالان.
د برلين د سيمه ایزې ادارې په حواله دا ايالتي پروګرام د هغو کسانو له پاره دی چې تر مخه یې د آلمان د فدرالي دولت له خوا د منل کيدو تائيدي نه وي ترلاسه کړی.
د برلين ایالتي حکومت همدا راز د بشري دلایلو پر اساس په عين حال کې دا پريکړه هم کړې ده چې د هغو افغان پناه غوښتونکو د کورنيو د منلو مقررات به هم پراخه کړل شي چې په برلين کې ژوند کوي. تر دې د مخه دا استثنايي قانون يوازې سوريايي او عراقي پناه غوښتونکو د خپلوانو د منلو له پاره عملي کيده.
د افغان هنرمندانو د منلو غوښتنه
د آلمان د کارلسروهه ښار د رسنیو موزيم غواړي چې هغه افغان هنرمندان چې له خطر سره مخ دي، د همسبتګۍ د يوه کمپاين په ترڅ کې ومني. د هنر او رسنيو مرکز (زيد کا ام) د سه شنبې په ورځ اعلان وکړ چې د افغانستان ناوړه وضعيت ته په کتو سره د هنر او کلتور په برخه کې نړيوالې همکارۍ او تړون ته اړتيا ده.
دا وړاندایز لا دمخه په سپتمبر میاشت کې د آلمان د کورنيو چارو وزارت ته استول شوی دی. په دې کار سره موزيم د «هنرمند په خطر کې» په نوم مرستندويه سازمان له غوښتنليک سره مرسته کوي.
د سپتمبر میاشتې په پېل کې دې سازمان د افغان هنرمندانو له خوا د آلمان د صدراعظم اولاف شولڅ او د امريکا متحده ايالاتو د ولسمشر جو بايدن په نوم يو ليک هم خپور کړی وو.
په دې ليک کې له دولتونو څخه غوښتنه شوې ده چې نور دې د افغانستان له ناوړه وضعيت څخه سترګې نه پټوي بلکې د ویزو په ورکړې سره دې د هنرمندانو د را ايستلو ګام پورته کړي. په دې ليک کې راغلي چې لاس ليکوونکي یې تعقيبيږي او د طالبانو له ويرې چې کابو ټول هنرونه د اسلامي قوانين څخه سرغړونه ګڼي، په تېښته دي.
پر دې سربیره زیاته شوې چې «د افغانستان د خلکو ارزښتمن کلتور او روحيه» بايد د راتلونکو نسلونو له پاره خوندي شي.
ب. ص/ ن. ز (afp,epa)
زموږ له آرشيف څخه:
انځورونه: ترکيه ایران سره پر پوله کانکريټي دیوال رغوي
د ترکيې حکومت اوسمهال ایران سره پر ګډه پوله د ۶۳ کیلومتره اوږد یو کانکريټي دیوال په رغولو بوخت دی. د دغه دیوال د رغولو هدف امنيتي مسائیل ښودل شوي. دلته يې انځورونه وګورئ!
انځور: Mesut Varol/AA/picture alliance
۶۳ کیلومتره اوږد سرحدي دیوال
ترکیه دغه کانکريټي دیوال په ختيځ ایالت وان او ایران سره د ګډې پولې په اوږدو کې د امنيتي دلایلو پر اساس جوړوي.
انځور: Mesut Varol/AA/picture alliance
سرحدي دیوال د ۳ مترو په لوړوالي
دغه دیوال چې زیرک برجونه هم لري، اوس مهال يې د رغولو چارې ایران سره په پوله په چالدرن وان ایالت کې ادامه لري. د دغه دیوال لوړوالی ۳ متره دی. دغه هر کانکړيټي بلاک ۲ متره او ۸۰ سانتي لوړوالی او ۷ ټنه وزن لري.
انځور: Mesut Varol/AA/picture alliance
د څار ځیرک برجونه
ترکي چارواکو ويلي دي چې تر اوسه يې د وان ایالت په سرحدي سیمو کې ۷۶ ځیرک برجونه جوړ کړي دي. ترکېې دغه راز د ۱۱۰ کيلومترو په اوږدو خندق هم وښکلی دی.
انځور: Mesut Varol/AA/picture alliance
د قاچاق او غیرقانوني مهاجرتونو مخنیوی
د ترکيې حکومت ويلي دي چې دغه دیوال له تروريزم سره د مبارزې، د مالونو د قاچاق او د غیرقانوني مهاجرتونو د مخنیوي له پاره جوړوي تر څو په سرحدي سیمو کې يې خوندي امنيت وي.
انځور: Mesut Varol/AA/picture alliance
«تروریزم سره مبارزه»
د دغه دیوال د رغولو یو هدف تروریزم سره مبارزه ښودل شوې ده. ترکي رسنیو ويلي دي چې د کردستان د کارګر ګوند یا پې کې کې څه باندې زر ځواکونه ایران سره پر پوله فعالیت کوي.
انځور: Mesut Varol/AA/picture alliance
«غیرقانوني مهاجرتونو سره مبارزه»
دغه کانکريټي دیوال د رغولو یو بل هدف «غیرقانونی مهاجرتونو سره مبارزه» ښودل شوې ده. د ترکيې او ایران تر منځ سرحد د غیرقانوني مهاجرتونو لپاره یو ښه انتخاب دی. افغانان، ایرانيان او پاکستانيان له همدې لارې ترکيې ته ځانونه رسوي.
انځور: Mesut Varol/AA/picture alliance
«قاچاق پر وړاندې مبارزه»
ترکيه وايي د دغه دیوال څخه د رغولو بل هدف د قاچاقي مالونو مخنیوی دی چې ایران يې هرکلی کړی دی. د ایران خارجه وزارت ويلي دي چې د دوه میلیارډ ډالرو په ارزښت قاچاقي مواد له ترکيې څخه ایران ته واردیږي چې د دغه دیوال په جوړیدو سره به يې مخه ونیول شي.
انځور: Mesut Varol/AA/picture alliance
د مهاجرینو له پاره لا ډیرې ستونزې
د ترکي رسنیو په حواله، د وروستیو اوونيو په جریان کې د ورځې لږ تر لږه ۵۰۰ افغان مهاجر له دغه سرحده ترکې ته مهاجر شوي دي.
انځور: Mesut Varol/AA/picture alliance
«لا خوندي سرحدات»
د ترکيې د چالدرن ایالت قوماندان یوسف دورانی دنچ د انادولو خبري آژانس ته ويلی دي: «د ترکیې امنيتي ځواکونه په سرحد کې د امنیت د تامین له پاره فداکارانه هڅې کوي. د دغه دیوال په جوړیدو سره به د ایران او ترکيې ترمنځ سرحدي سیمه لا امن شي.»
انځور: Mesut Varol/AA/picture alliance
ترکیه او سرحدي دیوالونه يې
دا د چین او له مکسیکو سره د امریکا تر سرحدي دیوال وروسته، د نړۍ دریم اوږد دیوال دی.
