لومړي وزير ريشي سوناک د شنبې په ورځ وويل »څو کښتۍ ودرول شي، بايد د کرکجنو انساني قاچاقچيانو د کاروبار سرچينه وچه کړو.«
د هغه په اند، دا په دې معنی ده چې »د هغوی د هڅو پرضد لا سخت اقدام وکړو چې انسانان دغو غيرقانوني سفرونو ته جذب نه کړي.«
ورته نور ولولئ: محکمه: له بريتانيا څخه روانډا ته د کډوالو ليږل غير قانوني دي
د بريتانيا د جنايي پوليسو د ادارې ان سي ای او د مېتا، ټيک ټاک او ايکس په څېر انترنتي شرکتونو ترمنځ همکاري د دې هدف لري چې په خواله رسنيو کې داسې محتويات وموندل شي چې د انسانانو په قاچاق پورې اړه لري، مثلا داسې وړانديزونه چې د جعلي اسنادو، ډله يز تخفيف يا د خوندي سفر د ژمنو په برخه کې خپريږي. د سونک محافظه کار حکومت په وړو بېړيو کې د فرانسې له شمال څخه د انګليس کانال له لارې د خطرناکو سفرونو د مخنيوي ژمنه کړې ده، خو تر اوسه بريالی شوی نه دی.
په بلجيم کي د مهاجرو غير قانوني تم ځای
This browser does not support the video element.
د دې حکومت ناندرئيز پلان چې ناقانونه کډوال روانډا ته اخراج کړي، د محکمو له خوا رد شوی دی. د انګلستان په جنوب کې په يوه ستره کښتۍ کې د کډوالو ځای پر ځای کول څو د استوګنې لګښتونه راکم شي، هم ځنډول شوي دي.
ورته نور ولولئ: فرانسه او بریتانیا د مهاجرت په برخه کې کومې موافقې ته رسیدلي؟
قانوني او غيرقانوني کډوالي د ډېرې مودې راهيسې په بريتانيا کې يوه جنجالي او ناندرئيزه موضوع ده چې په ۲۰۱۶م کال کې د برکزيټ رفرنډم يوه مرکزي سکالو هم وه. په ۲۰۲۲م کال کې له ۴۵ زرو ډېر خلک د انګلستان جنوبي ساحل ته په وړو کښتيو کې ورسېدل چې دا د ۲۰۲۱م کال په پرتله ۶۰ سلنه زياتوالی دی. تېره مياشت د سوناک حکومت داسې ناندرئيز قانون تصويب کړ چې ملګرو ملتونو ورباندې نيوکه وکړه. د دغه قانون له مخې ټولو غيرقانوني کډوالو ته د پناه حق نه ورکول کيږي.
ای اف پي/ن.ص.
له آرشیف څخه یو انځوريز البوم:
له ځنګل کمپ څخه پاريس ته او بيا ...
د فرانسې په کاله کې پولیسو لخوا د «ځنګل» موقت کمپ له ورانيدو وروسته، په زرونو مهاجر پلازمينه پاریس راوړل شول. خو لا هم زیات شمير مهاجر غواړي بيرته کاله ته ولاړ شي تر څو له هغه ځایه بريتانيا ته تللي وي.
انځور: Reuters/C. Platiau پاریس کې د مهاجرو د خيمو غورځول
د فرانسې پولیسو د پاریس ښار د ستالينګراد ميترو ستيشن ته نژدې د پياده روونو پر سر د مهاجرو درول شوې خيمې او د خوب لپاره هوارې کړل شوې دوشکې او بیسترې ټولې کړې. د کالې کمپ له ورانيډو وروسته پاريس کې د مهاجرو شمير تر ۳۰۰۰ پورې لوړ شو.
دا به د کمپ د پاک کارۍ وروستی ځل وي؟
مهاجرې ښځې په سړه هوا کې بسونو ته ولاړې دي تر څو یې د فرانسې ښار بلې سيمې ته د مهاجرو د پزيرش مرکز ته رسولي وي. په پاريس کې د مهاجرو کمپ په وروستيو مياشتو کې هم دوه ځله پاک کاري شوی وو. د پزيرش مرکزونه به په راتلونکې کې د موقتي کمپونو د جوړيدو مخنيوي وکړي.
په زرونو هغه مهاجر چې د «ځنګل» کمپ تر ورانيدو وروسته د فرانسې پلازمينې پاریس ته راغلي، په دې هيله دي چې بيرته کالي ته ولاړ شي، تر څو له هغه ځايه بريتانيا ته تللي وي.
د فرانسې حکومت لخوا په کالې کې د مهاجرو کمپ تر ويجاړيدو وروسته، یو شمير مهاجرو د پاريس ښار په کوڅو کې خپلې خيمې ودرولې. له همدې کبله اوس د فرانسې په کوڅو کې د مهاجرو شمير زیات شوی دی.
کوم مهاجر چې تيرکال فرانسې ته رسيدلي ول، اکثره یې د افغانستان، عراق، اريتيريا او سوډان هيوادونو څخه دي. دوي غالباً هڅې کړي تر څو د لاريو او نوور وسايطو په ذريعه د بريتانيا پر لور وتښتي.
يوه ډله ځوان مهاجر په کاله کې «ځنګل» کمپ ته نژدې ولاړ دي. د اکتوبر میاشت په ۲۶ مه، کله چې پوليسو له کمپ څخه د شاوخوا ۱۰ زره مهاجرو د وښکلو کار پیل کړ، کمپ ميشتو په اعتراض کې اورونو بل کړل.
مهاجر له کالې څخه د وتلو په حال کې
د فرانسې د کالې په «ځنګل» نومې کمپ کې شاوخوا لس زره مهاجر په دې اميد ميشت ول چې بريتانيا ته به ځي. چارواکو د فرانسې نورو سيمو ته د دغو مهاجرو د انتقال پر وخت هڅې وکړې، تر څو يې د اعتراضاتو د پيښيدو څخه مخنيوی کړی وي.
دا په کاله کې د «ځنګل» کمپ یوه برخه ده. په دغه کمپ کې مهاجر په ناپاکه کانتينرونو او خيمو کې په بد حالت کې ژوند کاوه. دغو خيمو د باد او لمر په مقابل کې ډیر کم مقاومت لاره.
د فرانسې ولسمشر فرانسوا اولاند وویل چې نور به څوک پرې نښودل شي چې د کالې د مهاجرو په کمپ کې له سره میشت شي. د «ځنګل»کمپ په اروپا کې د مهاجرو د بحران د سمبول په توګه بدل شو.
